|
| 
|
هموووت تعبانة قوي
السلام عليكم.... أنا مش عارفة أبدأ من أين... أنا بدأت مشكلتي من 5 سنين تقريبا توفي بابا من 4 سنوات حاسة أن عندي اكتئاب شديد مش قادرة أكلم حد وأتصنع كل حاجة حاسة إني متصلبة كأني إنسان آلي. أتخيل حوارات مع نفسي ومع أشخاص أنا خلقتهم بس أنا عارفة أنهم غير موجودين، كل حاجة متلخبطة في حياتي، أحس بأن مستواي التعليمي بدأ يقل. مش قادرة أعمل أي حاجة.
بأذي نفسي كثيرا وحاولت الانتحار 4 مرات بس ده كان بدافع لفت نظر اللي حولي وساعات بحس إن ربنا مش بيحبني عشان مش بيبتليني فبروح أأذي نفسي وأقنع نفسي أن هذا ابتلاء، أقعد أتكلم مع نفسي وأستمتع وأنا أتكلم بس ببقى عارفة وواعية وعندما يأتي أحد أسكت.
بعدت عن أهلي وأصحابي مع أنني أصلا اجتماعية جدا مابقتش طايقة حد خالص، أستمتع وأنا أأذي نفسي جدا، بحب اللي حوالي يهتموا بي وبحب ألفت نظرهم مع أنني أصلا أهلي مهتمين جدا بي. زمان من 4 سنوات شفت مرة واحدة بس ست بتصحيني من النوم عشان أصلي الفجر، ولما دخلت الجامعة كنت بسمع صوت طفلة بتقرأ القرآن (4 مرات حصلت) بعد كده ولا شفت ولا سمعت حاجة ثانية، ساعات كثيرة بيتهيئلي إن في حد مراقبني، وبخاف جدا لما أبقى لوحدي بحس إن في حاجة بتسيطر علي وبتخليني أأذي نفسي وبقعد أبكي لغاية ما ببقى هموت نفسي حد يساعدني أنا رحت عند دكاترة كثيرة بس مش مقتنعة بتشخيصهم ورفضت آخد أدوية ونفسي حد هنا يساعدني ويقول لي أنا عندي إيه بالضبط؟
أحس بأنني مريضة بوسواس الفصام في حاجة جوايه بتقول لي لازم أبقى مريضة بالمرض ده بالذات، أول ما أسمع أي فيلم أو أقرأ رواية أو قصة بدخل جدا في الأحداث وممكن أنفذ أفكار غريبة خيالية ما ينفعش تحصل زي مثلا (أهرب من البيت أو أنتحر بطريقة معينة) وخصوصا الأفكار المتعلقة بمرض نفسي دماغي هتموتي من كثرة التفكير والأفكار اللي بتسيطر علي وفي الفترة الأخيرة ربنا ابتلاني بمشاهدة صور جنسية نفسي ربنا يخلصني منها ويساعدني أنا أصلا حافظة للقرآن بس حاسة دلوقتي أنني منافقة قوي.
أنا تعبت قوي
نفسي أعرف أنا عندي فصام فعلا ولا وسواس ولا مش عندي حاجة خالص؟
13/05/2015
وبتاريخ 27/05/2015 أي بعد أسبوعين فقط أرسلت "سارة" نفس الاستشارة تحت عنوان : وسواس ولا فصام ؟؟؟؟؟
رد المستشار
صديقتي؛
لست أدري أي نوع من الابتلاء تريدين حتى تعلمي أن الله يحبك؟ ولماذا يكون حصولك على الاهتمام من أهلك ومن الآخرين فقط عن طريق الأذى سواء لنفسك عمدا أم ما تتمنين أن يحدث لك؟؟
لم تفصحي عن إذا ما كانت وفاة والدك لها علاقة بكل هذا أم لا؟
أما عن استمتاعك بأذى نفسك فله شقان محتملان:
الأول: هو أن جسدك ينتج الإندورفينات (مواد مثل المورفين المخدر) وبالتالي يخفف الإحساس بالألم الجسدي والنفسي. يمكنك فعل هذا بطريقة أكبر وأفضل عن طريق ممارسة الرياضة ثلاثة مرات في الأسبوع بدءا بعدة دقائق ثم الزيادة التدريجية إلى ساعة في كل مرة.
الشق الثاني: قد يكون بسبب حب السيطرة في الأم أو الأهل عموما وهو ما يدعو للغضب المكتوم والذي لا تجرئين على الإفصاح عنه لأحد وفي بعض الأحيان ولا حتى لنفسك.
لست أدري ما هي التشخيصات التي حصلت عليها عند الأطباء ولكن أغلب ما وصفته قد يكون بسبب أنك تهربين من غضبك ومن الآخرين في عالمك الخيالي، وبما أن الإنسان يحتاج لتحديات ولقصة شخصية يعيشها، فكان من السهل عليك اللجوء إلى الانعزال وخلق الأفكار شديدة الدراما مثل الهرب أو الانتحار.
مشاهدة الصور الجنسية هي شيء تفعلينه بمحض إرادتك ويمكنك التوقف، ولكن ما الذي تبحثين عنه من خلال تلك المشاهدة؟
أنصحك بمراجعة عدة أطباء أو معالجين نفسيين والوقوف على تشخيصهم المحدد ومعناه وكيفية علاجه وما هو تأثير الأدوية؟
أنصحك أيضا بالانخراط في عدة نشاطات وهوايات واستكشاف مواهبك والنعم التي أعطاها لك الله قبل البحث عن ابتلاءات.
وفقك الله وإيانا لما فيه الخير والصواب.
ويتبع>>>>>> : منذ وفاة أبي : إنسان آلي يحاول الانتحار ! م
تعليقات الأعضاء
02/06/2015 18:59:22
التعليق: يا بنت روشي يا بنتي على نفسك ومتخليكيش كدا هيصي يا بنت بلا آلة انتحار بلا بلح اعملي ما تحبين وسترتاحين
هما الدكاترة عارفين يتواصلوا مع جيلنا؟
دوري على أي مشروع يجيب لك فلوس والفلوس تجيب السعادة
حطي خطة لحياتك تكون هدفك الأول الفلوس