مشكلة زوجية
السلام عليكم ورحمة الله وبركاتة، أنا متزوجة من سنة وشهر، وحياتي الزوجية مليئة بالمشاكل دائما زوجي عنده مشاكل ومخنوق ودايما بنتكلم في الطلاق وكنا على وشك الطلاق في مرة منهم ودي المرة الثانية.
أولا أنا وزوجي كنا زمايل من حوالي خمس سنوات قبل الزواج في منحة دراسية استمرت سنة، علاقتي به كانت علاقة زمالة مش قوية أوي لكن كنت أعرف عنه حسن الخلق والتدين بعدها سافر أمريكا سنتين للدراسة وكان بيسأل كل فترة بعد ما رجع بسنتين طلب مني الزواج وبعدها بيومين تراجع وبعدها بشهرين أنا كان متقدملي حد من زمايلي ووصله الخبر فأصر أنه يأتي ويتقدم بسرعة وفعلا جه البيت واتخطبنا في أقل من أسبوع واتجوزنا في 3 شهور في مكان شغله -منتجع سياحي في الساحل- ولما بننزل الأجازة وكانت بتبقى 4 أو 5 أيام كنا بنبقى في بيت أهلي فترة خطوبتي كانت حلوة جدا وكان دايما راضي عن شكلي وخصوصا لما شافني من غير حجاب بعد كتب الكتاب.
أهلي عملوا كده تيسيرا عليه ولأنه كان متمسك بي بشكل كبير أوي.
بدأت المشاكل بعد الجواز كل شوية مشكلة واعتراض على حاجة وكل ما أحلها يكون في غيرها، دايما في عدم رضا وقلق مثلا في مرة قالي أنا عايز مراتي تكون ناجحة إنت لازم تشتغلي - مع أني كنت بدير شركة قبل كده وكنت بدرس كمبيوتر لأجانب وكنت ناجحة وسبت كل ده علشان سفري معاه فابتديت أشتغل مترجمة من البيت- بقى دايما يشوف نجاح الناس ومميزاتهم ومايشفنيش حتى ولو كنت أحسن.
كان كل فترة يطلب مني أني أروح أقعد عند أهلي لأنه مخنوق وحالته النفسية مش كويسة ولما نرجع يبقى كويس أوي في مرة من المرات اشتكى لي إن شكل جسمي مش عاجبه وأنه عايزني أعمل عملية تجميل وأكبر جزء من جسمي وأنا وافقت بعدها بيومين سابني ومبقاش يرد على تليفوناتي وفجأة طلب من أهلي أنه يطلقني، اتكلمت معاه كتير جدا طب ليه وإيه المشكلة، قال لي أنه مش مبسوط في الجواز وإن الجواز شقين متعة ومسؤولية وهو مش لاقي النقطة الأولى.
بعدها كلمني على الإنترنت وسلم علي وقال لي أنه مفتقدني جدا وأن المكان وحش وكلام حلو كتير وإنه عايز يرجعني وختم الكلام بأنه بيستأذني إنه يتجوز علي قدام. رفضت وطلبت تسريع الطلاق وقبل الطلاق بيوم صالحني وقالي أنا مش عارف إزاي قولت كده وإنه كان تعبان ومش طبيعي وصالح أهلي وإخواتي ورجع للشخص اللي أنا أعرفه.
أول ما رجعنا الغردقة بيومين رجع لانفعاله تاني وأنه مخنوق ومتضايق ومش طايقني وعايزني آخد شقة في المحافظة اللي إحنا منها أصلا وييجي يزورني كل شهر أو شهر ونص وشيلني حمل إنه مش بيتقدم في مستقبله وإنه مقصر في الصلاة وبقيت أنا شماعة كل حاجة وقالي إنت شكلك مش عاجبني وإن الأجانب أحلى وكلام من النوع ده. على الرغم من أني محافظة على شكلي ومظهري ودايما مهتمة بنفسي وبنضافتي وبيه وبالبيت وده بشهادته حتى وزني مثالي ده غير إني دايما كنت بدعمه وأساعده حتى من أيام الزمالة ولغاية دلوقتي.
في الحقيقة الكلام كان جامد علي فقلت له خلينا نطلق بمنتهى الهدوء وجرب حظك مع واحدة أجنبية وهتكون أكيد أحسن المهم إنه في خلال نفس اليوم بعد ما كان عايز نطلق رجع تاني قال لي أنا مبسوط وخلينا ناخد شقة وتقعدي فيها وبعدها بساعات قالي إن الطلاق قرار سليم رجعنا عند أهلي وهو بيطلب مني إننا نفضل متجوزين لكن ييجي يزورني كل شهر أو شهر ونص.
أنا دلوقتي مش عارفة أعمل إيه وخصوصا إني مش قادرة أسامحه على الإهانة والكلام اللي في حقي وتجاهله لأهلي وفي نفس الوقت مش عارفة إيه سبب المشكلة الفعلي أنا حاليا بلعب رياضة وبعمل حاجات تخليني زي الأجانب أنا حاسة إني بخسر ثقتي بنفسي وبخسر أهدافي في أسرة مستقرة وحياة هادفة أنا حاسة إن في مشكلة ملهاش علاقة بي لو المشكلة فعلا في ليه بيتراجع لما ناخد قرار الطلاق وبيرجع الحب والاهتمام وبتبان حتى في ملامح وشه بيبقى كلها رضا وسعادة أنا عايزة أكمل معاه وأنا بحبه.
آسفة على الإطالة، ورجاء أفيدوني أنا فعلا تعبت
شكرا لكم ولسعة صدركم.
18/07/2013
رد المستشار
مناقشة الاستشارة:
ما يلفت النظر في الرسالة ما يلي:
٠ الحياة الزوجية مليئة بالمشاكل رغم أن عمر الزواج لا يتجاوز 14 شهراً.
٠ لا يوجد في رسالة ما يدل على وجود رباط عاطفي قبل الزواج وعدم استعمالك لكلمة حب في الاستشارة إلا في نهاية الرسالة. السبب في الإشارة إلى هذا هو وجود اتصال اجتماعي بينكما منذ أكثر من 5 سنوات، ولكن رغم ذلك لا توجد إشارة إلى علاقة عاطفية والاتصال بينكما خضع لروابط رسمية من الطرفين قبل الزواج.
٠ هناك إشارة إلى تردده بالارتباط زوجياً في تراجعه عن طلب الزواج منك بعد يومين فقط من اتخاذه القرار. لا أظن أنه كان متردداً بالزواج منك أنت بالذات ولكن هذا السلوك يعكس جانباً من شخصيته التي تميل الى السيطرة على محيطه والبيئة التي يعيش فيها.
٠ ميله السلوكي إلى السيطرة أصبح أكثر وضوحاً بعد الزواج بفترة قصيرة حول عملك ومقارنتك ببقية الناس. تجاوز هذا السلوك العتبة المعقولة في التعامل بين الزوجين بعدم رضاه عن جسدك وطلبه عمل عملية تجميل. الأسوأ من ذلك هذه الإشارات بأن الأجانب أحلى منك وأن الزواج يتكون من شقين متعة ومسؤولية وافتقاده إلى الشق الأول. المعادلة الصحيحة هي عدم وجود الشقين في الزواج من جانبه هو فقط.
٠ خلاصة تحليل الرسالة هي أن من يقرئها سيصل إلى استنتاج واحد هو أن زوجك رغم حسن خلقه الذي تشيرين إليه هو مجرد إنسان يميل إلى التحكم في الناس بصورة استثنائية شاذة Control Freak .
• أما الجانب الآخر من رسالتك فهو يتعلق بدورك أنت أيضاً وميولك إلى الاستجابة لرغباته أولاً ومن ثم التقهقر بيت الحين والآخر وطلب الحماية من الأهل. بصراحة أنت في موقف دفاعي تجاوز المعقول أيضاً. قررت أن تعملي بعض الامور مثل الأجانب لسبب واحد فقط وهو كسب رضاه. يمكن القول بصراحة بأنك أصبحت شخصية تميل إلى الخضوع والخنوع Submissive ومن جراء ذلك فقدت ثقتك بالنفس وربما ستجتبين في المستقبل لرغبته في أن تكوني زوجة من الدرجة الثانية أو الثالثة.
التوصيات:
٠ هذه المعادلة الزوجية غير صحية ولابد من تغييرها. ليس هناك بديلاً عن الكلام الصريح معه حول مشاعرك والإهانة التي تشعرين بها من سلوكه العدواني بين الحين والآخر.
٠ ربما هناك ظروف مهنية لها تأثيرها عليه. ضغوط العمل والقلق تزيد من حدة الصفات الشخصية السلبية في بعض الناس، ولابد من نصيحته بالحديث عن هذه الظروف معك وبصراحة.
٠ يجب أن تكوني أكثر حزماً معه وبهدوء ترفضين الاستجابة لرغباته والتقهقر نحو بيت الأهل بين الحين والآخر. تبقين مكانك وبدلاً من الخضوع عليك بالمواجهة.
٠ متى ما اكتشف بأنك شخصية لا تميل إلى الخضوع والخنوع عند ذاك ستتغير قواعد العلاقة الزوجية.
|وفقك الله.
واقرأ أيضًا:
ملفات زواجية
نفسي عائلي: زواجي Marital problems