(435)
يقتل القتيل
وقد قام السيد المشير بزيارة المصابين في المركز الطبي العسكري وذلك للتأكد من دقة إصابة جنوده الأشاوس للهدف.
(436)
بالتوفيق يا مقاتل
وقد صرح السيد المشير قائلاً "أنا مقاتل من أربعين سنة"، بصراحة شعرت بالتفاؤل الشديد حيث علمت ما ينتظر المشير من مصير إذ أن هذه المقولة الشهيرة قالها من قبل العقيد القذافي وإن أضاف عليها القذافي "أنا من البادية". أنا أدرك جيداً ورطة المشير اللي وقع فيها هو والمجلس العسكري، راحوا يحموا مبارك وأخدوا السلطانية ودلوقت بعد كل جرائم القتل اللي ارتكبوها أكيد بيدوروا على حد ياخد منهم السلطانية ويتعهد لهم بعدم المحاكمة زي ما عملوا هم مع مبارك، دعواتي لهم بعدم التوفيق.
(437)
أسود على كاكي
الاسم: كلب
الجنس: فاكر نفسي دكر
اللون: في الأصل أسود وممكن برضه كاكي
الموطن: ع الأسطح وفي الشوارع ساكن
اللغة: أخرس ومش باسمع غير صوت الرصاص الحي
المهنة: مسعور بانهش في لحم البشر
(438)
أقوال مأثورة
حسين طنطاوي لازم يتحاكم، والشعب المصري صاحي واللي يفكر يسرق ثورته هنطلّع دين أمه.
”عم أحمد فؤاد نجم في مداخلة ببرنامج اليوم لدينا عبد الرحمن"
(439)
عجبت لك يا زمن
مراتي بتسأل هو مش برضه السلفيين دول هم اللي فلقونا صراخ وعويل على أختهم كامليا، أمال ليه محدش سمع صوت كلب منهم على أختهم المنقبة اللي كلاب الجيش ضربوها وقلعوها هدومها في الشارع. قلت يمكن رجعوا تاني للفتوى اللي بتقول ممنوع الكلاب تخرج على الحاكم، ولاّ يمكن قالوا ضرورات التواطؤ تبيح محظورات التظاهر والاعتراض.
(440)
يا رب
يا رب أسعد ماما خديجة في الدنيا وفي الآخرة، يا رب احمي ريم ماجد ودينا عبد الرحمن، وخليهم لنا ويفضلوا كده على طول.
18/12/2011
ويتبع >>>>>>>>: حكاوي القهاوي (96)
واقرأ أيضاً:
الإخوان المسلمون بين الثابت والمتغير / تعري علياء وتستر عبد الماجد وتخنث الثورة / يوميات أيام الثورة.. 1"لا تبتئسوا" / حكاوي القهاوي
واقرأ أيضاً:
الإخوان المسلمون بين الثابت والمتغير / تعري علياء وتستر عبد الماجد وتخنث الثورة / يوميات أيام الثورة.. 1"لا تبتئسوا" / حكاوي القهاوي
تعليقات الأعضاء