Header ad



تصفح الاستشارات والردود
| الأسئلة المتكررة FAQ   | طلب استشارة | بحث مفصل | تصفح الاستشارات بالتصنيف

تعليقات الأعضاء

العنوان: بمناسبة الخوف
التعليق: شكرا دكتورة أميرة على النصيحة وياريت تستحملوني أنا عارفة أني أستعمل الموقع كثيرا بس أسأل متخصصين أحسن لأن الكلام مع الناس العادية مبفدش غير أنه بيكشف أسرار الزوجية وممكن يعمل مشاكل
بمناسبة الخوف في خوف تاني جوايا خوفي من أني مكونش أنثى في نظر زوجي كما يتمنى أنا ظروف الحياة الصعبة اللي عيشتها من ناحية المشاكل والانفصال المتكرر بين والدي ووالدتي وكوني البنت الكبرى وبنت وحيدة على أربعة أولاد مدنيش الفرصة أني أتدلل زي بقية البنات معشتش سني من ناحية أني أخرج مع صاحباتي واشتري ميكب وأقعد أجرب تسريحات في شعري قدام المراية أو أحط ميكب بيني وبين نفسي أو ألف وأدرو على طرحة مناسبة للطقم وأعرف أختار إكسسوار رقيق وأنثوي كنت ملهية في المذاكرة وأني أدخل كلية قمة علشان أعوض أمي اللي استحملت وتقريبا نسيت أنيبنت لما كنت بسمع أصحابي بيتكلموا مكنتش بحس أني رقيقة زيهم وأني خلاص قربت أقلب على رجل
أنا طيعا أقصد الدلال الطبيعي اللي ممكن يكون لبنت في بيتها ودلع اخوتها الولاد وباباها ومامتها ليها أو اهتمامها بحاجة البنات العادية بينها وبين نفسها في البيت مكنش الموضوع فارق معايا زمان قوي وكنت مبسوطة بشخصيتي
أرسلت بواسطة: دانا بتاريخ 16/06/2013 05:04:32
العنوان: تابع
التعليق: شخصيتي اللي الكل كان بيشكر فيها من ناحية الثقافه والتدين وقدرتي على أن أتفوق دراسيا في ظل الظروف الأسرية الصعبة
لغاية ما ارتبطت وربنا كرمني بزوج حنيين ومحترم وابن ناس تربية أصول ورغم أن الكثير كان مستغرب ارتباطنا يعني شخصيتنا مش راكبة على بعض وشايفنا مش لايقين على بعض فالكل كان متوقع ليا شخص ملتحي وكان متوقع ليه بنوتة دلوعة في لبسها وكلامها بس ربنا وفقنا وحصل بنا تفاهم أدى إلى الزواج وزاوج سعيد
مشكلتي أني اكتشفت أني مش عارفة أكون بنت مش الحمد الله.......مش عارفة أبرز أنوثتي في كلامي وتصرفاتي وتعاملي مع جوزي في البيت أنا مش مقصرة معاه وبديله حقه ومطيعة جدا ليه بس مبعرفش أعمل تسريحات شعر جديدة ولا أهتم بضوافري وبشرتي وأعمل حمام زيت لشعري أو ماسك كريم لوشي دي كانت رفاهية مش من حقي بسبب المشاكل الكتير في بيت العيلة
ما بيدخلش عليا ويلاقيني بعمل بدكير مثلا ومابكلش بطرف المعلقة زي البنات الرقيقة دي وخصوصا أن مجال شغله بيخليه يشوف ناس كتير ........هو مشتكاش صحيح بس تعبيرات وجه وتلميحاته في بعض المواقف خلتني أفكر في الموضوع
ازاي انسى أسلوب حياة وأبقى أنثى ازاي أتعامل بدلال عايزة أكون بنوتة بجد
أرسلت بواسطة: دانا بتاريخ 16/06/2013 05:18:53
لإضافة تعليق يجب تسجيل الدخول أولاً أو الاشتراك إذا كنت غير مشترك

المواد والآراء المنشورة على هذا الموقع تعبر عن آراء أصحابها ولا تعبر بالضرورة عن رأي الموقع - حقوق الطبع والنسخ محفوظة لموقع مجانين.كوم © Powered By GoOnWeb.Com