حلم يتحقق
أنا اسمي شادي عندي 25 سنة مشكلتي تتلخص في الآتي:
1- أنا من كام سنة حلمت أني اشتغلت مع ناس في شركة فاتحة محلات في مولات كبيرة وأنا شغال فيها وكل حاجة بتحصلي دلوقتي أنا حلمت بيها والله العظيم حكيت الحلم ده لأمي ولأبويا مش مقتنعين بده، كل حاجة في الشغل بس إنما في البيت "لأ" كل لما أخش الشركة أفتكر الحلم والمشكلة أنني في آخر الحلم ده هتخبط بالعربية وإني هموت.
أنا بجد مش عارف أعمل إيه ده حتى الكلام بيحصل بالحرف الواحد والله العظيم أنا مش عارف أعمل إيه ساعدووني؟!.
2- بقيت أشتغل بطريقة فظيعة يعني أخلص شغلي العادي وأفضل سهران في الشغل أكثر من 5 ساعات بعد الشغل.
3- عايز أتجوز بس خايف جداً عندي كذا تجربة باءت بالفشل أو بمعنى أصح هي مش من نصيبي وماما جيبالي كذا عروسة بس أنا مش بحب جواز الصالونات ده أفيدوني؟!.
بس المهم في الحلم إن كل حاجة بتحصل في الشغل أنا حلمت بيها ولسه في حاجات هتحصل فيه زي مثلاً:
البنك الّي بنتعامل معاه هيتسرق، في واحد في الشغل هيتكهرب، والنهارده حلمت إني باكل جبنة بعيش شامي، فعلاً جبت الجبنة دي أنا مش عارف أعمل إيه.
20/02/2015
رد المستشار
شكراً على استعمالك الموقع
نظرة عامة:
الاستشارة تتميز بما يلي:
* عدم وجود ارتباط فكري بين الفقرات المتعددة.
* محتوى الاستشارة لا يتوازى مع البيانات الشخصية لشاب يعمل كمحلل مبيعات.
* الفقرة الثانية تشير الى حالة هوس وجدانية.
* الاعتقاد الكامل بأن الحلم سيتحقق وهذا بحد ذاته وهام الشعور بالعظمة.
احتمالات التشخيص:
* هوس ناتج عن اضطراب الثناقطبي.
* لا يمكن استبعاد الإصابة بالفصام في هذه المرحلة.
توصيات الموقع:
• تراجع مركزا للطب النفسي للكشف عليك.
وفقك الله.