السلام عليكم ورحمة الله وبركاته،
تعبت مخي بيوجعني أتحدى أي دكتور يقدر يعالجني.
من لما كنت صغيرة وأنا بتكلم مع خيالات بحولها لواقع مفتكرش يوم عشت فيه من غير ده يعني دائما كان معايا حد بكلمه كل شوية والغريبة أنه كان بالنسبة لي اسمه شيطان واحد منهم دائما يتكلم معايا ممكن وأنا نازلة على السلم أقف لأنه قال لي في حاجة حتخوفك تحت ورغم أني كنت بكره أني أتكلم معه وأنه دائما معايا في كل حتة إلا أني مبقدرش أتغلب عليه وكنت بحس بيه يكلمني في ودني ويقولي حفضل معاكي بالعافية ومكنتش أعرف أستمتع مع أصحابي لأني مركزة، وكنت بخاف أنام لوحدي وأقعد صاحية طول الليل لوحدي ودلوقتي ااشيطان اللي كان معايا ده تحول إلى تقمصي لدور فنانة في سني تجري حوار مع مذيع عالم وبقول رأيي في كل حاجة وكل يوم لما أسمع حاجة أو أقرأ حاجة أزودها على الحوار بيني وبينه تحولت كل حاجة بقرأها أو أي حدث أشوفه لجحيم بالنسبة لي حتى القرآن لما أقرأ آية أتخيل أن الشخصية دي بقرأها وتحليلها.
أنا تعبت ساعات من كتر التفكير دماغي بتلف مش ساعات ده على طول أرجو أي حد يفهم أنا ممكن يكون عندي إيه يرد علي وياريت لو في استشاري من على الموقع له مكتب في الإسكندرية وأنا أروح له..........
أرجو الرد ولو إني عارفة إن مش هيجي.
10/2/2010
رد المستشار
صديقتي؛
كلنا لدينا أصوات وحوارات داخلية ولكن إذا أصبحت معطلة للحياة ومزعجة إلى حد عدم المقدرة على التواصل مع الآخرين أو إنجاز المهام في الحياة، فيصبح من الممكن أن سبب هذا هو ارتفاع أو انخفاض في بعض الهرمونات أو المواد الكيميائية في الجسد عامة. هذا معتاد جدا في سن المراهقة وقد تحتاجين إلى مراجعة الطبيب النفسي حتى يصف لك من الدواء ما يساعدك على التخلص من حدة الأعراض.
من ناحية أخرى، كلنا يأمل في العظمة والشهرة والنجاح، تقمصك لدور فنانة يحاورها مذيع عالمي هو بسبب رغبتك في النجاح والإحساس بالقيمة وخصوصا في نظر الآخرين... ولكن لن يعوضك هذا عن احتياجك للإحساس بالقيمة في نظرك أنت... ولن يتحقق هذا بدون اهتمامك بنفسك ودراستك ونجاحك فيها إلى جانب ممارسة هوايات وتكوين صداقات وعلاقات إنسانية صحية وجيدة.
من ناحية التفكير الكثير، فالتفكير المتعب والمرهق هو التفكير الذي لا يصل إلى حلول وإنما يدور في دائرة مغلقة. يجب كسر الدائرة.. حددي موقفك من الأشياء والأفكار وجربي قرارك في حدود بسيطة وضيقة، إن كان صوابا فهذا خير وإن كان خطأ فلا بأس من تعديل المسار إلى الصواب.
أنصحك بمراجعة الطبيب النفسي لبحث ما إذا كنت محتاجة إلى دواء.
واقرئي على مجانين:
الكلام مع النفس: بين الطبيعي والمرضي مشاركة
الكلام مع النفس متى يصبح مرضيا؟
الكلام أمام المرآة : جنونٌ أم لا ؟!
بين حديث النفس وأحلام اليقظة
أحلام يقظة أم وسوسة؟
أحلام اليقظة بين الصحة والمرض