تقلب مشاعر ومزاج
السلام عليكم، أنا 22 سنة والدتي متوفية منذ 10 أعوام وأعيش مع خالتي أنا وأختي الصغيرة (18 سنة).. والدي متزوج ويعيش بعيد عننا ولكننا على تواصل
ارتبطت ارتباط عاطفي منذ 6 شهور بإنسانة محترمة ومن بيت محترم وأهلها ناس محترمين وهي حسنة المظهر وشخصية جميلة محبة للحياة الارتباط كان على محمل الجد وكلمت والدتها على طول ولولا ظروفي إني لسه مخلصتش دراسة كنت تقدمت رسمي على طول.
الدنيا كانت حلوة جدا والمشاعر بتكبر يوم ورا يوم وبشكل قوي جداً، حتى أني قررت أشوف وظيفة بجانب الدراسة عشان أثبت للناس ولنفسي أني أقدر أتحمل مسؤولية الارتباط وما بعده من خطبة وزواج إن شاء الله.
لحد ما في يوم من الأيام من حوالي 3 شهور بدأت أحس بشعور بيبعدني عنها من غير أي سبب من غير ما يحدث أي شيء أو خلاف أو أي شيء سيء يؤثر على علاقتنا وبدأت أحس أن مشاعري بتتغير بعد أن كانت حب شديد إلى عدم تقبل وخوف وقلق ببقى حاسس إني زهقت ومش قادر أبص في موبايلي ولا أبص على أي حاجة ودايما ببقى عايز أي تجديد إلى أن حدث في يوم جاءت لي حالة بكاء شديدة جداً بسبب التغير في المشاعر والإحساس ده.. لأنني ماكنتش عاوز أنهي الارتباط لأني ماكنتش قادر أحدد أي سبب لإنهائه.
بعد ما فضلت بكاء شديد ولقيت نفسي مش قادر أستمر في الوظيفة اللي مكملتش فيها شهر رجعت كلمتها وجددت في الأمل.. لقيت حالي إتبدل تماماً وبقيت في منتهى السعادة والتفاؤل ولا كأن حاجة حصلت... بعدها بحوالي أسبوع اتكررت نفس الحالة السابقة من البكاء والقلق وتقلب المزاج والمشاعر وتقلب طريقة تفكيري ورؤيتي للمواقف حتى ميل إلى العزلة التامة عن التفاعل مع الناس، لحد ما أرجع حالة البكاء والفضفضة دي (سواء معاها أو مع أحد أصدقائي أو أهلي المقربين) وترجع الأمور طبيعية وجميلة وهكذا لحد دلوقتي.
طول الفترة دي العلاقة بيننا فوق وتحت.. مش عارفين ننبسط خالص.. يا إما أنا تعبان وأقل حاجة بتعصبني وبتخليني مش مرتاح، يا إما عادي ولما ببقى عادي ببقى حاسس إنني عملت إنجاز المهم إنه اليومين دول بقيت حاسس إني ببعد عنها خالص وبدأت أصلا أشك في إني المفروض كنت أرتبط بيها وله لأ وإذا كان ارتباطي بيها ده حباً فيها ولا مجرد إحتياج عاطفي واحتياج للاستقرار اللي عمري ما عشت فيه؟
حاليا أنا في معظم الأوقات مكتئب وبستنى وقت النوم بفارغ الصبر واجتماعياً مش نشيط خالص وحاسس إني عايز أفضل في العزلة دي مع إني عارف إنها غلط بس ساعات ببقى مش قادر.
مش عارف إيه اللي بيخلي مشاعري وطريقة تفكيري تتغير بالصورة دي؟ ولو على فرض إن هي الإنسانة دي مش مناسبة لي أو أنا بطلت أحبها يبقى ازاي فضلت معاها بحاول طول مدة ال3 شهور دول؟
أنا تايه وسط أفكار كتير ومشاعر قوية كتير ومحتاج مساعدة جدا لأني مهتم أكثر بمستقبل البنت لأنها إنسانة رقيقة وتستحق الأفضل من أن تعاني معي كل هذا دون جدوى والموضوع جاي علي في كل نواحي الحياة أيضا.
ويستمر هذا المسلسل إلى يومنا هذا لحد ما بقى شعوري سلبي جدا ناحيتها بعد ما كان الأسبوع إللي قبله شعور إيجابي و قوي جداً لدرجة إني أخدت خطوة إننا ننهي الارتياط لأنني مش مستقر. هي فضلت متمسكة بي ورفضت تستسلم وإدتني فرصة تانية نبعد عن بعض شوية من غير انفصال.
أنا مش عارف أنا ليه كدة. حالة البكاء الشديد لمدة طويلة ومن غير سبب أقدر أحدده دي مجاتليش غير وأنا مرتبط عاطفياً، حصلت لي من 4 سنين وأنا كنت مرتبط عاطفياً أيضا ومحصلتليش تاني غير لما ارتبطت تاني. إللي أنا فاكره إن لما هي حصلت للمرة الأولى كان من ضمن أسبابها إني كنت خايف أنا إللي أكون سبب فى فشل الارتباط. ممكن يكون فيه أسباب تانية لكن مش قادر أفتكر.
مع العلم، إن عدم وضوح تصوري عن نفسي فى المستقبل ده شئ موجود من زمان. حالي حال كتير من الشباب، لكن أهدافي وطموحاتي تغيرت كتير فى ال4-5 سنين إللي فاتو كتير.
أرجو الرد أنا حاسس بضياع شديد وظالم ناس ملهاش ذنب معايا.
شكراً ورمضان كريم وآسف على الإطالة
09/07/2013 و 10/07/2013
رد المستشار
مناقشة
شكراً على استعمالك الموقع وتمنياتي لك دوماً بالسعادة والهناء.
لابد أولاً من الإشارة إلى العوامل المهيئة للاضطرابات النفسية فقدت والدتك في عمر مبكر ووالدك بعيد عن البيت.
بعد ذلك هناك عوامل تسرع بإصابة الإنسان باضطرابات نفسية وفي حالتك دخولك بعلاقة عاطفية واندفاعك لتثبت مقدرتك على مواجهة تحديات اليوم والمستقبل. هناك إشارة واضحة لدور هذه العوامل في تحديد الفترة الزمنية لشعورك المفاجئ بتغير مشاعرك وهي الثلاثة أشهر يجب التأكيد هنا بأن الحدث الذي يسرع بإصابة الإنسان باضطراب نفسي لا علاقة له بطبيعة الحدث وأعني بذلك بأن دخولك بعلاقة عاطفية إيجابية كانت أم سلبية قد تؤدي إلى اضطراب نفسي.
الأعراض التي تتطرق إليها وهي: البكاء، تغير المشاعر، العزلة، الشعور بالذنب، وقلة النشاط تشير إلى إصابتك بالاكتئاب.
ليس هناك في رسالتك ما يشير إلى أن الفتاة مارست ضغط عليك للعمل وإثبات مقدرتك على رعاية بيت الزوجية مستقبلاً ربما كان اندفاعك خلال هذه الأشهر قد تجاوز الحد المعقول، وفجأة تحول المزاج من حالة ابتهاج غير طبيعية إلى حالة اكتئاب هذا التحول بحد ذاته يشير إلى إصابتك باضطراب اكتئابي كبير.
التشخيص
اضطراب اكتئابي كبير، حدث واحد معتدل الحدة. Major Depressive Disorder, Single Episode, 296.22
التوصيات
• لا بد من مراجعة استشاري في الصحة النفسية والعلاج من الاكتئاب بواسطة العقاقير أو العلاج الكلامي.
• لا أظن أن الفتاة وسلوكها له علاقة بالاكتئاب.