استشارة طبية وأرجو الرد السريع
زوجى دائما في حالة شك مستمرة وبدون أي أدلة حتى وصلت لدرجة أن الناس بتدخل وتقول له أنت بتقول كده إزاي وعلى أي أساس يقول أني أنا بخرج من الشغل فى غير مواعيدي وأني أصاحب الرجال وأنك بتتكلمي علي وبتقولي للناس أني رجل وحش وبتقولي لهم على عيوبي ويتصل بالناس في الشغل يقول لهم أنتم إزاي تخلوها تأخذ إجازة إزاي تدوها إذن تنزل إزاي مش بتخصموا منها ويضربني ويقول كلام محدش يقدر يسمعه والناس كلها تقول له روح لدكتور نفسي يقول لهم ليه هو أنا مجنون ده هي بتعمل كده فعلا والناس تقول له أثبت أي حاجة.
ويرجع بعد كده يقول لي أنا آسف أنا مش عارف بقول كده إزاي ؟؟؟ ويرجع يقول لي أيوه أنت بتعملي كده أقول له روح لدكتور نفسي يقول لي أنا مجنون ومش هاروح
25/12/2019
رد المستشار
الأخت الفاضلة "Mero Samy" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
ما يعاني منه زوجك هو حالة ذهانية معروفة اسمها اضطراب وهام الخيانة الزوجية وهو مرض عقلي لابد من علاجه... زوجك يعتقد تماما صدق ما يقوله في أغلب الأوقات وبالتالي يتصرف على أساسه أي أنه سيعاملك كزوجة خائنة... وربما لو اشتكى لمن لا يعرفك فإنه سيصدقه وهذه مشكلة.
المعتاد في مثل هذه الحالات أن الزوج لا يأتي للطبيب النفساني أبدا دون ضغط شديد من الأهل وغالبا تحت وطأة غياب الزوجة عن المنزل أو طلبها الطلاق... وكثيرا ما يسمعه الطبيب النفساني وهو يردد أفكاره الوهامية ويرفض اعتبارها علامة.
عندما ينجح الطبيب النفساني في إقناعه بتناول العقاقير العلاجية فعادة ما يكون ذلك مبررا بأنه يمر بظروف صعبة ومرهقة ويحتاج عقارا يساعده وليس لأنه مريض. عدا ذلك يتم إيداعه المستشفى وعلاجه ضد إرادته... حتى تتحسن أفكاره الوهامية والاكتئاب الذي غالبا ما يصاحبها.
إذن عليك الكف عن الاستسلام وتقبل الوضع الحالي لأنه يشكل خطرا حقيقيا عليك.
ومرة أخرى أهلا وسهلا بك دائما على موقع مجانين فتابعينا بالتطورات.
واقرئي أيضًا:
طيف الوسواس: غيرة مرضية؟ Pathological Jealousy?