متلازمة أسبرغر.. الوسواس القهري.. نيكروفيليا.. كابوس متكرر..
السلام عليكم.. الصراحة مش عارف أبدأ منين.. أنا بعاني من كذا عرض نفسي مسيطرين علي من فترة طويلة.. أنا قريت استشارات كتيرة هنا وفي مواقع تانية.. فحسب تحليلي البسيط أقدر أقولك إني غالبا أعاني من:
1- متلازمة أسبرجر:
أنا كنت بعاني من عيب خلقي, هو غير واضح دلوقتي أوي بس أنا بفكر فيه معظم الوقت وممكن يكون مضايقني بشكل كبير.. ممكن دا يكون سبب فإصابتي بمتلازمة أسبرجر.. الله أعلم.. بالإضافة إني تربيت بشكل خاطئ.. مش بعتمد على نفسي خالص وغالبا مليش أي رأي..
المهم أعراض المتلازمة بدأت تظهر في سن 12 أو 13 سنة.. بس بدأت أنعزل عن الناس, ما أزرش عيلتي خالص.. أنا طول عمري خجول بس عمري بس ماكنتش منعزل عن الناس.. بقيت أتكسف جدا أكلم ناس حتى لو عارفني من زمان وتربيت معاهم حتى عيلتي..
أعراض المتلازمة اللي كنت بعاني منها: العزلة التامة.. الخجل الرهيب.. اللامبالاة الوسواس القهري.. كلامي غالبا غير مفهوم لأني بتكلم بسرعة.. ومعظم الناس اللي بيبدأوا يكلموني مش بسمعهم من أول مرة بسبب إني ممكن أكون مشتت.. أنا دايما مشتت بفكر كتير جدا.. ودا طبعا أثر بشكل كبير جدا على دراستي..
حاليا بعد سن ال 20 تحسنت وأعراض المتلازمة قلت بشكل كبير.. بس المشكلة لسه موجودة.. أنا بعاني بشكل كبير علشان أظهر بشكل طبيعي وبفضل أحاكم نفسي كتير جدا.. بحاول أعمل صداقات مع الناس.. بس بنجح أعمل صداقات في حدود الدراسة فقط لا غير.. الناس لما بييجو يكلموني علشان يتعرفوا علي ساعات بتعامل بشكل formal أوي أو بجدية رغم أني بحب أهرج معظم الوقت.. فبظهر إني متكبر أو مش عايز أتكلم أو غير مهتم.. مش بعرف أتكلم مع الناس أو أفتح مواضيع إطلاقا.. كذا مرة واحد ييجي يقولي هو إنت مش بتتكلم معانا ليه؟!
بس حاليا برده بقيت أتعامل مع عيلتي عادي, بس مش بحب أزورهم وأعد معاهم.. وبتعامل مع الناس عادي برده.. بس مش بقدر خالص أوصلهم شعوي عامل إزاي..
ملحوظة: مع والدي ووالدتي وأخواتي أنا كنت طبيعي دايما..
2- الوسواس القهري:
زي ما قريت بعض الاستشارت هنا.. تقريبا نفس الأعراض..
- تفكير كتير جدا (غالبا بفضل أحاكم نفسي)
- معنديش القدرة على التركيز.. يعني مثلا معظم الحاجات اللي بتتشرحلي مش بفهمها خالص لكن لما أرجع البيت وأقرأها بلاقيها سهلة ومفيهاش حاجة صعبة.. دا مأثر على دراستي طبعا..
في الصلاة بيبقى صعب علي إني أركز ركعة كاملة على بعض.. لازم أسرح وأفكر في حاجة..
- بتخيل مواقف أو أشخاص وبعد أتعامل معاهم وأتحرك في الأوضة كأنهم موجودين (مش بشوفهم لأ موصلتش للدرجة دي لسه).. دا كمان مأثر على دراستي لأني بقضي وقت كتير جدا في التخيل..!
- لو بكتب حاجة المفروض أذاكرها لازم أكتبها بنظام شديد.. ممكن أقطع الورقة 5-6 مرات علشان المنظر يبقى كويس ومفيهوش غلطات.. في الامتحانات بقى مش بهتم بالحاجات دي خالص!
- الماضي مأثر عليا بشكل كبير وبحب أجمع حاجات ليها ذكريات معايا.. حتى لو حاجات ملهاش أي 30 لازمة.. لدرجة إني كنت بجمع الأظافر اللي بقصها من إيدي .
3- نيكروفيليا:
بحب أشوف صور أو أتابع أفلام ال gore اللي فيها قتل عادي أو بطرق بشعة (للبنات فقط غير كدا بقرف الصراحة)
بعض الأعراض التانية اللي ممكن يكون ليها علاقة بالكلام اللي فوق:
- حساس بدرجة كبيرة.. ممكن أنزل دمعة أو أعيط مثلا لو شفت مشهد محزن في فيلم ولا حاجة (إيه الهبل دا).. كمان جالي اكتئاب فترة كدا لما عرفت إن الحرب العالمية التانية مات فيها 60 مليون تقريبا.. لك أن تتخيل أنا بعمل إيه لما بتابع أخبار سوريا وغزة.. اللي أنا تقريبا مدمن عليها.. مش متأكد الحالة دي بدأت عندي إمتى.. بس غالبا والله أعلم بدأت من ثورة يناير لما شفت مشاهد عنف كتيرة مكنتش مصدقها..!
- الشك.. بعد الثورة برده..
بعد كمية الأخبار المهولة اللي كنت بسمعها وتطلع غلط وكمية الحاجات اللي تربيت عليها وكمية الأحاديث النبوية اللي طلعت مغلوطة.. بقي عندي شك زيادة عن اللازم شوية.. أنا شايفها حاجة كويسة على فكرة بس طالما الموضوع وصل للناحية الدينية تبقى مشكلة..
أي خبر أقرأه أو حد يقولهولي بطالبه بالمصدر.. ودا أدى إن ناس كتيرة اتخنقت مني لأني بعد أقوالهم إن الخبر دا غلط وكدا وهما بيبقوا عايزين يصدقوا حاجة تخدم ميولهم السياسية.. لحد هنا كويس مفيش مشكلة (يا أيها الذين آمنوا إن جاءكم فاسق بنبأ فتبينوا)
المشكلة بقى في الناحية الدينية.. أنا تربيت على أحاديث كتير واكتشفت لما كبرت أنها أحاديث ضعيفة أو باطلة أساسا..!
دا غير أن دلوقتي أي شيخ ممكن يطلع يقولك فتوى.. عادي جدا!
فبقى عندي مشكلة.. أنا مسلم الحمد لله بس عندي شك دائم إني ممكن أكون فاهم الدين غلط.. أو الكلام وصلنا غلط مش عارف..!
أنا اتفرجت على معظم فيديوهات المناظرات على الyoutube.. ممكن الفيديو يبقى 4 ساعات وأتفرج عليه كله.. وكنت بجادل مع ناس ملحدين كتير علشان أثبت إن أنا صح.. الحمد لله دايما كنت بلاقي ردود مرضية على كل أسئلتي بس برده الشك لسه موجود!
- بالنسبة للمستوى الدراسي.. دايما كان مستوايا ضعيف للأسباب المذكورة.. بعد دخولي الجامعة كان عندي ثقة في نفسي وكنت حاسس إن بدخولي الجامعة حياتي هتتغير وهكون صداقات زي بقية الناس.. في أول سنة جبت درجة عالية وطلعت من الأوائل.. بس مفيش حاجة اتغيرت.. التغيير كان طفيف.. في مستوايا بدأ يسوء تاني ومبقتش عايز أفتح كتاب.. لأنه مفيش هدف في حياتي إطلاقا..
أصل أنا هذاكر ليه؟! ما أنا عمري ما هكون شخص طبيعي يبقى عنده صحاب وأتجوز وكدا.. صح؟! أنا عارف الكلام دا غلط, بس أنا مش شايف حاجة لازم أعيش عشانها.. أنا شايف الحياة صعبة جدا لأني مش عارف أتعامل مع الناس.. أنا ببص على الناس التانية وبسأل نفسي هما عارفين يدبروا أمورهم بالسهولة دي إزاي.. هما إزاي بيضحكوا ويهزروا عادي كدا..!
مشكلتي إن في أفكار كتير غلط مسيطرة علي ولازم أغيرها بس مش عارف أقنع نفسي الداخلية إنها تسمع كلامي لأني عايش في نفس الدايرة ونفس الروتين..
- من وأنا عندي 7 سنين تقريبا بعاني من نفس الكابوس.. شيطان أو حاجة بتجيلي وبتسبب لي وجع شديد.. بحاول أبعده عني بس ببقى ضعيف جدا.. الكابوس بيجيلي أول ما بدخل في النوم علطول.. وغالبا لو سهران وتعبان جدا مش بيجيلي لأني بدخل علطول في نوم عميق.. الكابوس دايما بيجيلي علشان كدا بحب أنام وأنا سهران أو لو في حد جنبي..
- حاجة كمان غريبة مش عارف ليها علاقة بالطب النفسي ولا لأ بس أقولها بالمرة طالما الاستشارة ببلاش بعض الأحيان لما بقفل عينيا جامد, بشوف أشكال غريبة.. مش عارف أوصفها إزاي.. حاجات بتترسم بضوء أبيض كدا, أكنك واقف في أوضة ظلمة وفي ضوء خافت..
بتبقى أشكال غريبة غير مفهومة, لوحة هيروغليفية مثلا.. بتبقى مجسمة أوي وفيها تفاصيل كتير..
آسف إني طولت عليكم بجد, بس دي أول مرة في حياتي أقول الكلام دا لأي حد..
طبعا شوية الأعراض دول لو عند حد كانوا زمانه قام نط من البلكونة من زمان
سلام
05/10/2014
رد المستشار
شكراً على استعمالك الموقع.
يمكن صياغة استشارتك كما يلي:
1 - تجنب تطبيبها واستعمال تشخيصات طبية نفسية لا فائدة منها.
2 - تطبيب الأعراض التي تشير إليها في رسالتك وبعدها إعطائك أكثر من تشخيص طبي نفسي.
الصياغة الثانية:
لا شك بأنك قضيت بعض الوقت تبحث عن تشخيص وهوية طبية نفسية عبر عالم الفضاء تساعدك في تجاوز أزمات نفسية لم تفصح عنها في الرسالة. تشير أولاً إلى طفولة غير سعيدة وتشوه خلقي وبعدها بداية أعراض نفسية في سن المراهقة. بداية الأعراض النفسية في النصف الأول من أعوام المراهقة لا يشير إلا إلى ما يلي:
1 - اضطراب الشخصية Personality Disorder
2 - بداية اضطراب نفسي جسيم مثل الفصام والثناقبي أو اضطرابات نفسية عصابية تتعلق بالقلق مثل اضطراب القلق الاجتماعي أو اضطراب الهلع أو الحصار المعرفي (الوسواس القهري).
لا يوجد في رسالتك ما يشير إلى اضطراب عقلي جسيم وهذا لا يبشر إلا بالخير. دخلت الآن العقد الثالث من العمر وبعد مرور 7 سنوات يتوقع الطبيب النفسي ظهور أعراض اضطراب جسيم بصورة واضحة وهذا لم يحدث.
لا شك بأنك تعاني من ضعف في المهارات الاجتماعية والتواصل مع الآخرين ولكنك في نفس الوقت لا تتحدث عن أعراض قلق واضحة وتشخيص اضطراب القلق الاجتماعي بحد ذاته لا يجدي نفعاً إلا إذا كان هذا الاضطراب يؤدي إلى معاناة الفرد ومن حوله بسببه.
أما الحصار المعرفي فليس هناك في الرسالة ما يوحي إلى أنك مصاب بهذا الاضطراب. تميل شخصيتك إلى ابتغاء الكمال أحياناً وأعراض حصارية ولكن مسار أعراضك لا يسند مثل هذا التشخيص وخاصة في الذكور حيث يكون أمره أشد مما توصفه ويقع ضمن طيف الأمراض العصبية التطورية.
طيف الأمراض العصبية التطورية يقودنا إلى تشخصية متلازمة الاسبرجر الذي توصلت إليه. لا تعاني من هذه المتلازمة. تبدأ أعراض هذا الاضطراب في سن مبكر وآخر ما يفعله المصاب به طرح مشاكله بهذه الصورة. لا تشير بياناتك الشخصية إلى ولعك بهواية ما وتفاعلك مع الأخبار وهشاشة تكوينك العاطفي ينفي إصابتك بهذه المتلازمة.
بعد ذلك نعود إلى تشخيص اضطراب الشخصية. النيكروفيليا والهشاشة العاطفية والأعراض البصرية الانفصالية مع كابوس متكرر منذ عمر سبع سنوات تشير إلى صفات هستيرية في تركيب شخصيتك. هذه الصفات الهستيرية عند الذكور ليست بغير المعروفة ومحتواها يختلف من شخص لآخر. رغم ذلك فلا أظن أن من الإنصاف إعطائك تشخيص اضطراب الشخصية الهستيرية وربما اضطراب الشخصية العامGeneral personality disorder أو شخصية ناقصة Inadequate Personality هو الأفضل.
الصياغة الأولى:
الأفضل من ذلك كله هو عدم تطبيب حالتك. لا يوجد في رسالتك ما يشير إلى اضطراب عقلي وضعف المهارات الاجتماعية والشخصية يتجاوزه الإنسان مع الزمن. لكل إنسان ظروفه الشخصية والبيئية التي قد تعيق تطوره فكريا واجتماعيا وتعليمياً. بدلاً من البحث عن هوية طبية نفسية لتفسير عدم قدرة الإنسان على التنافس مع أقرانه هو تشجيعه على السعي لتطوير نفسه ومواجهة التحديات الواحدة بعد الأخرى.
ابتعد عن عالم الإنترنت وابدأ بتطوير نفسك وستلحق بأقرانك من الذكور.
وفقك الله.