بجد تعبت
السلام عليكم؛ أنا هدخل في مشكلتي علطول أنا مخطوبة بقى لي أكتر من 5 شهور، مشكلتي إني ساعات أحس إني بحب خطيبي وأنه وحشني وساعات أحس أنه عادي وخصوصا أما أسمع عن مشكلة حصلت بين صحبتي وخطيبها أو بين واحدة وحبيبها وأنه طلع مابيحبهاش وبيضحك عليها مثلا بقلب على خطيبي وبتغير معاه وبحس إني مخنوقة منه أوي وبحس إن ماحدش يستاهل وأنه ممكن يطلع كده أنا تعبت ومش عارفة أفكر ولا أعرف اللي أنا فيه ده سببه إيه؟؟
وبقيت بحاول أتخيل شكل حياتنا بعد ما نتجوز يا ترى هيكون إزاي؟؟ هتبقى حياة مملة؟ وإذا كنا قاعدين مع بعض في بيتنا هنتكلم في إيه والحوار اللي بينا هيكون شكله إيه ساعات ببقى خايفة إني أعلق قلبي به وأكتشف أني بالنسبة له مجرد واحدة خطبها وخلاص دايما بحس إن الناس كلها تستاهل إننا نعاملهم زي ما بيعاملونا محدش يستاهل إنك تقدره ما دام هو مابيقدرش ومحدش يستاهل إنك تحبه زيادة عن ما هو بيحبك وإننا لازم نعامل الناس زي ما بيعاملونا بالضبط.
أنا طول عمري كنت بفكر إني أما اتخطب هأتخطب لإنسان بيحبني بجد وهيموت علي مش مجرد إنه عاوز يخطب وخلاص فشاف قدامه إنسانة جميلة ومناسبة عاوزة حد يستاهل أضحي عشانه حد يستاهل يتحب أنا كتير أوي بحس إني بالنسبة له مجرد واحدة خطبها وخلاص ببقى مستنية منه في مواقف معينة ردود أفعال معينة وما بتحصلش حاجات يمكن بالنسبة له تافهة بس بالنسبة لي أنا كبيرة أوي.
زي إنه مثلا يتصل بي في وقت معين أو يقول لي وحشتيني في وقت معين الحاجات دي كلها بتأثر في نفسي أحس بالحب والاهتمام وإن في حد مش قادر على بعدي ولو حتى ثانية عشان أقدر أبادله نفس المشاعر لكن لما أحس بالجفاء لازم أقابله بالجفاء بالنسبة لي قلة المشاعر دي جفاء يعني محتاجة لاهتمام أكتر من اللي هو بيبادلهولي محتاجة إنه يفهمني أكتر وطبعا الحاجات دي مابتتقالش المفروض إنها تحصل منه تلقائيا
أنا مش عارفة المشكلة في ولا فيه
بس محتاجة رأيك يا دكتور وشكرا أوي.
28/03/2013
رد المستشار
امرأة وطموحات نرجسية A Woman & Narcissistic Aspirations
مناقشة عامة General Discussion : من خلال هذه الاستشارة يمكن التطرق إلى جوانب عدة منها صاحبة الاستشارة وشخصيتها، الأعراف الاجتماعية، العلاقات العاطفية وغيرها.
ليس هناك في الاستشارة ما يشير إلى أن الآنسة مصابة باضطراب طبي نفسي هناك بعض الشك في شخصية خطيبها واقتناعها بالارتباط به من جراء غياب هذه القناعة تلجأ المرأة إلى استحداث المبررات ووضعها في إطار ذهني أو عقلاني Intellectual تستمر هذه العملية لفترة زمنية معينة تمتد عدة أسابيع أو أشهر وتقرر المرأة بعدها الخروج من هذه العملية نحو اتجاهين:
1- القبول: الاقتناع بأن هذا الخطيب هو الرجل المناسب للزواج وبداية الكفاح معه.
2- النبذ: الاقتناع بأن هذا الخطيب غير مؤهل لأن يكون الزوج المناسب في المستقبل.
لا تخلو العملية العقلانية من مشاكلها ولذلك لابد من وضعها في إطار الطموحات النرجسية لكل امرأة ورجل هذه الطموحات التي تم التطرق إليها أكثر من مرة في الموقع تتعقل بطموح المرأة إلى العثور على من تحبه أولاً، ويحبها ثانياً، ويجعلها تشعر بالأمان والقوة والقدرة على مواجهة التحديات.
لكن هذه الطموحات بحد ذاتها قد يصعب تحقيقها أحياناً بسبب الاندفاع النرجسي الهائل للفرد يمكن ملاحظة ذلك أحياناً في وضع مميزات وصفات لحبيب المستقبل قد يصعب العثور عليها في الواقع وتبدأ بنبذ الرجل بعد الآخر، وخاصة في المجتمعات الشرقية التي تحد من سعي المرأة على العثور على الرجل المناسب والدخول في علاقة عاطفية خارج منظومة الزواج عند ذاك لابد للمرأة أن تراجع نفسها وتقيس مدى ابتعادها عن واقع الحياة.
التوصيات Recommendations :
٠ شكرا على استعمالك الموقع.
٠ مشكلتك لا علاقة لها بتجارب الآخرين ومن الأفضل عدم البحث عن المبررات الخارجية.
٠ لابد من وجود ارتباط عاطفي بين المرأة والرجل هذا الارتباط العاطفي هو الحب إذا كنت لا تحبين هذا الرجل فعليك بإنهاء الخطوبة رأفة به وبك أيضاً.
٠ الأهم من ذلك في هذه المرحلة هو الخروج معه والحديث في كل الأمور يتطلب ذلك أن تقضي معه فترات أطول يمكن أن تكشف لك إن كان هناك ارتباط عاطفي أولاً وارتباط ذهني ثانياً إن غاب أحدهما فمن الأفضل الفراق أما إذا كان هناك ارتباط عاطفي وذهني فعليك بتعزيز ذلك.
٠ تحدثي مع الأم والأب في شكوكك الآن ولكن القرار الأخير هو قرارك.
التعليق: ربنا يهديك .. بس أنت عمرك ماحتحسي بسعادة معاه أو مع غيره .. لأنك كل غرضك أنك عايزة إنسان يعبدك وفقط..
أنا أتعجب من معنى الحب اللي من طرف واحد وأنت فين !! مذكرتيش أي شيء عن إعجابك بشخص الإنسان اللي عايزة تتجوزيه ولا عن رغبتك في أخلاقه وطموحاته تكون إزاي ؟ ولا ذكرت شيئا عن عطائك له حيكون ازاي ؟ ولا عن مشاعرك أنت المفروض تكون ازاي..
بصراحة ربنا يكون في عونه هو منك.. لأنه هو اللي حيتظلم إذا اتجوز واحدة أنانية زيك .. وأقصى مفهومها عن الحب أنه راجل يجري وراءها ويموت من غيرها .. اللي هي أساسا موش مواصفات راجل...