مطلوب عريس1

السلام عليكم الأعزاء جميعا؛

ممكن لو سمحتم نتكافل اجتماعيا لحل مشكلة عدم الزواج في المجتمع يا جماعة؟؟؟
لدينا فتيات كثيرات من سن 30 وطالع، يا جماعة مش معقول نبقى مجتمع مسلم فيه أمر بيقول "(وَأَنْكِحُوا الْأَيَامَى مِنْكُمْ.....)(النور: من الآية32)" ونبقى عاملين كده.. فعلا مطلوب عريس فورا وتوا بس يكون عنده أخلاق ودين وابن حلال ومش مشكلة بجد الفلوس والحاجات دي فيه بنات كتير لا يحتجن سوى إلى ذلك وكل شيء يأتي بعد ذلك..

يا جماعة تعالوا ناخد الموضوع جد مفيش حد منا إلا وفي أسرته بنات تخطين الثلاثين لابد أن نكون شبكات اجتماعية داعمة إحنا أصبحنا مجتمع متهرئ وهذا خطر, أكيد كل واحد فينا عنده بنته أو أخته أو بنت خاله أو بنت عمه أو بنت أخته أو أخيه أو الجيران.. يا جماعة فيه أسر فيها 5 بنات لم يتزوجن والعمر يجري بهن وبنات زي الفل ولا معيب لهن سوى المجتمع غير الداعم وغير الفاعل وغير أي حاجة .. حرااااااااااااااااااااااااااااااااااااااااااااااااام

يا رجال حراااااااااااام.. حرام الاشتراطات من نوعية الأيزو في الجمال والحاجات دي.. يبقى الواحد شكله عادي وأخته وأمه وعيلته عادية مصرية شكلها مقبول وعايز يتجوز هيفا وأليسا؟ حراااااااااااااام والله، المجتمع كله يدفع الثمن, وسيأتي على الجميع الدور.

نداء عاجل فهل من مستجيب وداعم ومتفاعل
ناااااااااااااااااااااااااااااااااااااااااااااهد
16/03/2007
                                                    ويتبع : ....... مطلوب عريس2
اقرأ أيضاً:
العروسة.. ماما! الست دي أمي.. / لكني أتيت! / العشوائيات.. والأعشاش / ما وراء هالة.. وخبرها