السلام عليكم؛
أنا فتاة عمري 29 عاما لم يكن لي أي تجارب عاطفية بسبب تربيتي المتحفظة التي رسخت جوايَ حرام الاختلاط حرام أكلم أحد من الجنس الآخر ولكن ظروف الشغل جعلتني أتعامل مع كل الناس، المهم أني أعجبت بشخص معي في الإدارة وأنا جيت الشغل والشخص ده كان خاطب بالفعل وطبعا أنا مكنتش عارفة أتعامل مع حد في أول شغلي كنت دائما برد على أد الكلمة، وأفضل ساكتة عدي وقت كتير والشخص ده فسخ خطوبته وكان دائما حزين وساكت وجئت لحظة لقيته بيتكلم معي وحكى لي عن خطيبته وسبب انفصاله وكان بياخد رأيي لأنها سافرت تشتغل في دولة عربية على الرغم أن بينهم حب كبير جدا لمدة سنين.
أنا جواي بدأت أحبه ولكن فضلت أني أقف جانبه في محنته وبعثت لخطيبته رسالة عشان أحاول أصلح ما بينهم لكن مكنش فيه فائدة وعرفت منه بعد كده أنهم بيتكلموا دائما عالفيس وأنه هيستناها وحصل مشاكل كبيرة جدا بينهم وفضلت أنا معه أسمع وأدي نصائح بكل حيادية لكن قلبي كان بيحبه أوي وفي لحظة حسيت أن في أمل أنه ممكن يحبني وينسى الماضي، وبعد كده هو مبقاش يكلمها نهائيا وبدأ يقرب مني اهتمام وكلام كتير هزار كان يقولي بحبك بس عمره ما وعدني بأي حاجة كنت دائما متلخبطة هو بيحبني حقيقي ولا لا وأنا فضلت ضعيفة ومستمرة معه على الوضع ده لمدة تلات سنين حصل فيهم حاجات كتير أوي خرجنا مع بعض كتير كنت بروح معاه أنقي حاجات لشقته الجديدة سيراميك وخلافه بقيت أحس أنه هيبقى بيتي بقى عندي أمل جامد؛
بس هو رجع يكلمها ويرجع حزين وأنا بقيت أزعل لكن جواي مش بقوله حاجة لأنه عمره ما قال لي حاجة بصراحة وفي مرة رحت معه الشقة أنقل حاجات معه وأنا في نيتي أنها مساعدة وربنا أعلم بنيتي لكن حصل أحضان وقبلات للأسف ورجعت ندمت وبكيت كتير أوي وهو قال لي أنه غلط وكان احتياج واتفقنا ننسى، لكن أنا كان جوايا بيتقطع أوي بس كنت خايفة أبعد كنت عايزاه يفضل جنبي وعدت الأيام ورجعت خطيبته القديمة من السفر واستقرت في مصر وهو رجع يكلمها ويقابلها ويخبي عني بس كنت بعرف وبدأت أشد لحظات الألم والندم والحزن ورجعوا تاني اتخانقوا وقال لها أنه هيخطب وبالفعل تقدم لزميلة معنا في نفس مكان العمل؛
هو حكى لي عن كل ده بقيت بسمع منه وأنا بتقطع ونفسي أقوله وأنا شايفاه قدامي بيكلم زميلتي وخرجوا مع بعض لحد ما أنا طاقتي انتهت على التحمل كلمته بصراحة قلت له وأنا قال لي أنا محبتكيش آه غلط سامحيني وكنت بحكي لك كل حاجة شخصية خليك جنبي زي أختي، لكن جن جنوني واتخانقت معه وشتمته قال لي أنا عمري ما وعدتك ومعرفش اللي جواك وأنت عارفة أني أحب خطيبته القديمة وهتفضل جواه لكن هيخطب عشان ينسى ويعيش حياته، وقال لي مينفعش لأن مفيش حب ناحيتي ولأني عارفة كل الماضي وأني بقيت كمان جزء من الماضي.
وقفت جنبه تلات سنين في حزنه ساعدته ولا كأني راجل استلف مني بالآلافات عشان شقته الجديدة نزلت نقيت سيراميك معه كنت بسمع ليه وأخاف عنه خليته محور حياتي وهو كل حاجة نسيت نفسي نهائياعملت حاجات كتير عمري ما عملتها في حياتي وعملت حاجات غلطت تخيلت أنه هيقدر وقفتي جنبه تخيلت أنه هيراعي مشاعري، هيقدر جدعنتي ويحافظ علي بعد ما حصل لكن في الآخر كله راح هو تقدم لواحدة تانية وكمان زميله معايا في نفس الشغل أنا بموت بالبطئ.
هو فعلا كانت غلطتي أني جيت على نفسي للدرجة دي ظلمت نفسي ولا هو كمان بني آدم مش كويس؟
أرجو الرد بسرعة
24/5/2016
رد المستشار
السلام عليكم ورحمة الله وبركاته؛
أهلا بك يا "مريم" وأعانك على ما تجدين من ألم. ماذا يفيد تحديد سبب المعاناة، سواء كنت أنت من جنيت على نفسك ببذلك الكثير دون مقابل أو أنه إنسان سيء واستغلك ستبقى مشكلتك قائمة وهي معاناتك، وكيفية التعايش مع الموقف هو ما يستحق اهتمامك وطاقتك في الوقت الحالي.
يصعب على الإنسان في لحظة ضعفه واحتياجه أن يرفض أي مساعدة تقدم له. ساعدك هو في البداية على التأقلم مع بيئة العمل الجديدة فشعرت بالامتنان نحوه وحاولت أن تسانديه وقت ضعفه وحزنه، مع طول الوقت والألفة زاد تعلقك فيه وهو أمر طبيعي بحكم طبيعة البشر. هذا توضيح لما حدث ليساعدك على تجاوز الموقف فلا لوم يتحمله أحد الطرفين دون الآخر.
انشغلي بأمور حياتك وعملك كي تتخلصي من الألم بدل التركيز على تحديد الملام في الموقف. يمكنك بعد ما أصبح لديك خبرة أن تبحثي عن عمل آخر إن لم تستطيعي التعامل معه كزميل عمل دون أي درجة من الخصوصية، ويمكنك البحث على الموقع عن كيفية التعامل مع الإحباطات وخيبات الأمل.
واقرئي أيضًا:
كيف نواجه الإحباط ؟
الإحباط كرة ثلج لا تتركها تتدحرج!
الإحباط والاكتئاب والعلاج المعرفي
نفس اجتماعي: انتظار شريك الحياة
نفس اجتماعي: علاقات الجنسين
التعليق: مرحبا أختي الكريمة خطأ كبير التعامل مع الرجل بهذا الشكل
الرجل في أعماقه غريزة الصياد وهو يحب أن يلاحق المرأة ويغمرها بشهامته لا العكس.. أنا شاهدت هذا الفيديو وتعلمت منه أتمنى أن يفيدك أيضا
https://www.youtube.com/watch?v=i7fLluD_JEA