النوم والاغتصاب أثناء النوم! م2
النوم
سلام عليكم. أرسلت استشارة قبل كده وضحت فيها إني حلمت بحلم غريب (حلمت والعياذ بالله) إن في راجل معرفوش دخل غرفتي (اللي كنت نايم فيها فعلاً) وأنا كنت راقد (زي ما كنت راقد فعلاً لما نمت) فأنا روحت خالع بنطلوني وهو رقد عليا وحسيت بضغطة على أعضائي وهزة الجماع (أرجوكم سامحوني أنا محتاج أقول التفاصيل) بعدين الدنيا اتلخبطت وصحيت بعد ساعة أو ساعة ونص تقريباً، صحيت مستمني مع دغدغة في الصدر استمرت قرابة الثمانية أشهر ولكن هدومي كانت كاملة ومفيش حاجة غريبة فاكرها يعني.
ونظراً لنومي التقيل جداً لدرجة أنه صعب حد يصحيني من أول مرة ومحتاج كذا مرة يصحيني بالصوت والدفع، كمان إني ممكن أصحى وأرجع أنام تاني ومفتكرش إني صحيت وبتكلم وأنا نايم وحصل تلات أو أربع مرات إنه تحركت وأنا نايم داخل الشقة وقلت كلام مش مفهوم ورجعت نمت تاني وبرده مش فاكر حاجة من الكلام ده، غالباً بيحصل لما أكون تحت ضغط بسبب مشاكل شخصية أو مشكلة دراسية خصوصاً إني بدرس الطب والضغط ملازمني دايماً، حتى إني مرة ادّيت موبايلي لواحد صاحبي وقُلت له يشحنه ورجعت نمت ومش فاكر حاجة من الكلام ده.
ومرة ثانية قمت غسلت وشي ووأنا راجع واحد صاحبي سألني على اتجاه القبلة وقُلت له عليه صح ورجعت نمت وبرده مش فاكر حاجة من الكلام ده، ونظراً لده كله شكيت إنه يكون حد اعتدى عليّ أثناء نومي، وحضراتكم تفضلتم وضحتم لي أنه ده مستحيل لأن الاستحثاث الجنسي كفيل بأنه يصحي أي حد مهما كان نومه تقيل، وإنه مش زي الصوت أو الهز.
وأنا اقتنعت وحاولت أنسى ولكن لقيت مقال منشور على الـ ncbi منقول من الـ NIH بيقول أنه ممكن شخص نايم ويتم الاعتداء عليه دون استيقاظه من غير تأثير مخدر وده قلقني جداً. هسيب اللينك تحت يريت حضراتكم تطّلعوا عليه، فأنا هسأل هل ممكن يشخص يتم التحرش بيه أثناء نومه لدرجة إنه يقذف دون استيقاظه مع مراعاة نومي التقيل؟ لو لا حضراتكم عارفين أكتر مني مدى مصداقية الـ ncbi وأنه موثوق وأن الـ NIH تابع للـ FDA فأكيد الكلام اللي فيه صح، فهل أنا فاهم غلط ولا إيه ؟ وهذا رابط المقال
وأخيراً أنا عايز حل لنومي التقيل ولكل اضطرابات النوم اللي عندي دي لأني تعبت منها والله.
وشكرا جدا.
8/4/2020
رد المستشار
شكراً على متابعتك الموقع.
المقالة التي تتحدث عنها لا علاقة لها باستشارتك وإنما تتطرق إلى أساليب الدفاع القانونية. رغم ذلك إذا كانت هناك مواقع ونشرات تتحدث عن هذه الأمور فلك كل الحق أن تتمسك برأيها وتهمل رأي الموقع تماما ولا حاجة للدخول في نقاش مع موقعنا حول هذا الأمر والصراحة لا يثير اهتمامنا.
أجاب الموقع عليك بكل صراحة وموضوعية. الأفضل هو أن تتوجه صوب طبيب نفساني حيث تعيش وتتحدث معه حول مشاكلك ومنها النوم العميق.
شخصيتك تميل إلى الحساسية والشك في الآخرين وربما أنت بحاجة إلى علاج بالعقاقير أو علاج كلامي أو كليهما.
وفقك الله.