صورتي تطاردني
هل هذا تفكير منطقي أم شعور بالذنب تحول إلى وسواس؟
أنا وقعت في غلط كبير كنت بحب شاب وكنت محترمة لكن للأسف في يوم من خمس سنوات فتحت له الكام وأنا عارية الصدر لم أكرر هذا الفعل قط وندمت لكن من حوالي 3 شهور السنادي جالي اكتئاب وأفكار كثير وسواسية منها أني مش حلوة ومش كويسة وكمان لا أصلح لعمل أي شيء
لكن أكثر فكرة وسواسية كانت جايالي أني مهما عملت ربنا مش هيتقبل مني وفكرة ثانية أنه لما فتحت الكام وأنا عارية الصدر ممكن يكون هذا الشخص صورني رغم أنه عمره ما ابتزني ولا تكلم في الموضوع ده أصلا سألته صراحة قال لي لم يصورني لأنه بيخاف من أعمال كهذه ومش بيحب المشاكل
بس الوسواس مش سايبني حاسه أنه بيكذب عليا زي ماكان بيكذب عليا في حاجات كثير المصيبه إني عرفت ان الابتوب بتاعه اتسرق من سنتين هو عادة بيمسح أي صوره عندي مش من هواه الإحتفاظ بالصور على الكمبيوتر بس الوسواس أنه فيه حد ممكن يرجع الصور ببرامج الكمبيوتر الحديثه وأني اتفضح خاصة بعد عملي في مكان معروف سألت عن برامج الكمبيوتر قالولي بترجع لو مافيش حاجة اتكتبت تاني وهو استخدم الجهاز كثير بس عرفت بالصدفة أن فيه جهاز بيرجع كل حاجة اتمسحت على الكمبيوتر بس غالي جداً الأفكار السلبية أنه ربنا زعلان مني وعشان كده أنا في الدوامه ده مش عارفة أطلع منها ده تفكير منطقي أني اخاف من حاجه حصلت من خمس سنوات حتي لو صورني الموضوع بتاع سرقة اللاب
عدى عليه سنتين وأنه فيه حد ممكن يدخل يدور في صور هو مايعرفش عنها حاجه أصلا مش عارفه أرجوكم دلوني .... دماغي هتنفجر مواظبه على الصلاه وبدعي ربنا بس خايفه جايلي عريس خايفه أقبل لأني مش نظيفه معقولة أكون أم محترمة في يوم من الأيام رغم أني طول عمري بعمل خير كثير والله بخاف على سمعة الناس وعمري ماخدت في شرف حد بس خايفه حاسة بالذنب وتأنيب الضمير وعشان بشتغل الآن في مكان معروف فيه ناس كثير عارفاني ودايماً بيتكلموا قد ايه انا محترمه بس أنا حاسه أني زفت بسب الغلطه دي دراستي ناجحه فيها جداً عايزه
أسيبها لأني جوايا وسواس أنا مهم خدت من شهادات برده أنا خاطيه والوساس أني لو اشتهرت في يوم من الأيام ممكن حد يكون معاه الصورة العاريه ليا وسواس الفضيحه آسفه اني بكتب بس ارجوكك ساعدوني مش لاقيه حد افضفض معاه ولا أحكي عشان دي حاجه مش تتحكي أرجو الرد في أقرب فرصة
17/12/2016
رد المستشار
الأخت الفاضلة "حياة عبد الله" أهلا وسهلا بك على مجانين وشكرا على ثقتك، وعلى إلحاخك.
صباح هذا اليوم تصفحت نصا شبيها به جدا وتذكرت أن اسم مرسلته كان قريبا من اسمك في المعنى "روحيات"..... ثم اكتشفت أنها مشكلة من حساب آخر راجعتها صباح اليوم من بين إجابات الأستاذة أميرة بدران وأسمتها : صورتي تطاردني ... ورأيت أن أضع لك رابط استشارة قديمة صور صاحبها نفسه في مشهد جنسي على موبايله ثم مسح الصورة أو الفيديو لا أذكر.... ودار لسنوات كل حياته تجتر كل احتمالات ما قد يكون حدث للصورة وعواقب ذلك عليه.... واسمها : الوسواس الاجتراري 77000 × 77 ألف احتمال! م1 ...قلت لعل قراءتها وردود المستشارين عليها ترد على أسئلتك، وها أنت تسألين:
هل هذا تفكير منطقي أم شعور بالذنب تحول إلى وسواس ؟
والرد بوضوح ليس هذا تفكيراً منطقياً بكل تأكيد..... وإنما هو وسواس قهري بكل تأكيد.... ونظرية دور الذنب في هذا تناقش مع المعالج لأن الذنب ينتهي بالتوبة والاستغفار ولا يجتره إلا الموسوس والمكتئب.... المهم هناك وسواس قهري يحتاج العلاج الفوري ... وتابعينا بالتطورات.
ويتبع >>>>>>>> : صورتي تطاردني م1