التفكير الكثير ؟ عدم التركيز؟ بل أعمق؟

هل ده بداية وسواس أم مجرد رد فعل للتفكير بكثرة ؟

السلام عليكم ورحمة الله
أنا في العادة أنسى كثيراً وكل اللي حولي عرفوا كده ويتعاملوا معايا على الأساس ده مع أني ممكن أفتكر حاجات بتفاصيلها الدقيقة وحصلت من وقت طويل جداً، لدرجة أن نفس الناس اللي حولي يستغربون، ازاي أفتكر بدقة كده وازاي أنسى بسرعة جداً في نفس الوقت وأنا استغرب نفسي بصراحة برده، ولما بتزيد الضغوطات اليومية عليَّ، درجة النسيان وعدم التركيز بتزيد أكثر.

بس بقي لي فترة يتهيأ لي حاجات لا تحصل  يعني لما مديري يحتاجني في الشغل يرنُّ لي جرس، فكذا مرة أسمع الجرس وأروح له يقول لي أنا لم أرن لكِ، بقيت أستني ما أروح له من أول مرة أقول يمكن يتهيأ لي أنتظر  لما أسمع الجرس مرة ثانية، أسمعه ثانيةً وأروح له يقول لي أنه لم يرن عليَّ!.

في الوضوء بقيت أعيده ممكن مرة أو مرتين عشان أتأكد أني توضيت كويس .
في الصلاة قبل كده كنت ممكن أتلخبط أنا في الركعة الثانية ولا الثالثة لكن دلوقتي بقيت بتلغبط أنا في الركعة الثانية ولا الرابعة، أنا أصلاً قلت التكبير بتاع بداية الصلاة ولا لأ، أوقات أكتشف أني لم أقل فعلاً, وأوقات بكون قلت بس يتهأ لي أني لم أقل.

بقى يحصل أحداث لي بشوفها أنها حصلت بالترتيب معين وفلان قال كذا في الموقف ده وأنا قلت كذا ...... إلخ ، وبعد كده أكتشف إن كل ده ماحصلش أصلاً وأن الحدث حصل بترتيب ثاني خالص وأوقات لا يكون اللي أنا شايفاه ده أصلاً حصل. 

مع أني نفسياً الفترة دي في حالة استقرار ماحصلتش بقالها أكتر من خمس سنين، وتصالحت مع نفسي بنسبة كبيرة جداً بعد صراعات وخناقات بيني وبين نفسي. يمكن بفكر كثير آه من ناحية أني أخطط لحياتي للفترة اللي جايه بس التفكير العادي مش بضغط نفسي.

فهل اللي يحصل معايا ده مجرد رد فعل للتفكير الكثير ولا هذه  بداية وسواس ؟
13/3/2017