هل يعتبر لواطاً ؟
أنا أعاني جداً جداً من فعل حصل بيني وبين أحد الأصدقاء وندمان ندم جامد جداً وأفكر في الانتحار
والفعل باختصار أننا تبادلنا القبلات وحاولت أرفض لكن الشيطان كان غالباً وفعلنا الاستمناء عن طريق الأيدي وأنا من ساعتها مش طايق نفسي وندمان ندم جامد جداً وخائف من ربنا وعقابه
بس أنا عايز أعرف حاجة واحدة في الحالة التي كنا فيها ذي يعتبر لواط ؟
مع أني قرفان من نفسي جامد
5/8/2018
رد المستشار
الابن الفاضل "أحمد" أهلاً وسهلاً بك على مجانين وشكراً على ثقتك، واختيارك خدمة استشارات مجانين بالموقع.
ما حدث بينك وبين صديقك ليس لواطا وإن اعتبر من مقدمات اللواط لكنه ليس لواطا وليس مؤدياً بالضرورة للواط ! إنما هو عبث أو لعب جنسي مثلي بين شابين حرمهما الغباء الاجتماعي الثقافي من فرصة إقامة علاقة طبيعية مع إناث.
أن تشعر بالتقزز (القرف) من هذا الفعل ظاهرة صحية لأنها ستمنعك من تكراره... أما أن تفكر في الانتحار فغير مقبول في جميع الأحوال ... وصراحة ما دار بينك وبين زميلك هو أمرٌ متواتر الحدوث بين الشباب من قديم وبين الشابات كذلك في الآونة الأخيرة... فلا داعي لإعطاء ما حدث أكبر من حجمه.
ودائماً أهلا ًوسهلاً بك دائماً على موقعنا مجانين فتابعنا بالتطورات.
التعليق: المجتمع هو الشماعة لتعليق على أخطاء الشباب البايظ..لكن أنت بتدي إيه للمجتمع zero أنتم تعانون من فراغ وبطالة وقت طويل
أنت مش اخترت أصدقاء صح شلة فاسدة في بعض.. خسارة كلمة مسلمين.. الذي في سنك وأقل من 20 سنه ومسيحي شوفوا في اجتماع الأحد والأربعاء والجمعة حاجة مقدسة عنده يخدم الكنسية كبار السن العجزة يعلم الأطفال.. يتعلم ترانيم وإنشاد ديني .. يقوم برحلات يساعد المحتاجين وقته مليان مش فاضي للمعصية كل جروب يبقى حوالي 40 ولد وبنت مطوعين قاعدين مع بعض وآكلين مع بعض ينظفوا مكانهم مع بعض شعارهم وولائهم لكنسيته ودينه يتعلم اتكيت يتعلم إزاي أتعامل مع الناس وأبقى صوره مشرفه لديني.. وفي الأخر بتجمعهم صورة حلوة للعمل الجماعي بتاعهم .. شكلهم يفرح بجد..
آخر مرة حضرتك صليت فيها جماعة متى؟ ومع مين؟ آخر كتاب حضرتك اشتريتوا أو قريتوا أو استعروا؟ آخر مرة قعدت فيها مع عائلتك أو قمت بمشاور مع باباك أو ماماتك متى ؟ آخر شهادة حصلت عليها عملت إيه بعدها كملت دراسات عليا.. ملاقيت شغل مشغلتش نفسك في عمل تطوعي واجتماعي لوجه الله .. أحفظ الله يحفظك .. عينك مش هتبص للحرام رجلك مش هتمشي لغلط لسانك مش ينطق بمعصية أو لفظ" روش" بزيء..
للآسف أنت" جعلتوا ربنا أهون الناظرين ليكوا " شوف محتاجين تتوبوا وتستغفروا ربنا كل لحظة لغاية لما تموتوا شكر ليه على كل نعمه ادهالكوا ومش استغلوها ربنا هيسألكوا عن صحتكم وشبابكم ومالكم هتردوا تقولوا إيه ؟ جربوا كدا تجاوبوا على سؤال ربنا.. المفروض تموتوا نفسكوا عياط وصلاة واستغفار على إلى انتوا عملتوا وكل ما الذنب يقدم مش تنساوه لا أنت تتوجع وتعيط أكثر وتخضع لربنا أكثر .. تخيلوا كدا لو ربنا قبض رحكوا وانتوا على معصية ؟
قرفانين؟ البداية كدا قرف وبعدين تعود وعك إلى ما لا نهاية.. 10.014 فرد على الصفحة قرفانين منكوا.. بدل الأدوار واقرأ أنت أن حد يعمل زيكوا شوف هيبقى إحساسك إيه..