وسواس قهري
المشكلة ابتدأت من 2006 وسواس الإيدز قعدت أعمل تحاليل لمدة 6 شهور ومفيش حاجة كان في أعراض إحساس بالسخونة تدهور الحالة الصحية والنفسية صداع واكتئاب شديد انهيار في الحياة العملية كل حاجة باظت علاقتي بالناس وشغلي وانعزال تام قراءة علي النت واهتمام بـأعراض المرض لحد ما عدت 6 شهور ورجعت للدنيا ثاني معرفش إزاي
المهم رجعت وابتدأت حياتي العملية ونسيت موضوع المرض لحد الآن خلال العشر سنين أوسوس سرطان في المخ أعمل أشعة مفيش أفوق بسرعة, بطني توجعني سرطان قولون أعمل أشعة وتحاليل تمام أرجع بسرعة، عشر سنين بين أشعة وتحاليل وكل حاجة بتعدي وأرجع بسرعة وأفوق لحد شهر 6 السنة دي بطني وجعتني عملت أشعة مقطعية قلت سرطان قولون بعد الأشعة تعبت شويه من الصبغة رحت جبت الأشعة لقيتها مفهاش حاجة بس جاء لي شوية سخونة وابتدأ الانهيار ثاني ركزت مع السخونة مبترحش قلت يبقى كثر الأشعة المقطعية سببت مشكلة
أقعد أقرأ عن الإشعاع لقيته خطر بس معنديش أعراض الإشعاع خفت وقلت انتهيت وشوية اقتنعت إن الأشعة معملتش حاجة قلت يبقى الصبغة عملت تحاليل كثير مفهاش حاجة رحت لكذا دكتور وكل واحد يطلب تحاليل وأنا مرضاش أقول أني عامله ونعمله ثاني مفهاش حاجة رجعت للانهيار ثاني انهيار في الشغل وانهيار في العلاقات الاجتماعية شغلي باظ دخلت في حالة اكتئاب شديدة جدا وسواس يقول لي أنه مش هطلع منه المرة دي
الأعراض سخونة داخلية بالجسم وبكفوف اليد نسيان كل حاجة عايش في عالم ثاني بقوم من النوم مخنوق ركزت مع السخونة حياتي تدمرت مليش نفس أشتغل مفيش حيل حتى أقوم دماغي هتنفجر من التفكير في اللي أنا فيه وأقول مش هطلع منه المرة دي قمت وكل ما أقوم بتهد مليش نفس لحاجة كل اللي بفكر فيه سخونة جسمي وأقيس الحرارة مضبوطة وجسمي سخن مركز في سخونة إيدي
حساس أنه مطلعة نار اقتنعت أني حالتي نفسية بس مش قادر أقوم رحت لدكتور نفسي أعطاني سمبالتا 60 وليريكا ومهدئ زانكس نص وقال لي أسبوعين وتعالى خفت أخد المهدئ بعد اللي قرأته بعد أسبوعين مفيش فائدة السخونة زي ما هي وأنا مركز معها وانهيار في كل شيء، أعطاني برستيج 50 مرتين في اليوم وأجوفالد مرة بالليل وأكيد خد المهدئ متخفش رجعت قمت على قد ما أكتر أول يومين كويسين ابتدأت أنسى السخونة بس مفيش فائدة رجعت زي الأول وأكتر عدى أسبوعان الحالة للأسوأ إحساس السخونة زي ما هو مليش نفس لحاجة مفيش حيل لحاجة
دماغي ها تنفجر من كثر التفكير بالوساوس في كل حاجة وساوس أصلا في العلاج وأنه مش ها يعمل حاجة وها يعمل لي حاجة بالوساوس في المهدئ أني هدمنه حياتي تدمرت اتصلت به قال لي تعالى ثاني عندي وسواس ها روح وهيديني علاج ومش هيعمل حاجة فوق كل ده ابتدأت أقرأ على النت عن الوسواس والاكتئاب وحالتي بقت للأسوأ
أنا عندي إيه هطلع من الحالة دي ولا لا بتمنى الموت كل دقيقة حياتي بقت سوداء بقيت أشرب سجاير كثير جدا وقهوة كثير جدا
18/8/2017
رد المستشار
الأخ الفاضل "فريد" أهلا وسهلا بك على مجانين وشكرا على ثقتك وطلبك الاستشارة من مجانين.
ما تعاني منه هو اضطراب نفسي معروف اسمه اضطراب قلق المرض Illness Anxiety Disorder من النوع الوسواسي أو وسواس المرض أي الدرجة المتوسطة من متصل وسواس المرض بين الانشغال العادي بالصحة واضطراب الوسواس القهري المتمركز حول الخوف من الأمراض.|
وفي هذه الحالة يكون القلق والاكتئاب جزءًا من الأعراض طوال المسار المرضي لكن مع طول المعاناة واستمرارها يمكن أن تصل شدة الاكتئاب إلى مستوى اضطراب الاكتئاب الجسيم....
يؤدي الانشغال الشديد بالخوف من المرض إلى سلوكيات وأفكار تؤدي إلى الشعور بأعراض جسدية إما عرضية عادية لكنها تفسر على أنها علامات مرض خطير بسبب الحالة الشعورية المتأزمة للمريض أو أعراض جسدية ناتجة عن توتره وتكرار تفحصه لجسده ...فيبدأ في التردد على الأطباء الذين عادة ما يزيدون مشكلته....
واقرأ لتتضح لك الصورة أكثر مقالنا : ع.م.س لوسواس المرض من الصياغة للعلاج .
الجزء الأهم في علاج هذه الحالة هو ما يسمى بالعلاج المعرفي السلوكي ودور العقاقير يختلف من شخص لآخر ولكن في حالتك أنت تكون الاستجابة جيدة جدا مع استخدام عقاقير الم.ا.س.ا وأنا حقيقة أستغرب وأتساءل لماذا لم يصف لك طبيبك أيا منها فقد اختار لك في المرتين عقاقير تعالج الاكتئاب بصورة ممتازة لكنها لا دور لها تقريبا في علاج اضطراب قلق المرض.
نصيحتي هي أن تشرح جيدا للطبيب وأن تطلب منه إرشادك لمن يقدم لك العلاج المعرفي السلوكي إلى جانب العقاقير لكي تحسن الحالة ... علما بأنها تتحسن جدا إذا أحسن علاجها.
واقرأ على مجانين:
ع.م.س لوسواس المرض فنيات العلاج2
طيف الوسواس OCDSD وسواس المرض Illness Anxiety Disorder Hypochondriasis
وأهلا وسهلا بك دائما على مجانين فتابعنا بأخبارك.