عايزينها "القطة المغمضة"..!؟
السلام عليكم؛ أنا هتكلم في مشكلتي علطول، هو إني أنا فتاة عندي 19سنة عرفت شاب محترم وابن ناس من النت عرفنا بعض واتشدينا لبعض وبعدين شافني في الكلية عندنا وقعدنا مع بعض زي أي اتنين زمايل ولكن أنا مش عندي صحاب ولاد ولا بحب أكلم ولاد يعني وكمان المجتمع اللي حوالي كدا علتي وقرايبنا وصحباتي كلهم كدا ما يعرفوش ولاد ولا عادي إنهم يبقى ليهم اصدقا ولاد.
المهم إحنا قعدنا مع بعض وحسينا إنو إحنا لبعض وقعدنا مع بعض تقريبا أربع مرات منهم مرتين كان معايا صحبتي قاعدة معانا وبعدين خلاني كلمت والدتوا وأخت الكبيرة وأخت خرجت معايا مرة وكل كلامنا كان على النت طبعا رغم انو ما كنش كتير علشان ظروف شغلو بس بعد كدا اختلفنا وحسيت إن إحنا مش لينا نصيب في بعض ولكن في حاجة إنو وإحنا مع بعض كان مسك إيدي أنا ادايقت وهو قالي إنو مش هيعمل كدا تاني. إحنا دلوقتي سبنا بعض وهو عندو تليفوناتي وعندو صورة لسا هو محترم وما أظنش ممكن يؤذيني.
المشكلة إني بقى بفكر لما حد يتقدم علشان يخطبني طبعا هيكون علشان أهلي ناس محترمين وأنا كمان محترمة وكدا طب أنا مش عارفة أحكيلوا حاجة زي دي ولا لا؟
صحباتي قالوا إن دي حاجة عادية وإن ما حصلش نصيب وإن ممكن تحصل لبنات كتير بس مش لازم أحكي لحد عليها وأنا مصرة إني أبقى على نور مع الإنسان اللي هيرتبط بي وحتى لو سبني يبقى مفيش نصيب.
أنا مش عارفة إنتوا تنصحوني بإيه؟
أنا عارفة إنو أي راجل شرقي عايز الإنسانة اللي هيرتبط بيها تبقى (قطة مغمضة وهو أول واحد في حياتها) وأنا كمان كان نفسي في كدا كان نفسي أقلو إنو هو أول حد يلمسني وأول حد يكلمني بس قدر الله وما شاء فعل هل لو حد اتقدملي أحكيلوا قبل الارتباط على اللي حصل دا ولا ما أحكيش ولا أحكيلو ببساطة وإزاي أعمل إيه؟
يا ريت دكتور راجل يرد علي بعد إذنكم
وجزاكم الله كل خير
24/08/2007
رد المستشار
همّان كبيران أجوفان نقع صرعي لهما تاركين الهم الأولي دون أن نعي أهميته وعجبي.....
هم لأمر قد مضى وهم لأمر قد يحدث!! فما مضى مضى ولم يبقي منه غير ما تعلمناه بمرورنا فيه وهمك الماضي هو هذا الشخص فلا يبقى لك منه سوى أن ترددي على نفسك الآتي دون هلع دون خوف.... خاصة أنك ذكرت أنه شخص محترم-
لا لعلاقات الشات فهي علاقات تحمل من الوهم أكثر من الحقيقة ما دام من أحدثه لا اعرفه ولقد تحدثنا في شأنه مرارا وتكرارا.
لا يمسسك إلا زوجك.
لا صداقة حميمة بين فتاة وفتى ولكن زمالة وسط الجموع.
لا لخيانة ثقة الأهل.
لا لخيانة نفسي والغدر بمشاعرها وتعريضها للألم دون سبب وجيه.
لا للتهور وإعطاء صور وتليفونات لمن لا نعرفه بحق.
وهمك الذي "قد" يحدث هو هم الاعتراف للزوج المنتظر! فهل من العقل والمنطق أن أحمّل نفسي بمخاوف قد توجد وأفكر في حلولها من الآن احتراما لحقوق شخص لم يوجد بعد! وتتركين همّك الأولى.... وهو حياتك الآن التي يجب عليك أن تصنعيها بيديك وتديرينها وتتعاملين معها حتى تحققي نجاحا مع نفسك وتتعرفي على أحلامك وتخططين لمستقبلك....
بقي لك لديّ أمران أحدهما إقرار والآخر تخيل
الإقرار...بأن مجيبك لو كان رجلا لما قال غير ما قلته وسينصحك رغم كونه رجلا "ألا" تخبري زوج المستقبل بما كان منك ولا تسجني نفسك في أسر الماضي.
أما التخيل...... أن تتصوريني وقد وضعت ذقنا وشاربا مستعارا ما دام ذلك مبتغاك.
اقرئي على مجانين:
حماقات معتادة: الإدارة بالاندفاع والأحلام
اعترافات ثقيلة الظل متابعة2
الحب على النت: ما بعد الكذب مشاركة
أين نهاية النفق!!
ويتبع>>>>>: ذقن وشارب مستعار م