مش حاسس بالحياة
الخوف الشديد من الناس في الشارع، الخوف من المشي مع الزوجة، الخوف من أي حد يؤذي الأطفال والمواجهة، الخوف من المستقبل، الخوف من الجيران والركنات للسيارة، الخوف عند التحدث والتلعثم، الخوف في المسكن الجديد بسبب مقابلة ناس جديدة والخناقات معاهم، القلق الشديد وعدم النوم وتوتر ونبضات قلب شديدة جدا عند التفكير في أي شيء
- عمل أحداث سلبية وخلق قصص تستمر لمدة ثلاث ساعات أو أكثر كثيرا خناقات
- الوسواس في النظافة وقفل الأبواب والصلاة
- الوسواس في الدين وأفكار في سب الذات العليا بدون إرادة ساعات قليلة
- الوسواس في أذية أولادي أو المدام
- اكتئاب والبكاء كثيرا وأفضل الجلوس بمفردي وعدم مقابلة أحد
- عدم عمل صداقات وفشلها
- الخوف من المظهر والملبس أمام الناس وده مسبب عائق إني لازم أشتري أي حاجة ولازم تكون ماركات معرفة وغالية نوعا ما
- بحس إن عندي شخصيتين شخصية ملتزمة وشخصية صايعة يبقى نفسة يعمل أي حاجة حرام ومؤذي
- على طول بحس أن في أحد مراقبني أو ممكن يكون في أي شغل أحد متربص في لفشلي في العمل (مع أن في ساعات نفسنة وأذية في الشغل فعلا)
- مش عارف أفكر في أي حاجة لمستقلبي
- دماغي واقفة نهائي مش قادر أركز في أي حاجة
- بحس بعدم مقدرتي على تحمل المسؤولية
- مابحبش أكون في المواجهة بخاف جدا
- الرجوع إلى الماضي والأفكار السلبية مدمرة حياتي
- الخوف من الأشياء التي حدثت في الماضي
- بحس بنظرة ضعف لي أمام الناس وعدم الثقة بالنفس
- علطول حساس جدا جدا لأبعد الحدود مع محادثة الناس أي كلمة خاصة بي أو لزوجتي وممكن بدون قصد مني برجع أفكر أكثر من يومين ليه قال كدة ولازم أتصل وأتخانق معاه
- كتير بيقولوا إني حساس أوي من الكلام وبكبر المواضيع ومعقد
- خايف أكون متكبر وشايف نفسي
- نفسي أعيش عاااااادي زي الناس أفكر في اليوم عادي والله مش عارف أعيش حياتي تعبااااان دماغي مش بتقف نهائي من التفكير
- في البيت عصبي جدا ساعات وأي كلمة بتقلب مودي جدا طول اليوم وكتير الخروجات بتبوظ مني بسبب عندي والأولاد بيزعلوا وخايف عليهم نفسيا وخناقات في المنزل وأرجع أقول مدام إنت راجل كدة وبتزعق زعق خارج المنزل كمان
- خايف أعقد بنتي من كل حاجة وبحس إني أب فاشل
- عايز أنفصل وأعيش حياتي فعلا وأخرج وأتعرف على بنات وأسافر وأعمل كل حاجة وللأسف الحاجات الحرام والشرب وبعد ذلك ألاقي نفسي إني مش كده أصلا ولو تحدثت مع بنات في أي موضوع غير محبذ ألاقي نفسي ندمان وخوووووووف شديد من الناس ومنها من الفضيحة وأبكي كثيرا بندم وحرمانية
الأعراض الجسدية :
تعب وإرهاق وصداع توتر قلق اكتئاب بكاء شديد ضيق الصدر وكتير بفكر أخلص من حياتي وأستريح بقى من الهم اللي على دماغي
رعشة في الأعصاب والأيدي والجسم كامل تصلب الأذن والجبهة والشد فيهم شديد جدا وحركات عشوائية في الشفة العليا رعشة شديدة وتحريك وعدم التحكم في الفم ضرابات ورعشة شديدة جدا في القلب كأنه هيخرج إلى الخارج ومعرفش أتكلم (في المواجهات أو خناقة ومرضاش إن أحد يتعداني في الطريق وأتخانق معاه ولو حصل مواجهة وهو صايع معرفش أرد عليه وأرجع أقول وأفكر أيام إني كونت آذيتة جامد وأرتاح)
مش عارف أخطط لحياتي ومستقبلي أو فتح مشروع بحس إن الناس مش عايزة تتعرف علي علشان أنا شخصية معقدة جدا وأنا والله نفسي أكون طبيعي وعادي
- السحر والجن اللي في جسدي والشيوخ
- مشاكل الدراسة وضعف الشخصية وعدم حماية أخويا أو أختي أو أي بنت ماشي معاها من اللي في الشارع بيبان علي جبان جدا
- مواقف خلتني مبقاش عندي ثقة في نفسي وبالذات في الشارع ومع البنات وده يؤثر مع الخروج مع أي أحد أنا ضعيف الشخصية
- روحت لدكاترة كتير ومعروفين جدا في مصر وأخذت أدوية كثيرة ولكن توقفت من الزهق والتكرار أخذت سيروكسات وسيبرالكس وديجناتول وزانكس ولوسيترال وأدوية وسواس وقلق مش متذكر الاسم ومرة منوم
في البداية لوسوترال ريحني شوية وحسيت إني طبيعي لا أتذكر لماذا وقفته وكلها فترات قصيرة للأدوية الزانكس كان بينيمني في الأول وبعد كده خلاني أمشي في الشارع بثقة نفس عالية والحمد لله كان ممكن يكون في أدوية أخرى بسيطة جانبية ولكن لا أتذكرها وأخذت فترة ليريكا بسبب التهاب الأعصاب وكان بيريحني نفسيا نوعا ما بيخليني واثق شوية من نفسي
نفسي يجيلي زي زهايمر وأنسي كل حاجة وأعيش حياتي دماغي ماتقفش وعلى طول بفكر كتير والله العظيم مش فاكر يوم حلو عيشته فعلا ولو حصل لازم موقف بسيط يعكر صفو الفرحة والله مانمتش يوم وقلت إني استمتعت بحياتي علشان كده عايز حياتي تخلص وأستريح من كل حاجة والهم الكبير اللي عايشه
مش عايش في الواقع عايش في عالم ثاني والله ومستغرب الناس ساعات وبحس إني مش عايش في السعودية ولا في الدنيا دوامة ماشية بدون ما أعرف أنا فين
بحب المستشفى والتنويم بيعزلني عن العالم الخارجي ويخلوني اناااام وأنسى نفسي أنعزل عن العالم وأعيش لوحدي فعلا فقدان الأمل في الداكاترة النفسيين بسبب عدم العلاج والتعالج التام **** تم الذهاب اليوم إلى مستشفى سليمان الحبيب مع استشاري نفسي وقال لي عندك قلق مزمن لم يعالج جيدا وعندك اضطراب في الشخصية هل هذا التشخيص مضبوط ***
وأخذت دواء اليوم من الدكتور زولندا 5 جرام قرص قبل النوم برستيك 50 قرص قبل النوم
برجاء سرية المعلومات الشخصية
وشكرا
9/7/2019
رد المستشار
الأخ الفاضل "Islam" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
نأسف حقيقة لطول معاناتك ومر شكواك، وحالتك هي بوضوح خلطة قلق واكتئاب مزمنة وربما هناك بعض سمات اضطراب الشخصية كما أشار الطبيب النفساني الذي ذكرته بآخر الإفادة.
علاج مثل هذه الحالات لا يكون بالعقاقير فقط ولا بالعقاقير والعلاج السلوكي المعرفي فقط بل لابد من تعاون جدي من جانبك للدخول في عدد من البرامج السلوكية التدريبية وتنظيم إيقاع حياتك وهو في كل الأحوال عملية طويلة غالبا ما يفسدها تعجل المريض ومقاومته للتغيير.
إذن فأنت بحاجة إلى خطة علاجية طويلة الأمد وتغييرات في عدد من العادات والسلوكيات فضلا عن التدرب على الرياضة المنتظمة والالتزام بغذاء صحي... ولابد أن تدرك أن هذه النغييرات هي العامل الأهم لتغييرك ولا تنتظر اختلافا كبيرا في تأثير العقاقير.
ومرة أخرى أهلا وسهلا بك دائما على موقع مجانين فتابعنا بالتطورات .