حب مش طبيعي أنا مشكلتي أني من وأنا عندي 11 سنة وأنا ابتديت أُغْرم وأحب البنات مع أن المفروض الولاد هي اللي تعجبني لكن أنا بحب البنات وكان نفسي أكون رجل لأستطيع إتمام العلاقة، أنا لم أمارس الجنس مع أحد لكني رأيت المواقع الإباحية في فترة المراهقة.... ولكني قررت عدم مشاهدتها عشان اللي فيها ده قلة كرامة وأدب.المشكلة في علاقاتي العاطفية الكثيرة ببنات واللي كنت فاكره أني ها أتخلص منها ولما أكبر ها أحب ولد لكن مش حاسة إني عايزة ولد أنا ما بكرهمش لكن مش بحبهم، المشكلة زادت ودخلت مرحلة أخطر جدا لما دخلت أولى ثانوي لما قابلت البنت اللي بحبها حتى الآن (أنا في ثالثة جامعة) ومع إنها سابتني بعد تهديد ماما لها بعد ما صارحت ماما بحبي لها مع إني ما كنتش عايزة أقولها لأنها ها ترفض طبعا وها تزعل ولحد دلوقتي البنت رافضة كلامي وأنا بطلت حتى أطلب منها نبقى أصحاب. البنت معاها حق وماما معاها حق وأنا بعمل المستحيل عشان أقفل قلبي من الناحية دي لكن مش قادرة أحس إلا بالبنت اللي بحبها مع إن بقالي 5 سنوات ما شفتهاش ومش قادرة أشيلها من قلبي وبرده مقابلتش ولد أحبه بلاش أحبه ولا حتى أقدر أوافق أتجوزه لأني مش عايزاهم أنا مش خايفة من الارتباط لكن أنا حسه زي ما أكون مبرمجة غلط. 20/04/2007
