عقلي تعب
أنا عندي مشكلة من سنين اكتشفت من أيام أنها تسمى بالوسواس القهري، وهي أني طول الوقت بفكر في أي حاجة يعني مفيش ثانية تعدي إلا وأفكر في أي حاجة حتى لو كنت أصلي بخلق جوايا حوارات ومواضيع وكأن شخصا يكلمني بس بتكون بيني وبين نفسي أنا افتكرتها أحلام اليقظة وكمان كنت بشجعها جوايا لأن كان عندي وقت فراغ رهيب فكنت ألجأ للحوارات ذي ومستمتع بها.
بس لما دخلت في الحياة واشتغلت لقيت أني تفكيري كله رايح والتركيز، مفيش مش عارف أحط أي حاجة في دماغي وكأن المساحة خلصت زي الميموري كده ودائما قلقان وبتوتر من أي حاجة وبشيل هم أي حاجة حتى لو نازل أشتري حاجة دا غير الكسل والمجهود القليل جدااا، بل حتى لما أصلي بتوسوس علي نفسي أني أستغفر الله أسب الله وذي حاجة بتضايقني جداااا ومش بقدر أقاومها عاملة عليّ ضغط شديد، ذا غير وأنا نايم التفكير ما يسيبني بس على هيئة أحلام، كل يوم بحلم بكل الناس أي حد بحلم بيه ومواضيع كتير في الأحلام.
أنا بجد تعبت وحاسس أني طاقتي بتهدر مني وخاصة العقلية.
ماذا أفعل دلوني؟؟
7/4/2015
رد المستشار
السلام عليكم ورحمة الله وبركاته،
فعلاً ما ذكرته من أعراض يسبب ألما للإنسان وتشتيتا لطاقاته وليس تحمله بالأمر الهين.
الأعراض التي ذكرتها تتلخص كالتالي:
١- الاجترار الفكري حول الأمور اليومية
٢- ضعف التركيز
٣- القلق المستمر حول جميع الأمور
٤- وسواس فكري بسب المقدسات
٥- عدم توقف الأفكار وقت النوم
العرض رقم أربعة هو بالتأكيد من أعراض الوسواس الفكري لكن العلائم الأخرى ربما تكون بسبب اضطراب النشاط الزائد وضعف التركيز لدي الراشدين أو يكونون أيضاً من أعراض الوسواس لذلك فإن التشخيص الدقيق يحتاج إلى مراجعة المختص ليتمكن من الفحص النفسي وتشخيص الاضطراب وعلاجه.
العلاج:
- العلاج الدوائي: وهو من اختصاص الطبيب النفسي حيث يصف لك العلاج المناسب بالجرعة المناسبة ويجب ألاّ تأخذ الدواء دون وصفة الطبيب
- العلاج السلوكي المعرفي لعلاج وقف التفكير المستمر وكذلك وقف الأفكار الوسواسية.
بالنهاية لابد من مراجعة المختص للبدء في العلاج.
تمنياتي لك بالشفاء العاجل
واقرأ أيضًاً:
اجترار وسواسي أم قناعات وسواسية