أعراض حالة نفسية
أنا شخصية عصبية وحساسة وأعاني من أمراض نفسية من صغري
الأول ضغط وقولون عصبي وبعد كده ابتدأ يؤثر على شعري ووزني وبطني عصبية وبعد كده مريت بأعراض اكتئاب وبعدها دخلت في قصة توتر عصبي حاد و panic attack
في يوم حصلت خناقة وضغط نفسي فظهرت علي الأعراض دي وكنت عايزه أعرف ده مرض إيه؟
قعدت أكسر في الشقة وأحدف كل حاجة مع صويت جامد ووقعت على الأرض وقعدت أصوت وأعيط جامد أوي ومش عارفة أوقف نفسي ورأسي داخت جامد ومش عارفة آخد نفسي وعينى عمالة تعيط وبعد كده قلبت برعشة في كل الجسم وزي تشنجات
فكنت عايزة أعرف ده إيه؟؟
هل فيه خطورة؟؟
23/5/2017
رد المستشار
المتصفحة الفاضلة "Maisa" أهلا وسهلا بك على مجانين وشكرا على الثقة وعلى استعمالك خدمة استشارات مجانين.
من الواضح أنك امرأة من النوع الذي يحظى بتكوين عصابي، ولذلك بدأت أعراض وعلامات العصبية تظهر عليك وتؤثر عليك جسديا(وبالتأكيد نفسيا وأسريا واجتماعيا) منذ الطفولة..... وفي ضوء ذلك لم أفهم مغزى قولك (قصة توتر عصبي حاد و panic attack (نوبة هلع)) ما لم أفهمه هو وصفك لما حدث بأنه قصة ونحن حقيقة لا نسميه قصة وإنما هو حالة واضطراب نفسي يجب علاجه.
وأما سؤالك بعد ما وصفت من نوبة غضب وهياج شديد تفجرت عقب مشاجرة منزلية على الأغلب ... فرحت تكسرين عفش البيت وأغراضه وتقذفينها يمينا ويسارا ... سؤالك (عايزة أعرف ده إيه وهل فيه خطورة) فذا حالة تهيج حاد عابرة وأما مسألة فيه خطورةة أم لا فتعتمد على أهمية عفش البيت وعواقب تكسيره ولا أدري رأيك أنت وزوجك في الأمر ! يعني إذا كان العفش لا قيمة لهه وأغراض البيت القابلة للكسر لا قيمة لها فإن ما قد ينتج من إصابات لك أو لغيرك من الناس أمر لابد له قيمة!
وأخيرا تسألين "هل فيه خطورة؟؟" بذمتك ذا سؤال ؟ نصيحة الموقع هي أن تسارعي بعرض نفسك على طبيب نفساني متخصص لتبدئي رحلة العلاج ... وتابعينا بالتطورات.واقرئي أيضًا :
أنا والعصبية ساعات وساعات
خلطة قلق واكتئاب: وساوس وعصبية دائمة
العصبية القاتلة: الشخصية الحدية م2
عصبيتي تقودني للجريمة
أنا عصبية : يصبح شكلي كالمجانين!
عصبيةٌ حتى وهيَ تكتبُ لنا!: ما هي العصبية ؟