بره بطة بلدي وجوه بالع سد الحنك مشاركة
بره بطة بلدي وجوه بالع سد الحنك
أولا حبيت أدي واجب التحية لماما نعمت(إذا سمحت لي يعني) ما شاء الله أرائك دايما في الجون يا ريت يكون لي حضرتك بنت كده زيك وألاقي شغل وأنا آجي أطلبها على طول (والأولوية بأسبقية الحجز) ههههههههه وبصراحة ذوات الدين يستاهلوا... كل خير بالذات في الوقت اللي إحنا فيه. يارب يكرمك ويبارك فيكي ويرزقك حسن الخاتمة ويجعل خير أيامك يوم لقاء الله...وكل المسلمين إن شاء الله.
ثانيا.. مفيش كلام بعد كلام الدكتور نعمت بس حبيت أقولك إن كلامك وأسلوبك وتفكيرك ملوش أي علاقة بالتعليم المتوسط(مستوى عالي من الكلام والفكر ما شاء الله) وسمعته(للأسف مش تمام) ومجاش في بالي للحظة انك تعليم متوسط ومش مقياس أصلا بس... وبتوع التعليم العالي يعني أحسن في إيه اسم وخلاص عالي على إيه وبالنسبة لمين محدش يعرف....
حبيت أقول إن مفيش دخان من غير نار والتعليم المتوسط فعلا شيء مش مشرف بالأخص في بلدنا..
وكله غش ودي أقل حاجة فيه.
14/5/2006
رد المستشار
ولدى العزيز "محمد بدر"؛
بالاسم أهوه لحسن تقول إنها رسالة عامة، طبعا اسمح واسمح لكل من يريد أن يعتبرني أمه أن يفعل.... وليس أحب على قلبي من كلمة ماما إلا كلمة أمي..... كلام في سرك هي نقطة ضعفي الوحيدة.... إذا سمعتها من أي شخص تنهار كل مقاومتي وأجدني أبتسم له كما أفعل الآن وأنا اكتب.
ويا سيدي عندي بنت تزوجت فعلا.... بس عندي واحدة في أولى ثانوي.... شد حيلك.... لحسن إنت مش أول واحد يحجز!!!!!!!! علشان تدخل القرعة..ذي حتبقى ولا قرعة كأس العالم أشكرك على ولدى.... وأتمنى لك كل السعادة... وعلى فكرة أحد أبنائي في بكالوريوس هندسة.....
ويتبع>>>>: بره بطة بلدي وجوه بالع سد الحنك مشاركة1