الاعتداء الجنسي
السلام عليكم ورحمة الله وبركاته؛
أعاني من مشكلة كبيرة وأرجو أن تساعدوني في إيجاد حل في مشكلتي. أنا كان عندي 7 سنين وكانت بتجيلي حاجة في دماغي مرة واحدة إني أسيب البيت وأهرب في أي مكان وأرجع تاني بعد عدة أيام ولكن حصلت لي مشكلة وأنا عندي 15 سنة كنت هربان من البيت وقاعد في محطة طنطا لقيت شاب أكبر مني جلس جمبي وأعد يتكلم معي وقالي طالما إنت موش لاقي مكان تنام فيه تعالى نام عندي في بيتي، أنا رفضت قال لي متخفشي أنا أعد أنا وأختي وأخوي الصغير وكأنك إنت أخوية وحخدك معي الشغل وكله حيبقى تمام وحيبقى معاك فلوس تقدر تصرف على نفسك فأنا رحت معاه ودخلت معاه البيت كان دورين طلعنا الدور التاني ودخلنا الشقة لقيت فيها 2 شباب تانين نايمين راح علي اللي كان واخدني معاه مصحيهم وقالهم إصحوا في حفلة النهارده.
المهم فتح عليه حاجة كده زي المطواة وعورني بيها في إيدي طعويرة بسيطة وقالي لو ماعملتش اللي حنقولك عليه حموتك ومحدش حيعرف عنك حاجة بعدها ماكنش أمامي غير اختيارين يا الموت يا أنهم يعتدوا علي جنسيا وأنا كنت غبي إني اخترت الجنس لأن مفيش فرق بينه وبين الموت.
أنا أعترف دلوقتي عايش ميت مستني اليوم اللي أتفضح فيه من الجيش ويكون بعدها صدمة كبيرة لأمي وأبي وعائلتي كلها فأرجو إنكم تساعدوني أعمل إيه.
أنا أعاني من اتساع في فتحة الدبر وخايف جدا من الجيش أنا بفكر كتير إني أخلص المعهد والكلية وأهرب برة مصر بس لا أستطيع الاستغناء عن أمي وأبي وإخواتي أرجو الرد لو سمحتم.
2013/10/19
رد المستشار
السلام عليكم ورحمة الله؛
على الرغم من الآثار النفسية السيئة والممتدة للاعتداء الجنسي على الذكور فإن الآثار الجسدية الظاهرة لهذا الاعتداء لا تظهر إلا بتكرار الاعتداء والاتساع في فتحة الدبر الذي يتحدث عنه المستشير لا يحدث غالبا إلا في معتادي الممارسة الجنسية المثلية لفترات طويلة.
وعلى المستشير أن يفهم أنه لا ذنب له فيما حدث لأنه كان مكرها وبالتالي يجب أن يستكمل حياته بشكل عادي ويحاول أن ينسى ما حدث ولا يجعل له أثرا على مستقبله، والأهم من ذلك أن نحاول تعلم الدرس والبحث عن الأسباب والمشاكل العائلية التي أدت به إلى ترك المنزل والتعرض للخداع من قبل هذا الشخص حتى لا تتكرر هذه المأساة، كما يجب ألا يستسلم للأفكار السلبية المرتبطة بهذه التجربة كالإحساس بالذنب وانعدام الرجولة وعدم القدرة على المعاشرة الجنسية والإنجاب وغير ذلك من الأفكار غير الصحيحة التي ترتبط بالممارسة المثلية عند بعض الشباب والتي لا تستند إلى أي دليل علمي.
وشكرا
واقرأ أيضًا:
فتحة الدبر : اتسعت ؟! لا ما اتسعت !!
بين الجيش والشرطة وفتحة الدبر !
وسواس الدبر : شهادة الجيش والفضيحة
شد الفخذين واتساع الدبر وكشف الجيش
غشاء الدبر والتقدم للشرطة أو كلية حربية
وسواس فتحة الشرج : الدبر في الذكور !
صديقي المعتدي.. ودخول العسكرية
إصبعي الأوسط وقلم نصف سم هل توسع الدبر؟
موسوسي الدبر الشهادة الوردية، بدعة تركية!
رسالة الموقع واستشارة متكررة