إلى مريض الهوس

اسم العمل الأدبي:	إلى مريض الهوس
اسم صاحب العمل:	د.أحمد الموجي
نوع العمل:	شعر عامية
الوزن الشعري:
تاريخ النشر:	29/05/2005

الموضوع
فرحان يا دنيا ونفسي ف ريش وأنا أطير و ارقص و أغني و أسابق العصـافير يا دنيا عاشقك . والقلب بيك انهوس والعشـــق جنن م الأحبة كتـير * خليك يا عم مشعشعة ويّاك انشد و هز الدنيا ويا غناك بـس اللي نفسي افهـمه واللي مالــوش تفسـير فرحــان قوي ليه كده ؟ وبنفس قاعــد تحـكى بتــلاغي في ده و في ده و القلب جــوه بيـبكي وتمثل إنــك سعـــيد وتعــيش قـوي في الدور بالرقــص و التغريـــد طايــر كما العـــصفور طايــر وطاوي جـــناح تحــــته الألـــم يدّاره حاســدينه ع الأفـــراح والقلــب كله مــــرارة مــــن دنيته الغـــدارة بات الجــــناح مكــسور * أنـــا عــارف انـك مخبي ورا ضحــكتك أســــرار عن دنـــيا مـــا بترحمشي غــــلابة زيك كـتار مطلــوب يعيشوا في نـار مــن غــــير ما يتألموا يأمــر زمن أمـّــــار ســاكتين مـــا يتكلموا لكن انت فاض بــيك الصمت يا اخرس نطق مـن كتر الكبت وحســبتها وبعــدين قررت تثــور على اللي ظـــالمينك وتفك م الأســـر سنــينك وبثورتـك إنــت اتــحررت * صـبغت عمـــــرك بالألوان وغزلت وبلــون الفرحــــة..عبايــة مـن ورد البســــتان وفتحــت قلبك للدنيـــــا وطردت و بشــدة الأحـــزان * لكــن في حــاجه انت نسيتها دي فرحتك انــت مــزودها شــربت مــن خمرة أحلامك لحد ما ســكرت أيامـــك وتهــت تاني مـع الفرحــة .. زي مـــا تـهت في أحزانك * خلي الفرح يكــون بـحساب والحــزن إن خبط على قلـبك رد في وش الــحزن الــباب في مرايتك بص و شــوف نفسك دي التوهة عــن النفس عـذاب وإياك تكبــت حــزن في قلب أو تحرم نفســـك م الـحب وارمـي همومك وسـط أصحاب * قــوم واتحدى الحـزن الصعب كمِّل مهــما يطــول الدرب اصــبر مهما يـــزيد الغلب وأوعى في مـــرّة تكون هرَّاب وتهــرّج لجل مــــا تنسى مــشكلتك من غير مــا تحل دا هــروبك مــش هو الحل ويــــزود معاناتــك ذل وإن حكَـمِتْ دا الحزن أكرملك م الضـــحك اللي بشكل مملْ دا يخلـــــى الدنـيا بتعتبرك متجنن أو ناقـــص عـــقلْ اصحي وفتَّح قبل مــــا تِصْبَحْ تلقى مِــيزانِ العــــقل اختلْ د/أحمد الموجي واقرأ أيضًا على إبداعات أدبية: يوميات شاب (1)، يوميات شاب(2)، باسم أطفال فلسطين: جنين، كائنات خالية من الضوء، عفوا يا سيدتي!، الريح والورد، أطفال الحجارة، فين العَلَمْ..؟؟، أنشودة سجين، من أشعار الوطن اللاوطن، "خُبط" أصبحنا، رسالة من إفريقي إلى إيما لازارْ، من قصيدة لبغداد، قـلَّـةُ فَـهْـمٍ قـليـلَـةُ الأدَبِ!، تقوى!، من ملفات المهجر، ذكريات ومشاهد من الحرب، بيقـولـوا ..: عملوا لنا كـويز!!، أصواتُ العربِ!، لماذا...لماذا ؟!!، شكرا لكم: سليمان خاطر، توهان !!!، يابتاع الفول والطعمية، إلى مكتئب، إلى مريض الفصام، إلى مريض الوسواس، منتهى العقل، فين المصري؟؟؟ ، توهان !!!، همسة إلى مدخن

الكاتب: د.أحمد الموجي
نشرت على الموقع بتاريخ: 29/05/2005