إغلاق
 

Bookmark and Share

الاسم:   محمد 
السن:  
22
الجنس:   ??? 
الديانة: مسلم 
البلد:   مصر 
عنوان المشكلة: في دوامة القلق: متعممٌ أم نُوَبي؟ 
تصنيف المشكلة: نفسي عصابي: خلطة قلق Mixed Anxiety 
تاريخ النشر: 11/17/2004 
 
تفاصيل المشكلة


خوف ورعب وقلق وتوتر وشك وحاسس بنار جوايا

السلام عليكم ورحمة الله وبركاته

الأستاذ الدكتور وائل أبو هندي أرجو من حضرتك إنك تهتم برسالتي دي قوي لأسباب هي أنى بأعاني من 3 شهور مابين أن إللى عندي ده مرض نفسي ولا غير كدا مثلا مس أو أي حاجة ثانية.

المهم مشكلتي هي أنى مش عارف أنا بغير بصعوبة شديدة جدا ومش قادر أصلى وبتعب جدا في مواعيد الصلاة وزهقان جدا وبحس أن الدقيقة بتعدي في ستين سنة

وكمان مش مستحمل أمي ولا أختي خالص وعلى فكرة أنا الوحيد وأختي متزوجة

وكمان هي في رمضان زعلت منى بسبب أنى مش مستحملها ولا مستحمل أولادها

وكمان حاسس بنار جوايا مش قادر أستحملها وحاسس أن نصفى الشمال منقسم عن نصفى اليمين

وكمان مش حاسس بنفسي وحاسس أنى عايش في حلم ومستغرب كل حاجة حتى مستغرب نفسي

وكمان
مش بقدر أسمع قرآن ولا أغاني ولا أي كلام عن الآخرة ولا عذاب الآخرة بالذات

والله العظيم أنا تعبان قوى ونفسي أرجع زى الأول: أصلى أرتاح مش أتعب وأقرأ قرآن عادى مش أبعد عنه كدا

وكمان ولا بلاش أنا زهقت من كتر ما اشتكيت المهم أنا بيئتي كان فيها حاجات ممكن تفيدك في حل مشكلتي إنشاء الله أولها أنا دائما عايش لوحدى وكنت مستمتع بكده بس

وأنا إيميلى ................ يا ريت تبعتوا ليا الرد عليه

دلوقتي أمي ووالدي منفصلين بس هو دلوقتى متوفى ربنا يرحمه، ووالدتي طول عمرها مريضة ربنا يشفيها وأنا تربيت معاها وليا أخت واحدة من أمي وأنا كمان حصلت ليا 3 صدمات عاطفية ورا بعض وآخر مرة من 3 شهور كنت راجع من محل الملابس فلاقيت اللي أنا بحبها راجعة مع أختها فشكيت فيها إنها ممكن تكون مع واحد تانى غيري فرحت وقلت أصلي وأقرأ شوية قرآن...

وبعدين وأنا بقرأ المصحف لقيت نفسي بأبكي ... مش عارف خشوع من القرآن ولا منها، ولا من إيه مش عارف!، المهم قلت أنام فلقيت نفسي مخنوق وحاسس أنى هأموت وبعدها لبست ونزلت أجرى وبعدين طلعت البيت وفضلت على كدا فترة

وسبت شغلي بسبب الرعب اللي كنت فيه وكنت مش مستحمل كلام أختي ولا أي حد وبعدين قلت ليهم على إللى فيَّ فقالوا أنت محسود أو عندك مس فرحت لشيخ في جامع وبعدين شفت الناس اللي عندهم لبس أو مس فكنت قاعد مرعوب بس مش حصل لي حاجة، وبعدين رحت لشيخ تانى فإدانى مية أستحمى بيها وأشرب منها فكنت دائما كل ما أسمع اسم أي حد أشتمه من غير سبب مهما كان الشيخ أو الحاجة اللي بسمع اسمها ويا رب تكون فهمت قصدي

المهم أنا خايف أتجنن وكمان خايف أحسن بقيت أشك في حاجات كتير ويا رب ربنا يسامحني على الشك ده فرحت لدكتور في الجامعة .. فأعطاني فلوكستين وابوكستين تقريبا مش فاكر وزاناكس وبقالي 15 يوم بس أنا حصلي تعب أكتر مش خفيت أنا تعبت أكتر يا رب يا دكتور وائل أنا شايف الدنيا سوداء في وشى ومش عارف أنا اللي عندي إيه ومش عارف أعمل إيه نفسي أرجع أصلى زي الأول نفسي النار اللي أنا حاسس بيها جوايا دي تنطفى نفسي أبكى بس مش قادر

باختصار نفسي أرجع للدنيا تانى إنسان طبيعي فيا رب لو حضرتك عرفت أنا عندي إيه تقولي ده مرض نفسي ولا غير كدا ونسبة الشفاء بإذن الله كام وربنا يوفقك يا رب ويجعلك سبب لي عشان أخف يا رب يا رب لأني والله العظيم تعبان قوى ومش قادر استحمل _

23/10/2004

 
 
التعليق على المشكلة  


صديقي

الأعراض
التي تتحدث عنها تبدو وكأنها ما يسمى بالوسواس القهري تارة وتبدو وكأنها ما يسمى بنوبات الهلع تارة أخرى... من اللازم أن تسأل الطبيب الذي كتب لك الأدوية عن طبيعة تشخيصه وتفاصيله

على العموم لم تذكر لنا ما هو الكلام الذي لا تتحمله أو لا تطيقه من والدتك ومن أختك وذكرت صدمات عاطفية و لكن لم تذكر ما هي.... ذكرت أيضا أنك تشتم الشخص أو أي شيء تسمعه .. قد تشتم الشيخ أو الله أو الرسول مثلا... ولكنك لم تفصح...
لماذا كل هذا العدوان؟؟؟

ولماذا تحس بالذنب ؟؟؟

أنا بحاجة إلى تفاصيل أكثر كي أستطيع إرشادك بطريقة أفضل

وأرجو أن تبحث عن معالج نفسي لإجراء جلسات نفسية تفهم من خلالها كيف تتعامل مع هذه الأفكار والأحاسيس إلى جانب استخدام الدواء

وفقك الله وإيانا لما فيه الخير والصواب

ويضيف
الدكتور وائل أبو هندي، الابن العزيز أهلا وسهلا بك على موقعنا مجانين وشكرا جزيلا على ثقتك، ليست لدي إضافة بعد ما تفضل به مجيبك أخي الاستاذ علاء مرسي غير التعليق أولا على ضرورة اتباع نصائح طبيبك المعالج من حيث تناول العقاقير التي يصفها بالطريقة التي يحددها وطوال المدة التي يحددها أيضًا، ولا أدري إن كان لديك قلقٌ متعممٌ أم لا فقط لدي انطباع بذلك، فعليك بسؤال طبيبك المعالج، كما أود إحالتك إلى عددٍ من العناوين من على مجانين، ففيها ما يفيدك إن شاء الله:
الاكتئاب والقلق: الأعراض الجسدية
نوبات الهلع : عرضٌ أم تشخيص !؟!
نوبات الهلع : الشعور بالموت و....
نوبات الهلع وضربات القلب
القلق النفسى والهلع
اضطراب القلق المتعم
القلق المزمن والبحث عن الطمأنينة
اضطراب الأحوال أم اضطراب القلق المتعمم ؟
وسواس المرض : أشكال وأصناف
من نوبات الهلع إلى رهاب الساحة
نوبات الهلع : في شخصية موسوسة
اختلال الإنية في نطاق الوسواس القهري
في نطاق الوسواس القهري : رحلة العذاب
نوبات الهلع: برنامج علاجي
الأعراض الجسدية للقلق: كنت نائما جُنُـبا ...و

وأهلا وسهلا بك دائما على مجانين فتابعنا بأخبارك. 

 
   
المستشار: أ. علاء مرسي