حل لمشكلة يعاني منها صديقي العبقري..!؟
سلام عليكم ورحمة الله وبركاته؛
كل عام وأنتم بخير بمناسبة شهر رمضان المبارك، عاوز منكم المساعدة، لي ابن عمي في سنة أولى كلية كل اللي بيكلموا معاه بيحسوا أنو ذكي جدا وأنا اتكلمت معاه وحسيت ده فعلا كل اللي حواليه مش فاهمينه مفيش بس إلا أمه هي الوحيدة اللي فاهماه، هو دلوقتي يعاني من أزمة نفسية شديدة مش بسبب بس أن اللي حواليه مش فاهمينه دا كمان عشان الأثر اللي سابه معاملة اللي حواليه في نفسه بمعنى أنه من كتر ما اللي حواليه مش بيكلموه وكمان بدأ يحس أن هو مش عارف يتكلم وأن ده بسبب نقص فيه، كمان أن أهله علموه حاجات كتير إزاي يعامل الناس وكلام من ده وهو منعزل بدأ يكره اللي أهله ربوه عليه ويشوف حاجات جديدة (وطبعا حتى لو هو مش اجتماعي ومش عارف يتكلم كفاية بس أنه يحس الإحساس ده ده هيزود الطين بلة).
طريقه تفكيره:
كمان ألاحظ عليه أن هو متشتت جدا جدا جدا جدا إلى أقصى حد تقريبا كل دقيقتين بيفكر في موضوع شكل، حاولت كتير معاه أني أخليه يفكر في حاجة واحدة بس ويستمر فيها، يعني مثلا قلتله سيبك من النت ومن الموضوعات المختلفة الكتيرة أوي اللي بتقرأها واقرأ في الرياضة لأن كليتك بتهتم بالرياضة قعد يقول لي أنا مش عارف أنا بحب الرياضة ولا لأ وحاسس إني بحب الفيزياء وبعد شويه قال لي لأ أنا مش بحب الفيزياء أنا مش عارف أنا بحب إيه أنا تعبان.
أنا مش عارف أستغل سني ولا قدراتي دي، ففكرت إني أقول له ارسم لأن هو فنان ما شاء الله عليه وهو على فكرة وهو صغير في إعدادي كان بيحب الرسم أوي وبيرسم ودا اللي كان بيخليه فرحان.
دلوقتي بقله ارسم رسم شويه وقال لي أنا حاسس إن رسمي مش كويس أنا فاشل في الرسم (مع العلم أن رسمته كانت روعة للغاية) واستتفهه اللي هو عمله.
سألته إيه سبب فشلك قال لي لأني مش متعود على قواعد الرسم ورسمت يبقى وحش قلت له تعلم قواعد الرسم قال لي أنا مخنوق أوي ومش عاوز أتعلم حاجة وبعدين الرسم ده تافهة وأنا نفسي أكون عالم رياضة؛
قلت له شوف فيدوهات عن الإعجاز العلمي أنت بتحب الحاجات دي شاف كام فيديو كده وبدأ يبقي كويس رجع تاني اتخنق أن هوا مش بيقرأ في الرياضه وأنه ضيع عمره في كل الإجازات السابقة على اللعب ومستغلش قدراته، هو على فكرة نفسه يكون شخص مرتب وكويس ومنظم أنا مش عارف أتعامل معاه إزاي.
قلت له إيه اللي شاغل بالك كتير أوي وبيخليك تسرح كتير طبعا أنا سألته السؤال ده عشان أعرف إيه اللي مخليه مخنوق مع أن هو مش بيتعامل مع الناس أصلا ومالوش أصحاب بيتكلم بس معايا أنا وأهل بيته .
قال لي طول الوقت بتخيل مواقف كتير قلت له قل لي على موقف معين المهم إن هو ممكن يسرح في خياله موقف يقعد يفكر فيه ساعتين تلاته.
قلت له حلو أوي فكر في نظريات رياضية أو أي حاجة أو فكر في قصة بوليسية وحللها وحاول توصل قال لي مش بحب القصص البوليسية أنا مش هعرف أعمل حاجة في الرياضة
فقلت ممكن دا يكون لأنه مش لاقي حد يوجهه في الرياضة أو يخليه يبدأ منين ودا أنا لاحظته ازاي
اديته مرجع في الرياضة يقرأه حسيت أنه بيكلكع نفسه أوي أنا مش عارف هو بيعمل ليه كدا في نفسه مع إنه ذكي جدااااااااااااا وأنا قلت له الكلام ده قلت له أنت ذكي أوووووووووووي ليه بتحسس نفسك أنك فاشل
قال لي أنا مش ذكي إنت بس شايفني تعبان وبتحبني فامش عاوز تحسسني أني غبي وأني مش عارف أنجح في حياتي
قلت له أنت كل الدنيا بتقول عليك عبقري وأنت شايف نفسك فاشل طب أنا بخاف عليك وكل الدنيا بتخاف عليك وبتحبك قد ما أنا وأهل بيتك بيحبوك
المهم هو اقتنع رحت له اليوم اللي بعده لقيت ولا كأني تكلمت ورجع تاني للتشتت وكلمت والدته وأخته في الموضوع ده قالوا لي احنا تعبنا معاه للغاية في موضوع إنت شاطر إنت ذكي إنت كويس ونجيب له دلائل كتيرة أنه شاطر وهو مش مقتنع حاولنا كتير نخرجه من الحالة اللي هو فيها، لكنه لا يستحيب لأي كلام وأمه قالت لي كلام لا أملك سوى الدعاء له بأن الله يخلصه من هذه المشكلة.
أنا بحس ساعات أنه مش عنده صبر أو عجول أو بيفكر بعمق أوي وغير مرتب دي كلها حاجات هتضيعه يعني.
آخر ما هداني الله له أني أجي أسألكم هل تعرفون أي شخص من اللي بيتبنوا المواهب والناس اللي قدراتهم عالية يتبناه ويعملوا اختبارات تحدد إيه أكتر حاجة هو متميز فيها؟
كمان عاوز أستفيد منكم ومن نصائحكم أنا حاسس إن هو بدأ يتعب وقدراته بتندفن
فهل ممكن حد يديني بداية الطريق لمساعدته أو أحل المشكلة إزاي
أنا في مدينة المنصورة هل تعرفون شخص في المنصورة يساعده
هو دلوقتي حالته النفسية صعبة للغاية وبدأت تظهر عليه أعراض مرض السكر من الزعل وطبعا أنا مش هقول لوالدته لأن ممكن يجرى لها حاجة ادعوا له بالشفاء وأن ربنا يوجهنا لما فيه الخير
جزاكم الله خيرا وآسف على الإطالة
28/7/2013
رد المستشار
أهلًا وسهلًا بك يا ولدي، وأحييك على حمل هم قريبك واهتمامك لتحسن حاله، فبارك الله فيك وأعانك على طرح ما سأقوله لتوصله لأهله!؛ فأنت لا تحتاج في البداية للتواصل مع شخص "يقدر" المواهب والذكاء، ولكن قريبك يحتاج فورًا والآن التواصل مع "طبيب نفساني"؛ فرغم أنك لم تتحدث كثيرًا عن تفاصيل الأعراض التي يعاني منها، إلا أن ما قلته من أعراض يشير بقوة لحالة من الفصام؛ فأعراض عدم ترابط الأفكار، والقفز من فكرة لفكرة، والانعزال والصمت الطويل، والغرق في التفكير، ورؤية بعض الأمور أو الأشياء؛ كلها تتجه بقوة لأعراض مرض الفصام.
والفصام مرض أعيى الأطباء النفسانيين لتوصيفه وتحديد أسبابه؛ فهناك دراسات تؤكد أنه مرض عضوي "بحت" يعود لخلل في وصلات عصبية وكيميائية بالمخ، وهناك من يقول أنه مرض عضوي-نفسي، وإن كانت دراسات البحث العلمي التي تؤكد وجود سبب عضوي هي الأكثر تأكيدًا، وعلى أيه حال؛ الفصام له أنواع كثيرة، وليس له درجة واحدة عند كل المصابين، وهناك قصص نجاح لحالات حين التزمت بالدواء بالجرعة والوقت الذي حدده الطبيب تحسنت كثيرًا جدًا وتابعت حياتها بشكل جيد جدًا.
وبما أنك مجتهد في البحث والفهم والمساعدة؛ فأتمنى أن تقرأ فيما يتعلق بالفصام، وطبيعته، وأنواعه وأعراضه، وأسبابه، وعوامل ظهوره، ووقت ظهوره، الخ: للتأكد من ذلك، ومن ثم الاقتراح الوحيد الذي لا يوجد غيره ليساعده هو "التواصل مع طبيب نفسي" فورًا حتى لا تتفاقم حالته، والأمانة تقتضي مني أن أعترف بأن كثير من الفصاميين فعلًا يتمتعون بالعبقرية والتميز في مساحات محددة كما ستكتشف من بحثك، دمت بخير.
واقرأ على مجانين:
مرض الفصام