أنا غلطان... نعم أنت غلطان وبإرادتك.
دايماً حاسس بخوف وقلق
السلام عليكم: من فضلك أنا عندي مشاكل مؤثرة علي نفسياً جامد، أنا أولاً عندي 30 سنة، وبشتغل في وظيفة مرموقة، واحدة من ضمن مشاكلي أنني وأنا في سنة تانية كلية حصلتلي حادثة أنني تعرضت لسطو مسلح اثنان طلعوا علي بأمواس عشان يسرقوا الموبايل وادتهولهم ومضربونيش بالموس سابوني أمشي بعد الشتيمة وضرب بالشلاليت وأنا تحت التهديد، من ساعتها عندي حالة هلع شوية من الناس، من ساعتها مش بحب أخرج، لو خرجت مش بحب أمشي مثلا في حتة مقطوعة بالبلدي كدة أو أي شارع مظلم، هي الحادثة حصلت بالنهار على فكرة، أنا دلوقتي متجوز ومراتي بتحب تخرج أفسحها بس ده عامل مشكلة فاهمني؟ أنا عاوزأقعد في البيت غصب عني.
لما بخرج معاها بحس أن أي حد مقرب مننا هييجي يأذينا، وأنا نازل معاها بحس إنه هتحصل مشكلة، لما بخرج ومعايا حاجة غالية مثلا زي اللاب توب بفضل ليلتها قلقان، أنني ممكن أتسرق وأنا ماشي، يمكن لما بخرج لوحدي وده قليل مبيبقاش عندي نفس حالة الهلع طالما أنني مش ماشي في حتة هادية أو مظلمة.
أتمنى من حضرتك أن تكون فهمت مشكلتي.
وأتمنى الرد سريعاً، شكراً.
24/07/2015
رد المستشار
شكراً على مراسلتك الموقع.
ما تعاني منه الآن هو سلوك تجنبي مصدره القلق، ويؤدي بدوره إلى الشعور بالقلق. هذا السلوك هو واحد من الأعراض المترسبة من إصابتك باضطراب الكرب التالي للرضخ Post-Traumatic Stress Disorder الذي لم يتماثل إلى الشفاء التام، حالك حال 10 -20 % من الذين يتعرضون لصدمة من جراء هذه الحوادث.
لا يوجد غير العلاج السلوكي المعرفي؛ للتخلص من السلوك والقلق في حالتك ولا فائدة من أن تعالج نفسك بنفسك. دور العقاقير محدود ولا أنصح بها الآن.
أنت بحاجة إلى ما بين 6 إلى 12 جلسة مع معالج نفسي مختص في علاج مثل هذه الحالة. كلما أسرعت بالدخول في علاج نفسي ازدادت فرص الشفاء، وكلما تأخرت ازداد احتمال دخول السلوك في مسار مزمن طويل الأمد.
وفقك الله.