تشخيص طبيبك صحيح... التزمي بدوائه م
تعبت من الأفكار
السلام عليكم ورحمة الله وبركاته....... أنا مش عارفة أعمل إيه حاسة أني هموت كافرة وخايفة أوي أنا علاقتي كويسة بأهلي وأصحابي وكل الناس بتقول علي اجتماعية... بابا توفى من 3 سنين أنا مش عارفة أروح ولا آجي منين زهقت من حياتي حياتي كلها جحيم مش عارفة أذاكر وبفكر أسيب الكلية بعد ما وصلت لرابعة بيطري مش قادرة أفتح كتاب حاسة أني بكره كل حاجة أفكار كتير هتموتني بطلت أقرأ روايات ولا أسمع أفلام عشان بحس إن الشخصيات في الفيلم أو الرواية بتسيطر علي وبقلدها بالضبط كأني بتقمصها.... مش بشوف ناس خيالية بس ساعات بسمع شخص يناديني بس على فترات متباعدة....
حاولت أأذي نفسي كتير بسبب الأفكار مرة أكلت الرصاص والحبر وبشرب الخل وساعات كتير بجرح نفسي بستمتع بمنظر الدم بضر نفسي كتير لو سمعت عن أي حاجة مش كويسة للصحة بعملها.... أنا خايفة من ربنا جدا يحاسبني على نفسي بس أنا والله تعبانة أوي بطلت تقريبا آكل لغاية ماجتلي قرحة في المعدة...
عملت رسم مخ طلع عندي كهرباء زيادة بس خفيفة ساعات بيبقي نفسي أهرب وبخطط لده بدون أي سبب بس في الآخر بتصعب علي أمي أنا نفسي أعيش حياة متوازنة حاسة أني بكره كل الناس حتى أهلي نفسي يجيلي مرض خطير يخلص حياتي........
أنا مش مرتاحة بكره حياتي وبكره نفسي وبكره كل حاجة في دنيتي رغم أن حياتي المفروض ماتكرهش أهلي وأصحابي بيحبوني وأنا نفسي أموتهم كلهم أو أموت أنا خايفة الأفكار تسيطر علي تخليني أعمل كده دي مجرد أفكار مافيش أصوات... بحس إن شخصيتي بتختلف من وقت للتاني مرة أبقى متدينة وأبقى عاوزة أتنقب وأعمل كل حاجة ترضي ربنا....
ومرة أبقى إنسانة سيئة للغاية أكلم شباب أتفرج على مواقع إباحية ألبس براحتي ما أبقاش عاوزة أصلي ولا أقرأ قرآن ولا أي حاجة....... أنا أصلا المفروض إني على خلق ودين وحافظة كتاب ربنا الحمد لله وبحاول أنفذه بس تعبت من تغير الشخصية مش قادرة أستقر على حاجة وكل الناس حتى أصحابي اللي مش مقربين بيلاحظوا تغير الشخصية ده أنا تعبانة جدا ونفسي أستقر بقى نفسي أعرف أنا مين نفسي ربنا يرضى عني أنا كتيير بحاول أهرب وبقول لنفسي الإنسان المؤمن مش بتجيله أمراض نفسية أنا بقالي 5 سنين بحاول أقاوم كل حاجة بس حاسة إني هنهار.......
آسفة على الإطالة
وربنا يجازيكم خير
24/10/2014
رد المستشار
شكراً على استعمالك الموقع وتمنياتي لك بالشفاء.
استشارتك هذه تثير قلق كل مستشار ورواد الموقع. ليس هناك أدنى شك بأنك مصابة بالفصام الذي لم يتم علاجه بصورة مرضية ومن المؤسف أن رسالتك لا تحتوي على أية إشارة للعلاج وبدلاً من ذلك تتحدثين عن استجابتك للأعراض الذهانية. من جراء ذلك أصبحت:
1 - تشكلين خطراً على الآخرين.
2 - تشكلين خطراً على نفسك.
3 - حالتك العقلية والنفسية في تدهور مستمر.
التوصيات:
1 - تذهبين إلى طبيبك المعالج فوراً وتخبريه عن هذه الأعراض. لا تقبلي الا بوصفة عقاقير وتوقفي عن عمل فحوصات سخيفة مثل رسم المخ الكهربائي في حالتك.
2 - تتوقفين عن الدراسة وتركزين على العلاج.
3 - ربما أنت بحاجة الآن إلى علاج داخل مصحة نفسية.
سأشير على الموقع عدم الرد على أي استشارة قادمة من قبلك إن لم تكن فيها إشارة إلى متابعة طبية نفسية والمواظبة على العلاج لأنك أصبحت خطراً على نفسك والآخرين.
التزمي بما يشير إليه الموقع.
وفقك الله.
ويتبع..: تشخيص طبيبك صحيح... التزمي بدوائه م2