أنا وأختي وابن خالي
أنا بنت عندي 13 سنة ونص وبحب الموقع ده جدا لأنكو بتفهمونا بمعني أصح سن المراهقة.
وأنا صغيرة كنت بحب ابن خالي وهو أكبر مني ب8 سنين يعني حب عيال وطفولي وحكيت لأختي وهي أكبر مني ب4 سنين وقعدت كده فترة وهو مش في دماغه لأنه يعتبرني أخته الصغيرة لكن بعدها وأنا عندي أقل من عشر سنين سافرنا معهم المصيف وأنا كنت مبسوطة أوي بس لمل رجعنا هي حكت لي أنه هو صارحها بحبه ليها وهي كمان بتحبه بس مكانتش بتقولي عشان مزعلش بس كمان قالت له إن أنا بحبه وجات قالت لي الكلام ده بأسلوب وحش اوي ده ضايقني جدا طبعا.
وأما قابلته بعدها مكنتش بعرف أتعامل معاه خالص بس هو كان بيعاملني كويس ومفتحش معايا الموضوع أنا كنت بقول لنفسي إن أنا بحاول أنساه بس بصراحة معرفتش وفي الآخر بعد ما تعبت جدا قررت إن أنا هفضل أحبه وربنا هو ال هيحلها لي وكنت دايما بدعي ربنا بالعدل يعني لو حد جرحني ربنا يجرحه كل الوقت ده هما كانوا بيحبوا بعض ونسيوا موضوعي تماما وأختي مكانتش بتعاملني زي ما المفروض تكون الأخت يعني كانت قاسية عليّ أوي، ومن كام شهر كده هو جالنا وكان عايز يخطبها من بابا أو علي الأقل فاتحة بس بابا مرضيش عشان هيه صغيرة أوي فهو زعل أوي لدرجة البكاء وهو عندنا مش عشان بابا اجل بس عشان بابا مدالوش وعد بان هيه ليه لأن بابا مكانش متأكد من شعورها وفي آخر الكلام كلمه بأسلوب وحش ومشي بعدها وقفل موبايله وخلاص مقدروش يتصلوا بيه خالص ومن ساعتها واحنا مبنشوفهوش خالص وعرفنا بعد كام شهر أن هو خطب ومشفتهوش خالص من ساعتها بعد ما كنا دايمين بنخرج معاه وأخواته وكنا زي الأخوات بعيد طبعا عن إحساسي أنا وأنا بعدها زعلت أوي لأني وبصراحة لسه بحبه ولحد دلوقتي مش عارفة ده حب حقيقي ولا لا بس فعلا هو إحساس غريب.
دلوقتي بقيت بحس أن الأول كان أحسن مع أني في الأول كنت بتعذب أوي وبفكر مثلا في يوم فرحهم هبأة فرحانة ولا زعلانة أنا محتارة جداااااا دلوقتي من موقفي وبعدين أصلا أنا أختي طيبة جدا معرفش عملت كده زمان ليه هي دلوقتي خلاص كرهته بعد ما عرفت أنه خطب وعايزة دلوقتي تقرب مني بس أنا مش قادرة أآمنها على أسراري ثاني بس بردو حسة إن قلبي اسود لأني مش قادرة أسامحها بس أنا اتعذبت كتير بسببها آسفة على الإطالة وأتمنى تردون علي في أسرع وقت وشكرا.
3/10/2008
رد المستشار
السلام عليك يا "نوونا" أنا اللي بشكرك على ثقتك الغالية بالموقع والقائمين عليه.
أولا اسمحي لي أبدي إعجابي بك وبتفكيرك يعني أنت اسم الله عليك فاهمة بالضبط اللي أنت بتعمليه...
من البداية أوضحت أن ما مررت به ليس حب حقيقي ولكنه "حب طفولي" واسمحي لي أغير التسمية إلى إعجاب أو بداية اختبار المشاعر.
أنت في بداية مرحلة المراهقة يعني عندك بداية تغيرات فسيولوجية بجسمك وشكلك وتغيرات هرمونية بداخلك.. أي أنك في هذه المرحلة.. في مرحلة تحول من طفله صغيرة إلى فتاة صغيرة ولن أقول امرأة "لسه بدري شوي".
تخيلي معي الشرنقة عندما تتحول إلى فراشة... كم تعاني وتمر بمراحل حتى تتحول إلى تلك الفراشة الجميلة الباهرة.. أنت في ذات المرحلة.. ولكن دائما مرحلة التحول هذه تحمل في طياتها الكثير من تداخل المشاعر والغموض.. فقد تمر عليك فترات تشعرين بنفسك متناقضة مع نفسك قد تحبين شيء وتكرهينه بنفس الوقت قد تثورين بسرعة لشيء تافه لمجرد إثبات وجهة نظر أو شخصيتك.
هذه المقدمة أدرجتها فقط لتعلمي أن كل ما تمرين به وما ذكرته هو تداخل وتشويش المشاعر الذي تمرين به في هذه المرحلة.
بالنسبة للشاب فالأحرى بك أنت وأختك أن تشكرا الله على النعمة وبأنه انكشف بهذه السرعة.. فهو لا يستحق أيا منكما فهو لم يحبك ولم يحب أختك... بدليل أنه تنازل عنها أمام أول عقبه.
تصرف أختك معك كان بدافع الغريزة ولم يكن كراهية لك.. كل منكما تحب الأخرى, عزيزتي صفي قلبك وما فات قد فات والقادم أجمل بكثير والأيام ستثبت لك, امنحي أختك الفرصة لتعودا بقلب واحد.
وفقك الله وأسعد حياتك و"عقبال مانشوفك فراشة جميلة".
واقرئي على مجانين:
غلطانة أم مجرد مراهقة؟ صح الصح!
هي 14 وهو 18 عنده القلب وعندها الحب
المراهقة وتوهم الحب
أحببت ذلك الصبي!