الفوت فيتش وحيرة لا يعلم مقدارها إلا اللهالسلام عليكم؛أود أن أعتذر لكم جميعا أن ظنوني دائما أنني أفهم أفضل من الأطباء النفسانيين فيما يخص حالتي تحت شعار أن "اللي إيده في الميه مش زي اللي إيده في النار" ولاقتناعي التام أن المشاكل النفسية التي تحدث للناس البشرية يقف أمامها العلم عاجزا ولكن أتمنى أن أجد الإجابة عندكم أو على الأقل بصيصا من الإجابة.حكايتي بدأت من وأنا طفل صغير تقريبا خصوصا أنني أعتقد أني مولود بهذا الأمر ولكن سأقص عليكم قصة تقريبية أعتقد أنها سبب حالتي، كنت طفلا صغيرا لا أتذكر حتى عمري وكنت أعشق النساء أي امرأة جميلة أي امرأة شيك في ملابسها حتى لو كانت مش حلوة، أي واحدة الناس يشوفوها مش حلوة بس أنا شايف فيها حاجة حلوة شداني كنت أحبها وخصوصا كل امرأة تمسح على رأسي وتعطيني حتة شوكولاتة وتبوسني كنت بحس مع كل الستات دول بحنان غريب حنان عمري ما حسيته مع أمي رغم أنها بصراحة مش قاسية بالعكس طيبة جدا بس محسيتتش ناحيتها بأي حنان طول حياتي يمكن عشان كانت تتخانق مع بابا كل ما يجيب لي لعبة ويمكن عشان مش هي أصلا اللي ربتني كانت بتسيبني عند مامتها أو عمتي وتروح الشغل وعشان كده بكره أي ست بتشتغل. جوايا عواطف رهيبة ومشاعر جميلة أوي ومبكدبش وبحب كل الناس وخصوصا الستات اللي رجليهم حلوة وحكاية الرجلين دي من وجهة نظري يمكن جاتلي عن طريق مرات خالي اللي رجليها حلوة أوي أوي أوي وكانت ستات العيلة بيتكلموا عليها وعلى رجليها وكنت بسمعهم وكنت أصلا بحبها لأنها كانت من وجهة نظري جميلة. المهم حبيت رجليها وتمنيت أبوس رجليها من وأنا عيل صغير في السن الصغير ده بس كتمت مشاعري لأني كنت فاكر إن أنا بس اللي كده في الكوكب وكنت بخاف حتى تلاحظ إني ببص على رجليها وكبرت وعملت علاقة بوس رجلين مع بنت قريبتي أصلا كنت بموت فيها مهو لازم بوس الرجلين ده يحصل مع واحدة أنا على الأقل بعزها المهم كنت ببوس رجليها بشكل عادي مفيهوش أي حاجة غريبة وكنت بتمتع متعة غريبة على الرغم من عدم اكتمال متعتي وكان في حاجة كانت ناقصة في الموضوع ده وأنا معملتهاش وجنب حب الرجلين كنت بحب الجنس جداااااااااا بدرجة غريبة من وأنا عيل برضه ومشكلتي بصراحة في حاجة واحدة بس؛ لما علاقتي بالرجلين اتقطعت فجأة عن طريق إن البنت دي سافرت برا مصر جبت الكومبيوتر والنت ودخلت المواقع بتاعة الفوت فيتش وقريت قصص عن العبودية وأن الراجل يكون خدام للست ويقولها مولاتي وحاجات كده غريبة جدا وضحكت واتريقت بس لما شفت الصور اللي فيها أوضاع غريبة جدا بدأت أحس بمتعة غريبة ورجعت للقصص اللي المرأة كانت بتلعب فيها دور الملكة والراجل خدام تحت رجليها وأثارتني جدا وحسيت وأنا بقراها بمتعة عجيبة بجد وبعد ما كنت بتريق على الموضوع ده لقيت نفسي بحبه وبدور على واحدة سادية تحسسني أني خدام تحت رجليها وجزمتها بس الغريب أني مبحبش الألم ولا الضرب ولا الإهانة ولا الاستحقار يعنى لو حسيت وأنا بكلم واحدة سادية أنها بتستحقرني أو تكرهني بشتمها فورا علما بأني عصبي جدا وشخصيتي قوية جدا لدرجة أني كنت بقول لنفسي لولا حبي للأقدام لأصبحت ساديا قاسيا بس؛والله أنا طيب ومش بحب أظلم حد ولا حد يظلمني بس عالنت بحب الخضوع أتكلم بطريقة تحسس البنت اللي بكلمها أنها ملكة وأني يا دوب عبد وخدام ليها وبتلذذ أوي بكلامها المسيطر، أنا ستك أنا مولاتك انزل تحت رجليا يا كلب والغريب برضه إن الشتيمة هنا مش بهدف الشتيمة بهدف الإثارة وبس والكلام ده بيحصل نت بس ومجربتوش حقيقة خالص ومحتار لدرجة إني مش عارف أشتغل ولا عارف أعيش وبتقطع من عدم ممارستي لتقبيل الأقدام وبجد يا جماعة أنا لولا أني أصلا متدين من صغري كنت انتحرت أنا بجد بتحرق بنار الشهوة بشكل مش طبيعي ومش عارف أعمل إيه وعلى فكرة كل اللي أنا قلته ده يعتبر نبذة عن موضوعي عشان موضوعي كبير أكبر من أنه يتحكى في مقالة بس أرجوكم أفيدوني بأي شكل8/3/2008
