|
| 
|
الانفصال، تحرشات جنسية وصور انتحارية وسمات حدية ! م1
مشكلة بتخنقني
السلام عليكم، كنت هكتب مشكلتي الخميس بس مش فاكرة ايه اللي حصل منعني، أنا برتاح لما بكتب هنا.
دكتور أنا مخنوقة زهقت هبدأ أحكي من الأول.
ملحوظة: أنا صاحبة تشخيص اضطراب الشخصية الحدية واضطرابات انفصالية
أنا طول عمري مرحة وهادية مكنتش ببطل ضحك وكان لي أصحاب كتييييييييييير وكنت أبعد عن العصبية، بدأت أتخنق وأكتئب بعد خطوبتي بصراحة أنا اتخطبت علشان أسبق أصحابي وعلشان ماما عايزة كدا، كنت لما بيجي عريس مكنش لي حق الرفض القبول والرفض من ماما وبس، المهم وقتها جوزي كان راجل طيب وفرح بي خطبني وسافر على طول ملحقش يقعد معايا وكانت علاقتي بيه تليفونية. بصراحة وربنا يسامحني كان نفسي أخلص منه من الأول بس مكنش ينفع، كنت خايفة ربنا يعاقبني بواحد يخلص هو مني، وكنت خايفة يفضح سري بالتحرشات اللي حصلت لي لأني كنت شاكة أني مش عذراء.
طبعا هو تغير من بعد ما صارحته والمفروض أني أدفع تمن الجميل، علاقتنا كانت في الغالب زفت بكرهه غالبا وبحبه أحيانا، طريقته وأسلوبه مختلفين عن بابا تماما فهو أشبه بماما ماعدا إن ماما كانت شايلة مسؤليتي غالبا ومكنتش بعمل حاجة غير أني أذاكر.
لما اتجوزنا كانت ليا أخت زوج زفت بهدلتني نفسيا ترمي كلام مستفز كان بيسمعها وهي بتهزأني وتضحك الناس على كلامي ويسكت كرهتها وكرهته، طول عمر أصحابي أو حد بياخدوا حقي هو مقدرش يحميني خاف على زعل أهله ومخافش على زعلي.
ممنوع أني أرد دا كلام ماما حفظتهولي لأني وقتها بدأت تجيني نوبات الغضب وطبعا مبقدرش أسيطر على نفسي كان دماغي في وادي تاني وبقول كلام كتير وساعات مش مفهوم وبغلط جامد جدا، ولما سفرت معاه جالي اكتئاب مفيش أكل ولا شرب نوم كتيييييييييييييير .
كنت مجرد واحدة بينام معاها مبيحكليش حاجة كل ما أسأله عن المادة مثلا ميردش بيخبي حاجته ويقفل عليها بالمفتاح، وهو بينام معايا كنت بدمع وأدعي ربنا أنه يخلص بسرعة مش طيقاه، وساعات كنت بطلب منه العلاقة بس مش كتير.
فضلت أتمنى موته وأخلص منه لحد ما ربنا رزقنا بالأولاد حبني شويا بقى يحكي لي كل حاجة تقريبا وطبعا بعد ما تجرات وفتحت ورقه وعرفت كل حاجة غصب عنه، بعدها فهم أني هعرف هعرف فبدأ يحكي لي.
حياتي معاه دلوقتي مقبولة تصل لجيدة وبقى حنين بزيادة وبيلبي طلباتي ويساعدني لوحده من غير ما أطلب منه، وقال لي أنه مش هينام معايا غير وأنا راضية بس كتير مبرضاش جوايا بس بعمل نفسي راضية علشان كرمه وطيبته عليا فمينفعش أرفض له طلب.
مبقتش بتمنى أخلص منه زي الأول بس بصراحة مش قادرة أتخيل نفسي هعيش عمري كله معاه ساعات أقبل الفكرة وساعات أتخنق.
مش عارفة أحبه حب الأزواج بصراحة كنت أتمنى يكون أخويا الكبير كنت هعشقه بس من غير جنس ولا مسؤلية زوج.
أنا حقيرة ماما لما بتقارنه بجوز أختي تقولي أني واطية أختي بتعشق تراب جوزها أخدته عن حب هو كويس مع أختي بس مش زي جوزي كمان أختي بترد جمايله مضاعفة وممكن تتخانق مع أي حد علشانه هي أسيرة ليه.
أنا ليه مش عارفة أحب مدة طويلة؟
ليه بحب أغير الرجل والصديق والمكان؟
أنا مستحيل أعمل الزنا لأن العلاقة ببساطة مش مبتغاي، بس منكرش أني ساعات بقع في الحب من أي حد وأعمل له فيلم في دماغي وبعدين أحب غيره وغيره وغيره.
أنا للأسف بستمتع بغزل الآخرين ليا وساعات بخاف لما يكون المغازل من أقارب جوزي، بحب أثير انتباه الآخرين رغم أني بحتشم في لبسي بس بخليه أنيق.
لو سبت جوزي مش هتجوز ومش هيحصل غير إن أولادي هيخسروا أب وأنا هخسر أخ.
بكره الرجل ومقدرش أستغنى عنه وبستمتع بنظرات الإثارة من جوزي وبستمتع لما يعمل كل حاجة علشان ينام معايا
أنا آسفة في أسلوب الكتابة بس أنا نفسي في حاجة واحدة
أنا مش قادرة أحب جوزي علشان مش قادرة أنسى إسائته لي زمان؟ ولا علشان أصلا مبعرفش أحب الرجال؟ وإيه الحل؟
أنا حاسة بالضغط
سؤال هو الطبيب النفسي بيفتن للأهل؟
وأعمل ايه لحد ما أنزل مصر وأشوف طبيب؟
وإزاي هقل لبابا أني محتاجة دكتور وهو أكيد هيسأل ويستفسر؟
وهل الأدوية اللي هيديها لي الطبيب بتزود الوزن؟
جزاك الله خيرا ربنا بعتك لي من السماء رحمة لأن محدش عايز يحس فيا
17/12/2012
رد المستشار
استشارة نفسية علاجية Psychotherapeutic Consultation
نظرة عامة Overview : سيدة تستشير الموقع بين فترة وأخرى حول أزمات نفسية مزمنة.
التوصيات Recommendations :
٠ شكراً على استعمالك الموقع وثقتك به.
٠ الطبيب النفسي بل وجميع الأطباء لا يناقشون حالة مرضاهم الصحية والاجتماعية مع الأهل بدون موافقة المريضة. يحرص الطبيب على الحصول على هذا التصريح من المريض شفوياً وتدوينه حرفياً.
٠ طرحت في رسالتك عدة أزمات نفسية تواجهك حول علاقتك بالأهل وبالزوج، ومقاومتك لنزوات عاطفية لا تعرفين كيف تتعاملين معها في الواقع والخيال. نصيحتي لك في هذه المرحلة أن تفكري دوماً بأن الزوج والزواج وعائلتك حالياً هي وعاء يحتويك من الدنيا ومشاكلها. هذا الوعاء له دوره في معادلة مشاعر وعواطف غضب وقلق واكتئاب، تعصف بك منذ مدة طويلة. الخروج من هذا الوعاء أو تدميره هو آخر ما يجب أن تفعليه وعليك التفكير دوماً بوجوب المحافظة عليه. أما الرجوع إلى وعاء الأب والأم فلن يحتويك الآن أو في المستقبل.
٠ مرحلة المحافظة على الوعاء أفضل من التخلص منه. متى ما تخلصت من هذا الوعاء الذي يحتويك فلا أظن أن لك المناعة النفسية التي تحميك من اضطرابات نفسية من قلق واكتئاب وإلحاق الأذى بالنفس. بعبارة أخرى عليك التفكير والإقرار بوجوب قيام هدنة بينك وبين هذا الوعاء الذي يحتويك حتى وإن كنت لا تحبينه.
٠ بعد هذه المرحلة عليك أن تفكري باتخاذ الخطوات اللازمة بالعناية بهذا الوعاء كما تعني المرأة بحاجة تملكها مثل فستان جميل أو سوار حصلت عليه أو كتابٍ تحب قراءته. لو جزمنا بأن هذا الوعاء أقرب إلى فستان تحتفظين به وترتدينه بين الآونة والأخرى، لابد للمرأة قبل أن تشعر بالبهجة حين ارتداء هذا الفستان أن تراعي جسدها وتخلق الابتسامة على وجها حين ترتديه.
٠ أما الخطوة التالية بعد ارتداء الفستان فهي انتظار نظرات الآخرين له والحديث عنه والتواصل معهم. هؤلاء الآخرين هو زوجك الذي يعيش معك. حاولي التقرب منه والحديث معه فما هو واضح من رسالتك ميله إلى السلم في العلاقات العائلية والزوجية.
٠ الحل في يديك. فكري بما قلته لك حول الوعاء والفستان، العناية بالفستان، العناية بالذات حين ارتداء الفستان، والتقرب لمن حولك. لو حاولت وضع هذا المفهوم حيز التنفيذ ستكون حياتك أكثر سعادة ولا تحتاجين حينها إلى عقار أو طبيب نفسي.
وفقك الله.
واقرئي أيضًا على مجانين:
اضطراب الشخصية الحدية.... بين النظرية والممارسة
الشخصية الحدية... تحديات التشخيص السريري
الوصفات الطبية للشخصية الحدّيّة
تعليقات الأعضاء
12/01/2013 09:14:56
التعليق: للأسف نسيت الجانب الديني للحالة والأسلوب النفسي الديني