أنا كئيبة
أنا بنت عندي 23 سنة مشكلتي أني عندي اكتئاب ومعه أعراض رهاب اجتماعي هو أنا أولا كان عندي مشكلة من زمان في التعامل مع الناس في المدرسة ساعات كنت بتعامل عادي وأبقى شقية وكنت حتى بلعب في الشارع مع الأولاد مكنتش مشكلتي زائدة زي دلوقتي إن الاكتئاب اللي جاء لي زود عندي الخوف الاجتماعي
أنا كنت بعرف أتصاحب على ناس وعرفت ناس كثير علاقتي بهم كانت كويسة بس كل ده كان زمان هو مشاكلي لها علاقة بالتربية اللي تربيتها نحن أسرة مفككة جدا ماما وبابا عيشوانا طول عمرنا في مشاكل وخناق وضرب لحد ما انفصلوا وماما عودتنا أننا ليس لنا دعوة بأحد حتى أقاربنا نشوفهم في المناسبات بس حتى ماما نفسها مش بعرف أتعامل معها بسبب الحاجز اللي عملته بينا بسبب شخصيتها الشديدة وهي دائما كانت تضربني وضرب وحش وكانت تنتقدني في كل حاجة في شكلي ولبسي وشخصيتي وشكلي كانت تتريق عليه هي حسستني أني أقل الناس وأني ماليش لازمة لحد ما صدقت وبقيت ثقتي في نفسي معدومة
ويمكن هي دي مشكلتي الأساسية أني مبقدرش أتعامل مع الناس لأني أبقى شايفة نفسي أقل منهم ومالوش لزوم أتكلم في حاجة محدش سيهتم يسمعني أنا دلوقتي الأعراض اللي عندي أني بقيت عدوانية جدا في كلامي ولو حسيت أن في حد عايز يضايقني مش بسكت وحتى في كلامي مع ماما في كلام بيطلع مني من غير ما أقصد
وأني أغلب الوقت أحس بخنقة وأني عايزة أسيب البيت والناس اللي عايشة معهم يمكن أبقى كويسة
ودلوقتي أنا لسا بدرس مش طايقة الناس اللي معي في الكلية بمعنى الكلمة وأحس أني مغصوبة أتعامل معهم وعملت مشكلة مع كذا حد بسبب تصرفاتهم معي وأغلبهم مبتعاملش معهم دلوقتي
وأصحابي اللي كانوا قريبين مني رغم أنهم عارفين أنهم عندي اكتئاب بس مفيش حد فيهم واقف جنبي أو بيساعدني إن شاء لله حتى يخرجوني معهم أو يجولي البيت دائما بس كل واحد مشغول بأصحابه وبحياته وأنا مش في أولويات حد
وعلاقتي بأخواتي كل واحد في حاله حتى كلمة مالك لو حد زعلان مبتتقالش مفيش بينا كلام خالص
وأختي مبعرفش أتكلم معها في أي حاجة لأنها تتجاهلني جدا وممكن لو فكرت آخد رأيها في حاجة أو أتكلم معها ترد عليّ رد فيه قلة ذوق وممكن هي تيجي تتكلم معي في أي حاجة فيها هزار والمفروض إنها عايزاني أرد عليها وأهزر معها بس تيجي برا البيت كأنها متعرفنيش وتتجاهلني أكثر وتروح تقعد مع أي حد المهم تبعد عني
أختي اللي كانت قريبة مني ماتت عشان كانت مريضة
أنا حالتي دي تحتاج لعلاج أو المفروض أعمل أيه عشان أبقى كويسة والناس تبطل تنتقدني ويقولوا لي أنت مالك ؟ أو أنت مكتئبة ليه ؟ أو أنت ساكتة ليه ؟؟
أنا مش عارفة إيه الحل؟ وإيه العلاج اللي ممكن أكون بحاجة له؟
9/5/2018
رد المستشار
بسم الله الرحمن الرجيم
مرحباً بك أختي الكريمة
أشياء كثيرة لا نملك اختيارها وتفرضها علينا الأقدار لحكمة ما والدينا وهيأتنا وأسمائنا على سبيل المثال...ولكن يبقى دائما بيدينا الاختيار بين استمرار المعاناة أو التعافي منها
ظروفك سيئة وأسرتك غير داعمة وأصدقاؤك متخاذلون ومكتئبة أنت وتعانين من القلق والخوف الاجتماعي ثم ماذا؟!
عزيزتي أنت بحاجة لعلاج نفسي معرفي سلوكي.
العلاج النفسي سيساعدك كثيرا
سيمكنك من التغلب على مشكلات القلق الاجتماعي والاكتئاب عن طريق تغيير الأفكار المسببة وأيضاً عن طريق تعليمك طرق لكف الأعراض المصاحبة كل هذا سوف يفيدك كثيرا ويحسن من حالتك النفسية وعليها سيكون لديك القدرة على اتخاذ الأساليب والقرارات التي تساعدك في المضي قدماً في حياتك بشكل سوي وبعيدا عن الوجع
أختي الغالية لكل منا حظه في المعاناة والوجع ولا تخلو الحياة من التحديات وعلينا أن لا نستسلم بل علينا أنا نواجه ونرتقي وكل صعب يخلف ورائه منح وعطايا فانتظريها
وسترين كيف ستشكل هذه الصعاب شخصيتك للأفضل بأمر الله
أتمنى أن تفكري في العلاج بشكل جدي .... أسأل الله لك التيسير والرضا
واقرئي على مجانين:
نفسي عصابي رهاب اجتماعي Social Phobia
نفسي عصابي: خلطة قلق واكتئاب Anxiety Depression
الرهاب الاجتماعي أو اضطراب القلق الاجتماعي
النظريات المعرفية للرهاب الاجتماعي