تائهة وضائعة وضعيفة النفس
أنا هايدي عندي 22 سنة مؤهل عالي والحمد لله مسلمة والدي ووالدتي ناس محترمين جدا ربونا على الحرية وتحمل المسئولية أنا وأخواتي عالموني أني أكون متسامحة وحنونة وطيبة وإني أساعد اللي محتاج لمساعدتي علموني حاجات كتيرة أوي أوي أوي أوي كلها معاني سامية وأخلاق راقية بجد بجد، بس المشكلة أن الحاجات دي في المجتمع والناس اللي عايشين معاهم تتداس بالجزمة وإنها مش ليها أي قيمة أنا عارفة إن عمري مش كبير على اللي هقوله وأكتبه بس أنا مش قادرة أتكلم مع حد ولا قادرة أطلع اللي جوايا طبعا بحكم أنهم قريبين مني ومش ينفع أطلع بالقذارة والحقارة دي أمام حد أنا من إقليم.
بداية المشكلة بتاعتي ابتدأت وأنا في أولى كلية طبعا في الثانوي ما كنتش أعرف الدنيا عاملة إزاي وإزاي أتعامل كنت بخاف أروح أفراح أقعد مع قرايبنا كنت منطوية جدا جدا جاتلي كليتي في جامعة القاهرة ومع بداية كليتي لأن كل أصحابي اتفرقنا ومش بقينا مع بعض فكان النت هو العالم بتاعي لي أصحاب عليه كتير أوي غير الواقع وكلهم بيحبوني وبيحترموني طبعا الكلام دا كان قبل الفيس كنت على الياهو وكنت بدخل غرف الشات المهم تعرفت على واحد عن طريق النت وفضلنا نتكلم لحد لما قالي بحبك وطبعا ولأن كان دا العالم بتاعي وعمري ما كنت كلمت ولد قبله وافقت وقلت له أنا كمان كنت حابة أكتشف إيه الحب دا وإزاي بتبقى العلاقة بين البنت والولد وارتبطنا ببعض ارتباط عاطفي ودي كانت بداية الهم في حياتي.... طبعا فضلنا مع بعض كام شهر كدا تقريبا 6 شهور وبعدين سبنا بعض وكل دا ماكناش شوفنا بعض غير صور بس المهم طبعا طلع من حياتي
واتعرفت على واحد تاني من النت بردو بس دا كان من القاهرة دا كان بداية الانحراف في حياتي زي ما بتسموه دا كان أول ولد أقابله وأقعد معاه وأخرج معاه وهكذا وكان أول واحد يبوسني كان أول مرة أعرف إحساس البوسة وقعدت أعيط وأقوله إنت فاكرني إيه وفي مرة بعد مرة بوسة جابت بوسة وهكذا وفي مرة قالي إنه مسافر وطلب مني إني أقعد معاه يوم كامل وأبات معاه وكان ليه واحدة صحبتي قالت لي روحي وخلي بالك من نفسك.
المهم روحت وقعدت معاه في شقة أخوه كل اللي عامله معايا بوس وأحضان وبس وروحت وبعد كدا اتقطعت علاقتي بيه لأنه كان طبعا بيحور علي يعني يوم ما قابلت في الواقع قابلت شخصية زبالة وحقيرة واستغلالية وبعد لما سيبته رجعت للشخص اللي كنت أعرفه على النت وفضلت معاه تقريبا 4 سنين خلال المدة دي عرفت شباب كتير جدا زمايلي وارتبطت بكتير بردو فكل خناقة بينا كنت بكلم واحد وارتبط بيه وفضلت كدا طول فترة الكلية بس مشكلتي مش في كدا مشكلتي الأساية أولا إني مش بصلي ومش عارفة أكون منتظمة وإني من خلال الارتباطات الكتيرة طبعا كان بيحصل بوس وأحضان لحد لما انتاباني إحساس إن الحاجة دي عادي وبقيت أعملها ومش ضميري بيؤنبني زي الأول.
وخلصت الكلية وبعدت عن الناس دي كلها وقعدت في البيت ودي كانت بداية الخنقة في حياتي بدأت أعمل العادة السرية وأتفرج على أفلام معفنة وبعدين اشتغلت في المكان اللي أنا فيه بس المشكلة إن أول ما جيت لاقيت صاحب الشغل كان بيحاول يتقرب لي وهو شخص متجوز وعنده أولاد وبيت وفضل ورايا الفترة دي أصحابي كلهم كانوا اتجوزوا وبعدوا عني حتى صحبتي الآنتيم بدأت يبقى في مشاكل بسبب إننا في الشغل سوا وبحكم الشغل بقى في بينا حقد وغيرة من ناحية الشغل واكتشفت فيها حاجات كتير أوي بس أنا لوحدي فماكنتش عارفة أبعد عنها وفضلت معاها بس من جوايا مش طايقاها؛
المهم هو دخل في حياتي في الفترة دي وقعد يلح علي كتير أوي وأنا وافقت إني أكون معاه وبدأت يبقى في بينا علاقة حب بس طبعا كل يوم تأنيب ضمير وعياط واكتئاب وبعد عن الناس كلها وهو مقضيها حب في مراته وعشق وهيام وكل دا على حساب حياتي وسعادتي استغل تعلقي بيه وطبعا كان بيحصل معاه زي اللي كان بيحصل مع أي واحد وأي راجل كلهم بيدور على حاجة معينة في البنت مكان عشان يريح نفسه من شهوانيته القذرة.
المشكلة إني محتاجة أحس بحب وحنان وهو إداني دا أنا مش عارفة أعمل إيه حاسة إن حياتي بضيع مني لا مش بضيع هي ضاعت بس حتى لو هو مش هاييجي غيره وهيدور على نفس الحاجة طب هو ليه الرجالة كلهم وحشين أوي كده وزبالة ليه مش بقى فيه واحد بيحب مراته ويخلص ليها فعلا ليه مش بقى كل واحد بيحب واحدة يروح يتقدم لها ليه كل واحد عامل لنفسه ميت واحدة للكلام وللحب وللجواز وتفكير عقيم أنا أضعف مما كنت أتخيل أنا حاسة إني جبانة أوي أوي ومش عارفة أبعد عنه ومش عارفة أعمل أي حاجة في الدنيا حاسة إني قاعدة على كرسي ومتكتفة واللي حواليا بيطلبوا مني إني أقوم تقريبا.
أنا حاولت الخص اللي حصلي واللي جوايا بس في كتير أو مشاكل من أصحابي وفي البيت وأخواتي وكل حاجة أنا من النوع المودي لما في حاجة بتخنقني مش بأعرف أفصل وبكون عايزة إني أكون لوحدي ومش بأعرف أعمل دا ولا أنفذه أنا تائهة ومحتارة ومحتاجة مساعدة مشكلتي في التلخيص إنها عبارة عن راجل وجنس وشهوة وحياة مش مستقرة ووحدة داخلية.
17/12/2013
رد المستشار
الابنة الفاضلة "haidy" أرسلنا استشارتك إلى الأستاذة منار منصور وهذا كان ردها
أختي الفاضلة "haidy"، السلام عليكم ورحمة الله وبركاته؛ قرأت رسالتك جيدا ووجدت أنه يجب على توضيح بعض الأمور لك.أولا: أنك اخترت أن تخوضي "لعبة الحياة" في العلاقة بين الرجل والمرأة من دون أن تعلمي قواعد اللعبة. فدعيني أوضح لك بعض هذه القواعد:٠ عليك أولا أن تبني ثقتك بنفسك وتعلمي أنه بقدر تقديرك لذاتك سيكون تقدير الطرف الثاني لك أو الرجل وليس بالضرورة أن يكون "متزوجا من قبل أو شهوانيا أو خائنا كما ذكرت" فكما أن هناك السيئ هناك أيضا الجيد من الرجال.٠ المرأة نوعان في العلاقة بالرجل إما "امرأة ذكية" وإما "امرأة غبية"، المرأة الغبية هي التي لا تعلم حقيقة الرجل وتقع فريسة في يد الصياد بسهولة فهي تبتلع الطعم وهذا الرجل لن يمانع أبدا في استغلالها طالما أنها قبلت ذلك، أما المرأة الذكية فهي التي تحصل على أعلى مكسب ممكن من هذه العلاقة ألا وهو الزواج فهي تعلم جيدا حقيقة الرجل وتعلم ماذا يريد منها وتحدد مع نفسها مسبقا أنها لن تقبل أن تكون مجرد فتاة عابرة ضمن علاقة يمكن أن تنتهي في أي وقت يحدده الطرف الآخر.هذه المرأة تعرف حقا قيمة نفسها وتعلم حقيقة الطرف الآخر وتعلم أنه لا يرغب إلا في أن يستمتع بها من دون مقابل هي التي تستطيع أن تحدد بسلوكها وتقديرها لذاتها قيمتها والمكسب الذي يمكن أن تحصل عليه "التقدير والاحترم والزواج" فهي التي تملي شروطها على الطرف الآخر ولا تدعه يتحكم بها، هي سيدة الموقف والمسيطرة فيه واعلمي أنك في هذه الحالة لن تضيعي الرجل الجيد، فالرجل إذا عرف قيمة المرأة لن يتركها تضيع منه وسيبذل قصارى جهده للحصول عليها.لذلك فعليك أنت أن تقرري ماذا تريدين أن تكوني "ذكية" أم "غبية" في العلاقة بالرجل فالرجال دائما يسلكون وفقا لما تريده المرأة أو تختاره.أما عن حالتك فأنا على يقين أنك تستطيعين أن تبدئي من الآن وتتصالحي مع نفسك وتنسي ما قد ولى من حياتك فقط إذا ملكت إرادتك.عليك أن تسألي نفسك قبل أي علاقة: ماذا أريد أنا من هذه العلاقة وعليك أن تحددي هدفك؟ماذا يريد الطرف الآخر مني؟وفي أي فئة من النساء تريدين أن تكوني رخيصة أم غالية؟وأخيرا فإن الله سبحانه وتعالى قد خلق الذكر والأنثى وهو أعلم بطبيعتهما لذلك هو الذي وضع القواعد الشرعية والدينية والأخلاقية بينهما للعلاقة والتي تضمن ألا يتأذى أي منهما، فعليك بمعرفة هذه القواعد والالتزام بها حتى لا تعرضي نفسك للضرر أو الأذى ويمكنك الاطلاع على العديد من المواقع والكتيبات الإسلامية التي تتحدث عن ذلك.أما القرآن فهو المنهج أو الكتالوج الذي وضعه الله سبحانه للبشر فإذا خالفته فأنت تضرين بجهازك النفسي والبدني والعاطفي والجنسي أيضا.
ونصيحتي الأخيرة لك أن تقفي مع نفسك بعض الوقت لتعلمي وتحددي ماذا تريدين ولتسامحي نفسك عما مضى في مقابل أن يكون هناك تغيير فعلي في حياتك وفي صلتك بالله وكذلك صلتك بوالديك الكرام التي ذكرت عنهم أنهم علموكم الكثير.وأخيرا أتمنى لك حياة سعيدة وموفقة، والسلام عليكم ورحمة الله وبركاته.واقرئي أيضًا: