اضطراب الشخصية البينية الحدية
بداية اكتئابي كانت في منتصف العام في الصف الاأول الثانوي بدأت أحس باكتئاب وانطواء من غير سبب دايما حاسة بحزن وأكني مش مرتاحة بدأ الاكتئاب يزيد وبدأت أعور نفسي وأقص شعري نومي كان مضطرب وبقضي أوقات كبيرة مبعملش أي حاجة مستوايا الدراسي بقى سيء جدا بعد ما كنت متفوقة أهلي بدأوا يلاحظوا لما حاولت أنتحر شافوا أثر التعاوير ودوني لدكتور نفسية وعصبية واداني أدوية على أساس إني أعاني من الاكتئاب بس الاكتئاب مقلش كنت أوقات ألتزم في الصلاة وأوقات تاني أحس إني أكره ربنا وعندي أفكار وحشة عن الدين وعن ربنا
كنت أوقات بحس بانجذاب جنسي لأقرب صاحبة لي وحاولت معاها أكتر من مرة لكن هي كانت بترفض وكنت بحس إن عندي استعداد أعمل علاقة مع واحدة لو هي وافقت كنت بتفرج على أفلام سكس وأتكلم مع ولاد على النت في السكس وكنت دايما بفهمهم إن لي تجارب وعلاقات غير كاملة رغم أن عمر ما حد لمسني كنت دايما من جوايا عندي إحساس إني مش عذراء واتعرفت على ولد من النت وقابلته ورحت بيته مرتين وفهمته إني عندي البريود ومحصلش بينا أكتر من بوس وأحضان لكن بعدها برضه كنت حاسة إني مش عذراء قولت لأهلي أنا حاسة إن الشطافة عورتني وإني عايزة أكشف وأطمن ورحت لدكتورة وأهلي قالولي بعدها إن الدكتورة قالت إني مش عذراء سكت عشان كنت متخيلة إن محدش هيصدق إني معملتش حاجة
رحت لكذا دكتور بعدها اتنين منهم شخصوا حالتي border line personality disorder وفضلت أأجل امتحانات سنة تانية مرتين وتالت مرة دخلت ونجحت بصعوبة طبعا وسنة تالتة برضه نجحت بصعوبة والاكتئاب موجود والتعاوير وقص الشعر أوقات تزيد وأوقات تقل في آخر سنة تالتة اتعرفت على واحد جاري حبني وبقينا مع بعض وفي أقل من شهر بقى في بينا كلام في الجنس وباسني وطبعا أنا اللي بشجعه واتقدملي عشان يخطبني ومن جوايا كنت بدعي إن الموضوع مايتمش وربنا استجاب والموضوع انتهى الغريبة إني زعلت أوي بعدها واكتأبت أوي وحاوت أنتحر ودخلت المستشفى فترة
ولما رجعت الجامعة كان في زميل لي كان معجب بي وأنا فضلت أديه اهتمام لحد ما حبني وأنا كنت من جوايا بتسلى وفجأة لقتني أنا كمان بحبه في أقل من شهرين كانت برضه العلاقة بينا فيها جنس أنا برضه اللي شجعته هو كان بيحبني أوي فكان بيرفض كتير خوفا من إنه يخسرني عشان كل مرة كنت بطلب منه وبعدها أفضل ألومه وأقوله أنه بيخليني إنسانة وحشة وبتصرف تصرفات غلط رغم أني من جوايا عارفة ومتأكدة إن أنا السبب بس كنت حابة أحسسه بالذنب كتير أوي كنت بقوله إن علاقتنا انتهت وأبعد عنه بس هو بيحبني أوي كان بيفضل يترجاني إننا نرجع ويقولي إنه مش قادر يعيش من غيرى
أنا كمان بحبه أوي ويمكن أكتر ما هو بيحبني بس أنا مبقتش فاهمة أنا عايزه إيه وليه بعمل كده لسه بحس بانجذاب للبنات بحس إني شخصيتين في بعض واحدة عايزة تصلي وتبقى ليها مبادئ وحاجات حلوة عايشة عشانها وواحدة ملهاش هدف زاهدة الدنيا وكارهة الناس ومش عايزة تقوم من السرير ودي اللي مسيطرة أكتر عايزة حد يفهمني نفسي أو يفهمني إيه سبب تصرفاتي دي
10/3/2016
رد المستشار
لقد أجابك طبيبك عن سؤالك يا ابنتي ولكنك لم تهتمي!؛ فلقد أوضح لك طبيبك أنك تعانين من اضطراب الشخصية الحدية، وهذا الاضطراب يسبب للشخص التناوب الغير مستقر بين المتعة والألم، بين القرب والبعد، بين التمتع بالونس والرعب الشديد من الهجر، عدم استقرار في الهوية النفسية، والهوية الجنسية، ومشاعر غضب بلا وضوح، وتهور واندفاع في العواطف تجعل الشخص قريب جدا بعيد جدا!، ينتحر ويؤذي نفسه، أو الآخرين، ويعاني إحساس الوحدة والفراغ الداخلي،
وهذا الاضطراب على صعوبة تشخيصه، إلا أنه درجات في الشدة، وبالتالي النتائج؛ وهو على صعوبته ينتشر جدا من بين باقي الاضطرابات، وأثبتت بعض الدراسات أن له جذورا جينية تورث، ورغم ذلك أقول لك استبشري، نعم فالاضطراب الخاص بالحدية نال اهتمام العلماء مما جعل له خططا علاجية تؤتي ثمارا طيبة جدا، وترتكز على مدخل كبير ومهم وهو قبول الشخص لنفسه، والتوقف عن كره ذاته وقبولها، وترتكز كذلك على تدريب الشخص على قبول وفهم مشاعره وأفكاره، وواقعه، وكلما تدرب على مسؤولية استقرار علاقة ولو واحدة في حياته، كلما اقترب جدا من الشفاء،
وحتى ألخص لك خطوات كثيرة من البحث عن العلاج أقول لك: آن الأوان لراحتك يا ابنتي فأنت تستحقينها، وراحتك ستبدأ حتما بطرق باب العلاج فورا، وكلما بحثت عن معالج يعالج بما يعرف بالعلاج الجدلي السلوكي كلما اقتربت أكثر وأسرع من الراحة الداخلية التي تفتقدينها، والحمد لله العلاج الجدلي السلوكي بدأ يظهر ويتواجد في مصر وهذا من فضل الله؛ حيث أكدت الدراسات أن العلاج الجدلي هو أفضل أنواع العلاج لاضطراب الشخصية الحدية بشكل خاص جدا، وحتى تجديه يمكنك طلب العلاج النفسي من خلال المعالجين النفسانيين وإن زاد وقت العلاج أكثر،
ولكن في النهاية رغم معاناتك الكبيرة إلا أنك من المهم أن تصدقي أنك مسؤولة عن اختياراتك من الآن؛ فالبحث عن العلاج اختيار، والاستمرار في العلاج اختيار، والبقاء في دوامة العلاقات، وتهوراتها اختيار، والسكون بلا حراك اختيار، فلتختاري أن تحيي بصدق، ولتصدقي أن اندفاع مشاعرك، وتصرفاتك ليست أنت، ولكنها تخص الجزء غير الصحي في تعاملك مع نفسك، ومشاعرك، هيا ابدئي، ويمكنك قراءة المزيد عن الاضطراب في الموقع، ويمكنك البحث عن معالج يعالج بالعلاج الجدلي من خلال مقالات الموقع المتخصصة وستتمكنين من الوصول له؛ خاصة وأنه ليس منتشرا كثيرا في مصر، دمت طيبة مرتاحة البال موفقة.
ويتبع ............: أنتحر وأهجر وأعود وهكذا م