مش عارفة أحكي، وأقول مشكلة معينة أعاني منها..!
اتخرجت من كليتي واشتغلت بسرعة، كنت عاوزه أجيب فلوس بأي طريقة، والدي كان بخيلاً جداً علينا، وده سببَّ مشاكل كتير ليا ولإخوتي، منها أن أخويا دخل مشاريع فاشلة وبقي مديون ديون رهيبة، اضطريت أنا وبابا نسددها، وفضل بابا يذلنا بيها لحد دلوقتي.
ماتجوزتش وبصراحة رغم إني طول عمري نفسي يبقي عندي إطفال إلا إن عمري ما كان عندي رغبة إكون زوجة، وليا زوج وبيت، دايماً كنت بحس ده قيد، عليا أنا مش عاوزاه، دخلت مشروع فاشل من سنتين خسرت فيه كتير، وبقيت كمان مديونة بمبالغ كبيرة، والسبب إني حبيت. لأول مرة أتعلق بحد وأحبه، ولما طلب يتجوزني خفت واترددت، راح متجوز. وقلي أنه بيحبني، بس مش حيستناني لحد ما أحتاج أتجوزه، اتصدمت جامد تخنت حوالي 30 كيلو، اهملت شغلي لحد ما ضيعت كل حاجة، ودلوقتي اشتغلت في شركة بمرتب ممتاز، بس ابتديت أعاني من نفس مشكلتي في شركتي الخاصة بعد ما سابني حبيبي، أنه مش عاوزه أشتغل.
فقدت رغبتي في الشغل وفي أي حاجة، كنت بتميز بيها زمان، اتغيرت في الكام سنة إلي فاتوا 180 درجة، أهملت لبسي وشكلي وكمان حضيع وظيفتي إلي بسدد منها ديوني.. البيت كمان كئيب، بابا وماما كبروا، وتعبوا أختي بتدرس برَّه واخويا في شغله، شغلي مطلوب فيه السفر دايماً بس تلاقيني دايماً قاعدة في المكتب باتفرج ببلاهة علي الفيس بوك، باشتري حاجات أونلاين مش محتاجاها.
الناس مصدومين فيا، وأصحابي اتفركشوا من حواليَّ ماعدا اتنين بيزقوا فيا بالعافية، بعيدة جداً عن ربنا، حاولت أنتحر مرة واحدة ومكررتهاش، تفتكر أنا مريضة نفسياً ومحتاجة لعلاج، ولا أنا بتعاقب من ربنا لأني بعيدة عنه، ولا أنا في مرحلة عدم اتزان ومحتاجة توجيه بس، مش عارفة.
19/7/2016
رد المستشار
شكراً على مراسلتك الموقع.
الاحتمال الأول: هو أنك في مرحلة عقاب من رب العالمين يتعارض مع القيم الدينية والروحية، وهو أرحم الراحمين، دعك من هذا التفسير فهو الكفر بعينه.
الاحتمال الثاني: هو إصابتك بنوبة اكتئاب، هناك ظروف بيئية قاهرة وعدم وجود علاقية حميمية، وضغوط نفسية متواصلة، إهمال النفس وعدم المواظبة على العمل والتفكير بالانتحار جميعها تشير نحو حالة وجدانية اكتئابية.
الاحتمال الثالث: هو مرورك في مرحلة عدم اتزان وجداني بسبب ظروف اجتماعية وبيئية قاهرة وهذا جائز ايضاً.
ما هي أزمتك..!؟
ينتقل الفرد من مرحلة الطفولة والمراهقة إلى البلوغ، وفي داخله كائن حب استعمره ويحصنه ضد الاكتئاب ويعينه على الارتباط عاطفياً بالآخرين.. هذا لم يحدث معك وأصبحت مجرد إنسان استغلته العائلة، وفي مقدمتهم الأب ولا هدف لك إلا الشعور بالأمان مادياً وحتى ذلك لم يحدث.
ماذا تفعلين الآن..!؟
تتوجهين لعلاج كلامي وتبحثين عن الاستقلال من العائلة، وتبحثين عن السعادة، فليس هناك عمر يمنع الإنسان من العثور عليها.
وفقك الله.