واحد جارنا
السلام عليكم........ أنا ساكن في منطقة شعبية.... يعني الناس كلها عارفة بعضها.... البيت اللي جنبنا كان فيها من حوالي سنة جيران لسه جداد.... بس الشخص اللي هقول عليه ده كان راجل عادي جدا....... المهم كنا بنقعد على القهوة دايما ونلاقيه قاعد لوحده بس كان بيبص على الناس بطريقة غرىبة بعد كده...... بشوية أيام عرفنا إن كان عنده صدمة زمان.... شوية أيام تاني بقى عامل زي المجانين اللي بنشوفهم في الشارع..... يعني كان كتير قوي نلاقيه مرة واحدة نام في الشارع من غير أي سبب.... أنا كنت فاكره عاقل وبيستعبط... وكنا بنسمع أهله بيزعقوله كتير..... الكلام ده استمر حوالي شهر.... بعدها بقى عادي جدا.. بيمشي ساكت مش بيعمل أي مشاكل... يعني لو متعرفوش مش هتقول أنه كان مجنون أصلا...
اليومين دول بقى وخاصه من أول اميارح... بقى أوسخ من الأول بكتير ويقعد يزعق ويشتم بصوت عالي جدا وهو في الشارع تحت... وممكن يقعد فترة كبيرة 3 ساعات مثلا؟؟؟؟ وغالبا من 9 إلى 12 صباحا...
النهارده بقى الموضوع توسع أكتر من كل مرة....... ضرب زوجته وضرب أمه..... والناس طلعتله عشان نجيبه وضربوه هما أصلا كانوا ضربينه فوق ونزل تاني نام في الشارع المهم.... أنا طولت عليكم.. بس الراجل ده صعبان علي جدا... إيه اللي ممكن نعمله علشان يبقى في حالته الطبيعية
لو في أي تفاصيل أنا ممكن أعرفها من أهله بخصوص الأدوية أو السن أو تاريخه.. بس أنا قلت أعرف منكم الأول أنا هستفسر عن إيه..... وإيه اللي ينفعه يعني
أنا أعتفد إن ممكن حد يعالجه... أنا أملي في الله.. ثم فيكم..
وشكرا على موقعكم الجميل جدا
سلام عليكم
تاريخ 23/10/2014 الجمعة
24/10/2014
رد المستشار
شكراً على مراسلتك الموقع.
لا يمكن الجزم بحالة الفرد العقلية من بعد ولكن السلوك الذي تشير إليه في رسالتك يوحي إلى احتمال إصابة جارك بمرض عقلي مثل الفصام المزمن. ما هو أيضاً في غاية الوضوح هو:
1- الجار يشكل خطراً على الآخرين وعائلته.
2- سلوكه يشير إلى أنه يشكل خطراً على نفسه ومعرض للهجوم من قبل الآخرين.
3- هناك إشارة إلى أن حالته النفسية تدهورت أيضاً.
ليس هناك مانع من الاتصال بقسم الخدمات الاجتماعية في المنطقة أو حتى رجال الشرطة. هذه الأقسام بدورها تتحمل مسؤولية حماية الفرد والآخرين وبالتأكيد سيتم إخضاعه لفحص طبي نفسي قسري.
قوانين الصحة الطبية النفسية تكاد تكون متشابهة في إخضاعها المريض المصاب بالذهان للفحص الطبي في جميع أنحاء العالم.
دون ذلك لا يمكن أن تفعل شيئاً ومن الأفضل إحالة التصرف معه إلى الجهات الرسمية.
وفقك الله.
واقرأ أيضًا:
النظرة الغريبة : فصام مزمن
أعراض ذهانية مزمنة: كيف نتعامل معها؟
الفصام المزمن وأعراضه السالبة-مشاركة
يوميات مواطنة ومختل عقليا في الشارع
عقلاء الشارع أخطر من المجانين
عقلاء الشارع أخطر من المجانين مشاركة