مش عارف أعمل إيه بس تقريبا بارانويد ؟
أنا غالبا عندي مشكلة بارانويد، الموضوع بدأ معايا من وأنا طفل صغير والدي دائما يشتكي والناس بتظلمه وسوء ظن في كل حاجة وبعدين حصل مشاكل كثيرة بين الوالدين وتطاول وطلاق..... مشاكل كثيرة وطلاق وقعدت مع أقربائي وبعدين عشت مع أبويا وبعدين مرات أبويا وبعدين مرحلة الدراسة وحبيت صحابي جدا لحد ما دخلت إعدادي وكان واحد صاحبي كلما نزعل من بعض أنا اللي لازم أروح أصالح وأنا اللي أبدأ وأقرب ثانية
في إعدادي مع صحابي مرة كان زعل بيني وبين صحابي حسيت إن الناس كلها بتمثل عليا وأننا في مسرحية بس مكنتش مصدق بس في خيالي جالي الإحساس ده... في آخر سنة في إعدادي زعلت مع نفس الصحاب دول بس قررت إني هبعد عنهم ومش هصاحبهم ثاني عشان كنت كلما أزعل منهم أنا اللي أصالح وإلا سيبتعدون عني بس مكنش فارق معايا بقي ساعتها كانوا بيتريقوا عليا ويبعدوا عني بس أنا كنت بحبهم والله.
دخلت ثانوي وحسيت إن ربنا هيكرمني بأصحاب أفضل والحمد لله كان صحاب كوييسين بس برضه مبقتش أعرف خلاص أندمج مع الناس أوي.
علاقتي بأختي الصغيرة أنا للأسف حسيت أني بأسقط عليها اللي حصل فيا وكنت بضربها وهي صغيرة جامد، وعلاقتي بأختي الكبيرة كويسة وطيبة فيها شد وجذب كثير توتر كثير وأحيانا كويسة بس غالبا فيها شد وتوتر ومرة كانت بتقول عليا عنيف ومرة قالت عليا إن العيشة معايا لا تطاق هيا متنشنة أوي وسلبية جدا دائما تطلع العيب فيا وفي أي حاجه يعني.
والدي طيب وجدع بس بقي يحبطني شوية وينتقدني شويات وكان يضربني وأنا صغير جامد وكثيرا ودائما خصام وده أجمل وألطف حاجة بالنسبة له لحد م طلعت زيه كده مخاصم المجتمع كله تقريبا ودائما يشك في تصرفاتي وبيعاملني وحش ودائما عايزني أقعد في البيت وميشجعنيش آخذ كورسات أو أطور نفسي هو عايز كل حاجة أعملها في البيت أتعلم في البيت ومانزلش كأنه حاجر عليا معرفش وأنا صغير كان دائما ينفرني من أمي ويكرهني فيها.
مع البنت اللي خطبتها حسيت بعد ما تقدمت لها بأني تعبت نفسيا جدا معرفش ليه جائز تصرفاتها تلقائية وأنا معرفش بحس إن المواقف محتاجة تفكير قبلها تشوف هتضايق اللي قدامك ولا لأ أنا عارف إنها بتحبني بس مش عارف بحس إن لا مبتحبنيش رغم أني عارف إنها بتحبني بس بحس أنه لا من التصرفات ممكن تصرفات مستفزة شوية ممكن تبان لحد عادي وطبيعي أن التصرفات دي متضايقش بس بالنسبة لي أنا عشان أنا مريض نفسيا أتضايق مثلا بحس أني محتاج تحكي لي تفاصيل يومها بالتفصيل لو في مرة عرفت أنا حاجة من نفسي من غير ما هي تقول لي أتضايق جدا عشان طب ما كنت قلت لي وتعالي أحكي معايا معظم المشاكل تافهة جدا ومعظمها بسبب كده أني بعرف حاجة وبقولها طب مقولتليش ليه طب تعالي وأحكي معايا
لحد ما في مرة كنت بسمع عن اضطرابات الشخصية أول حاجة سمعتها البارانويد ده حسيت إنه أنا بالضبط وبعدين دورت كثيرا لحد ما حسيت أن فعلا أنا كده... حسيت إني فرحت إني عرفت غلطي إيه ومشكلتي إيه وزعلت جدا جدا على نفسي وعلى اللي أنا فيه وصعبت عليا نفسي أوي
أنا حاسس إني على آخري وتعبان جدا وأتمنى أني ألاقي حلا هنا لأني فعلا تعبت ونفسي أرجع ليا صحاب وأبطل شك في نوايا الناس حتى لو حد عدى من جمبي ومسلمش أقول أكيد هوا مش عايز يسلم براحته تفصيل بقى لنوايا الناس كثير جدا.
بداية الحل تكون إيه ؟ وهل ممكن أبقى إنسان سوي نفسيا ثانية ؟ وهل ممكن أربي جيل سوي نفسيا ؟ ممكن تبقي علاقتي بعد كده بمراتي صحية وكويسة ولا هيتعاد نفس اللي أبويا عمله مع أمي ؟
وأنا فعلا حاسس أني شخصية والدي بهتت عليا جدا فهل ده وراثة فعلا ولا ملهوش علاقة ؟
وهل فعلا ده بارانويد ولا أسوأ ولا أحسن ؟
13/5/2018
رد المستشار
شكراً ْعلى استعمالك الموقع.
ملخص الصحة العقلية للاستشارة
أعراض موجبة
لا يوجد
أعراض سالبة
لا يوجد
أعراض معرفية
لا يوجد
التوازن الوجداني
هناك إشارة إلى الإرهاق والاكتئاب في مضمون الرسالة
ملخص الأبعاد الأخرى للاستشارة
مشاكل السلوك
الشك في نوايا الآخرين٫ العزلة الاجتماعية٫ ضعف الصورة الذاتية٫ تأزم العلاقات مع المقربين
الاستبصار
عالي. وكتب إلى الموقع
مواد كيماوية
لا إشارة إلى سلوك إدماني كيمائي
الصحة الجسدية
لا توجد إشارة
التعليق:
تاريخك الطبنفسي كما هو مدون في الرسالة يشير إلى الإسراف في استعمال العملية الزورانية في التعامل مع الآخرين، ولكن هناك أيضاً إشارة إلى عدم السعادة٫ التردد في الزواج٫ والإرهاق النفسي. لذلك يجب توخي الحذر في تشخيص اضطراب الشخصية الزورانية من خلال قراءة رسالة واحدة أو حتى مراجعة طبية واحدة. الإنسان المصاب بالاكتئاب يميل إلى تقييم شخصيته بصورة سلبية وليس هناك في محتوى رسالتك ما يشير إلى نظرة إيجابية إلى صفاتك الشخصية.
يمكن تقسيم مجموعة المرضى باضطراب الشخصية الزورانية إلى صنفين:
الصنف الأول يتميز بوجود تاريخ عائلي للفصام٫ ولذلك يضع البعض اضطراب الشخصية الزورانية على بعد اضطرابات الفصام.
الصنف الثاني يتميز بتاريخ عائلي تعرض فيه الطفل إلى عوامل بيئية سلبية أثرت على هيكل صفاته الشخصية.
الصنف الأول يتميز بضعف التبصر ولا يكتب لموقع ولا يراجع طبيب.
الصنف الثاني عالي التبصر وتكثر ملاحظة أعراض الاكتئاب فيه.
تنتمي أنت إلى الصنف الثاني.
التوصيات:
عليك أولا بمراجعة طبيب نفساني والحديث معه عن تاريخك الشخصي والأعراض التي تعاني منها. سيقرر الطبيب بعد فحص الحالة العقلية الحاجة إلى علاج الاكتئاب وموازنة الحالة الوجدانية.
اضطراب الشخصية الزورانية يحتاج إلى علاج كلامي مع معالج نفسي ولفترة ليست قصيرة. تجربة العلاج تساعد الإنسان على تغيير نمط تفكيره وتفاعله مع الآخرين.
لابد من التقرب إلى الآخرين وتجنب العزلة الاجتماعية. كذلك يجب توخي الحذر من تفسير كل حدث بسبب صفاتك الشخصية. لذلك من الأفضل أن تدخل في علاج كلامي بدلا من علاج نفسك بنفسك.
وفقك الله.
واقرأ أيضًا:
عن السمات والأعراض الزورانية