فوبيا الألم
السلام عليكم... كما هو موضح بالعنوان أنا مش عارفة إذا في حاجة هكذا أو لا!
الموضوع بدأ من هنا أنا في كلية طب في أول سنة في سكشن فسيولوجي طلبوا مننا نشك نفسنا عشان نعمل تجارب وحجات كدا ثواني ثواني الموضوع مش بالتفاهة دي -أنا عندي يقين إن أنا لوحدي اللى عندي مشكلة في قدرتي على شك نفسي الحكاية مابتوقفش عند إني بخاف وأقول لا هتوجعني آخر حاجة دخت وكان هيغمى علي مع العلم إن في المشرحة وأمام الجثث مابيكونش في أي مشاكل بالعكس..
أنا هيكون عندي امتحان بعد أسبوعين تقريبا وهعمل تجربة أكيد هتتطلب مني إني أشك نفسي.. الخ
مش عاوزة أقول أنا عارفة إني مش هقدر مع العلم كمان أنا ممكن أتجرأ وأعملها أول مرة لكن تاني مرة صعب أوي : الكارثة بقى إني ما بيطلعش دم كفاية من أول مرة معايا .
أنا مابدلعش مش هدخل كلية زي دي بكامل إرادتي عشان أخاف وأدلع من شكة إبرة
أنا عندي مشكلة حقيقية يا فندم أتمنى تساعدني .
14/04/2014
رد المستشار
شكراً على استعمالك الموقع وتمنياتي لك بالنجاح.
عتابي أولاً أنت طالبة في كلية الطب وأسلوبك في الاستشارة لا يتناسب مع التعليم الجامعي حاولي الانتباه إلى ذلك ومثل هذه النصيحة تسري في جميع أنحاء العالم.
الوخز بالإبرة لغرض فحص قطرات الدم من الإصبع لا يقوى عليها أي فرد في البداية فقط كما هو الحال في المصابين بداء السكري كل ما يعمله الإنسان هو إعادة التجربة المرة بعد الأخرى لأهميتها. ما يجب أن تفعليه هو استعمال الإبرة المناسبة،
وشد الجلد بقوة والوخز بسرعة. تعيدين التجربة المرة بعد الأخرى في البيت وربما تعملين التجربة على أفراد العائلة.
لا داعي للخوف وإن كنت غير قادرة على عمل ذلك فما عليك إلا إخبار القسم وسيساعدك أحد المعيدين في القسم لتجاوز المحنة.
وفقك الله.