الهروب إلى الخيال
مش عارف أوصف إللي عندي ده إزاي بس هحاول على قد ما قدر، الموضوع بدايته وأنا صغير جدا بس وقتها مكنتش أعرف أنه مرض نفسي،
إللي بيحصل عندي إني بهرب من الواقع بطريقة زيادة أنا على مدار سنين عمري بقيت سجين خيالي بنيته زى ما أنا عايز بيحصل فيه الأحداث إللي أنا عايزها التصرفات إللي بتمناها يعني تقريبا بقالي 21 سنة ببني في العالم ده بقى متكامل تقريبا مش قادر أخرج منه مش معنى كده إني بنفصل عن الواقع بس على سبيل المثال لو أنا ماشي وسرحت بخيالي شوية ممكن أمشي أكلم نفسي في الشارع أو أعمل حركات بجسمي كأن إللي بيحصل حقيقي طبعا لما بفوق شوية وباخد بالي من نظرات الناس إللي حوالي بشوف عيونهم ده أكيد أهبل أو مجنون.
مختصر إللي بيحصل تقريبا في العالم ده هو إعادة صياغة للي بيحصل في الواقع إني بطل كل الناس بتحبني (أنا إللي مفيش مني اثنين على الكوكب ده) وزي ما أنت عايز تقول قول العالم بتاعي وأنا حر فيه العالم ده كان منطقي بالنسبة لي وأنا صغير في إعدادي مثلا إن ده هيحصل ولازم أبقى مستعد بس لما كبرت شوية عرفت إن خلاص ده معدش ينفع ولا هيحصل بس بقيت سجين فعلا فيه مش قادر أتخلص منه وفي مرة قطعت الموضوع ده بس حسيت نفسي وحيد علشان علي طول من الشغل للبيت والبيت للشغل والخروجات قليلة علشان بالنسبة لي يوم الجمعة بيبقى راحة مش عايز أخرج مش علشان قلة صحاب أو أماكن للخروج أو أى حاجه من دي.
كنت بحاول أعرف إللي عندي ده إيه لقيت أقرب حاجة تقريبا لي هي DDPD بس برده حاسسها مش أنا علشان أنا مش بحس إني شايف نفسي من بره أنا بعيش جوه خيالي بتفاصيله بناسه وكل حاجة.
أبسط مثال للي بيحصل أو إللي وصلت له أحداث قديمة أترتب عليها الحاضر إللي هو في خيالي برده الناس إللي لي مواقف قديمة معاهم إللي هما أصلا من خيالي محدش منهم واقعي أماكن مش موجودة أحداث محصلتش مباني عربيات عالم كامل أنا مش لواحدي فيه بس أنا البطل بتاعه ومع الوقت بضيف عليه شوية تعديلات علشان يبقى أقرب للواقع شوية.
أنا في الدوامة دي من زمان جدا وأنا عندي 4 أو 5 سنتين تقريبا
ياريت بس أعرف إللي عندي ده اسمه إيه
25/1/2018
رد المستشار
شكراً على استعمالك الموقع.
استشارتك لا تختلف كثيراً عن غالبية الاستشارات التي تصل إلى الموقع.
محتوى الاستشارة وبدون قصد من المستشير تحتوي على وصف لأعراض نفسية، وتقييم شخصي بحت من قبل المستشير.ولكن إن ذهب المستشير إلى مركز للصحة النفسية فسيتم توجيه السؤال بعد الآخر له ويتم تقييم سيرته الشخصية، تاريخه العائلي، ظروفه البيئية، علاقته الحميمية، وتاريخه الطبي.بعد ذلك يتم جمع:
١ـ التقييم الشخصي للفرد.
٢ـ التقييم الموضوعي.
وذلك يؤدي إلى الوصول إلى تشخيص طبي نفسي وصياغة احتياجاته الناقصة وتأثيرها على رحلة الشفاء، حينها يدخل المراجع في رحلة علاج ويسعى المركز إلى مساندته للخروج منها إلى حياة يشعر فيها بالسعادة والقدرة على مواجهة التحديات.
استشارتك خالية من معلومات في غاية الأهمية للوصول إلى تشخيص سليم وتوصيات سليمة.الإنسان يتميز بقدرته على الخيال وتفكيره في أي وقت يحتوي على مساحة خيال ومساحة واقع.
مساحة الخيال تتقلص تدريجياً مع بداية مرحلة المراهقة ولكنها لا تختفي تماما طوال العمر، هذه المساحة الخيالية لعقل النسان تتقلص مع سد احتياجاته النفسية والاجتماعية وتحقيق طموحاته الشخصية، لكنها تتوسع مع زيادة الضغوط البيئية وإصابته باضطرابات نفسية وعدم تطور صفاته الشخصية.ما تتحدث عنه هو اضطراب التفارق أو الشخصية ليس إلا مجرد ستار تختفي خلفه أعراض نفسية أخرى أو ظروف بيئية وشخصية لا تساعد الإنسان على رفع لياقته النفسية لمواجهة التحديات.
الصراحة هي أن ما تشكي منه والتشخيص الذي وصلت إليه يحتاج إلى مراجعة طبية نفسية ليس لتأكيد التشخيص ولكن ما يختفي خلف الستار من اضطرابات نفسية أخرى تحتاج إلى علاج طبي أو نفسي أو اجتماعي.
وفقك الله.