إغلاق
 

Bookmark and Share

الاسم:   واحدة ميتة 
السن:  
24
الجنس:   C?E? 
الديانة: مسلمة طبعا 
البلد:   مصرية مرمية في الخليج 
عنوان المشكلة: مجانين يفكون الخط : على مجانين 
تصنيف المشكلة: اضطرابات وجدانية: دَوْرّوِيَّة المزاج Cyclothymia 
تاريخ النشر: 04/09/2004 
 
تفاصيل المشكلة

  
منتدى المجانين ..

بسم الله الرحمن الرحيم ..

أولا بسم الله أنا مش باعتة مشكلة نفسية والحمد لله عشان متقولوش عليا مخالفة القوانين
أنا بس عندي مشكلة فظيعة في التسجيل للمنتدى
(مجانين بيفكوا الخط) .. وقبل ما أوجع دماغكم بالمشكلة أحب أشكركم جدا على الموقع التحفة دا.. كفاية اسمه اللي بيخلي ماما تقول .. مجانين ؟؟؟ هو دا اللي كان ناقصك .. عملولك موقع على النت أخيرا.

وطبعا عشان أنا ساكتة هي لسا (معجبة) أوي بيا وبيكم ..

أنا على فكرة قريت
الموقع دا كلمة كلمة ومشكلة مشكلة ومتابعة أخبار الناس أول بأول لكن طبعن مش هابعت مشاكلي لأني مقدرش استحمل انتظر شهر أبص كل يوم في رد ولا لأ ممكن أموت فيها)

أصلي مستعجلة وبتعب من الانتظار .. مش عارفة .. حاسة إني سجلت قبل كده ونسيت اسمي أو بعتلكم قبل كده أقولكم إني معرفتش أسجل وتقريبا هو دا اللي حصل . لحظة .. كان في حاجة عيزه أقولها (اللي بيلون الألوان في المشاكل مش ممكننننننننن)
بجد هايل :)

أنا طول الموضوع بقعد أتأمل العبارة دي باللون دا والكلمة دي أكبر لأنها مهمة
وو .. بصراحة فريق متميز متقولوش ان كل دكتور بيلون بنفسه لأن دي مش ألوان دكاترة دي ألوان (فن) :))) ..

أوه أنا آسفة للتطويل دي مكنتش رسالة بس أعمل إيه .. يمكن عشان مش لاقية حد أكلمه ..

قصدي معلش مش عايزة أكلم حد ..

الحكاية وما فيها إني بحاول بقالي مليون سنة أشترك في المنتدى وكل ما أكتب البيانات بطولها وبعرضها تطلعلي راس صغيرة من الشا,,,,,,,,,,,,,,,,,,,,,شة تقولي ( عذراً, منطقة تتطلب تصريح خاص للدخول) وأنا كل اللي عملته إني دست على زر التسجيل أو الموافقة على البيانات .. هو اللي عملته دا يستاهل كلمة (عذرا) بحالها ؟:

على العموم أنا راضية بقضاء سعادتكم (إذا) كانت في مشكلة ما ولا مانعين التسجيل ولو أنا معرفتش أسجل .. مع العلم إني معنديش مانع لو عندكم اسم زايد مش بتاع حد معمول وجاهز أستلفه أكتب بيه لغاية ما ربنا يفرجها ولا تدهوني هدية (ياللكسوف) أي حاجة لأن في قلبي كلام كتير أوي عايزة أكتبه وأقوله ومش قادرة .. ويا ريت بس رسالتي متتلخبطش مع رسايل المشاكل ويوصلني الرد على السنة الجاية ..

أنا آسفة عارفة إنكم مشغولين وكتر ألف خيركم وأنا والله لو كنت في مصر كنت جيت عشت عندكم في
الموقع دا وعملت لكم كل حاجة كتابة ورسم وجنان بس الأمر لله ..

المشكلة بجد إني ما بين عشية وضحاها ممكن الموضوع يتقلب مية وسبعين ولا تسعين (مش فاكرة) المهم درجة وأبقى ساكتة ومبتكلمش ولا أكتب ولا كلمة فالله يخليكم أنا عايزة ألحق نفسي في مرحلة الصحوة دي اللي بتجيلي كل كام وكام .. وآسفة تاني وعاشر على طول الرسالة وأديني أهو واقفة على باب الهوتميل على ناااااااااااااااار مستنية الرد
وشكرا لكم :)

2004/8/26
 

 
 
التعليق على المشكلة  


الأخت العزيزة، عافاك الله وأطال بقاءك السعيد في رضاه سبحانه وطاعته، كثيرون اشتكوا مما اشتكيت منه بخصوص المنتدى، وكلما وصلتني رسالة من نوع رسالتك هذه أرسلها لمصمم الموقع المهندس محمد شوقي أكرمه الباري في الشهر الجاري، وظننت أن المشكلة حلت، لأفاجأ بعد فترة بمن يشتكي مرة أخرى نفس الشكوى عن التسجيل في منتدى مجانين.

على أي حال تبقى رسالتك هذه أخف إفادة وصلت إلى الموقع دا ، وإن أحزننا وصفك لنفسك بأنك (واحدة ميتة)، فكلماتك كلها حياة، وكذلك بأنك (مصرية مرمية في الخليج)، فالحقيقة أن دول الخليج الآن لم يعد يصح أن توصف بذلك لأنها (وربنا يجعل كلامنا خفيف عليهم) أصبحت أكثر تحضرا ونظافة ورقيا من بلدك الأصلي أزاح الله غمته وأعاد إليه نضارته، ولكن هذا هو ما نسمعه من الناس، فربما كان متوقعا منذ عشرين عاما أن تصف واحدة نفسها بأنها (مصرية مرمية في الخليج)، لكنه الآن يبدو غريبا.

الأخت العزيزة، أن تتعرض حياتك إلى صحوات وكبوات كما تصفين على استحياء، يبدو وكأنه شكل من أشكال اضطرابات المزاج ربما دوروية المزاج Cyclothymia، أو الشخصية الفرح/انقباضية، كما يفهم من قولك : ((المشكلة بجد إني ما بين عشية وضحاها ممكن الموضوع يتقلب مية وسبعين ولا تسعين (مش فاكرة) المهم درجة وأبقى ساكتة ومبتكلمش ولا أكتب ولا كلمة فالله يخليكم أنا عايزة ألحق نفسي في مرحلة الصحوة دي اللي بتجيلي كل كام وكام)) أو ربما شكل آخر من أشكال اضطرابات المزاج Mood Disorders، فهذا أمر يمكنك أن تتخلصي منه إذا ما استخرت الله ولجأت إلى طبيب نفسي متخصص، لكنني على أي حال أود تذكيرك بما ظهر على
صفحتنا استشارات مجانين تحت العناوين التالية :
الشخصية النوابية (الفرح انقباضية)
الانهيار الدوري واليويو : شخصية فرح-انقباضية
الشخصية الفَـرَح انْقباضية والشُّوَاق والإنترنت !

وأعدك أن أتولى الرد بنفسي على مشكلتك إذا أرسلتها لنا وبالتالي فلن نتأخر عليك كثيرا، خاصة وأنك صاحبة
موقع ، ولست ضيفة فقط، ما دمت تعدين بمساعدتنا عند قدومك إلى مصر، فأهلا وسهلا بك.

وأما ما قمت به فعلا فهو إرسال إفادتك هذه إلى الأخ المهندس محمد شوقي ليحل المشكلة في المنتدى، وأرجو أن تعذريه إن تأخر عليك لأنه سيعود من رحلة عمل في الإمارات العربية، بعد أيام، وهو على وشك عقد القران خلال النصف الأول من الشهر الجاري، باختصار هو مشغول بعروسه، وفقهما الله وكتب لهما السعادة والرزق الوفير، وأما أنك واقفة على باب الهوتميل تنتظرين الرد فالحقيقة أنني أشك في صدق هذه المقولة لأن البريد الإليكتروني الذي قدمته لنا ليس صحيحا بأي حال! فما هي الحكاية يا ترى؟ قد يكونُ هذا سبب المشكلة التي تقابلينها عند التسجيل في
منتدى مجانين.

أسعدتنا إفادتك وخفة دمك ورشاقة أسلوبك وإن استخدمت العامية المصرية فقد يكونُ هذا من الشوق لمصر،
بارك الله فيك، ونحن في ا
نتظار مشكلتك.

 
   
المستشار: أ.د.وائل أبو هندي