اضطراب شخصية واكتئاب
لا أدري ..... تحديث
انا كنت أرسلت المشكلة دي من قبل، حاليا أمي فارضة علي ألبس الحجاب بالغصب وأنا مش عارفة هعمل إيه بفكر أهاودها وأعدي السنتين اللي فاضلنلي في دراستي وأسيب البيت وأستقل بحياتي
نسيت أقول دول المرة اللي فاتت
أنا شخصية عصبية جدا
وأنا لما بنعزل عن الناس ما بلاقيش حاجة أعملها وببأه قاعدة ساكتة أغلب الوقت وممكن أمارس العادة السرية
حاليا ببدأ أتعلمم حاجات جديدة بس بقع وبقوم لسه علاقتي بالناس زي ما هي، بغير من اللي حواليا بشكل ممكن يخليني أكرههم وأبعد عنهم
أختي بتحاول تحسن معاملتها وتسأل علي كل أسبوع مرة بس أنا مابقتش بتفاعل وبقيت بخلي المكالمة عبارة عن إزيك الحمد لله "مش عاوزاها" لأن في وجودها روحت أرتبط بولد وكان أسوأ اختيار في حياتي إني عملت كده، دايما شايفة إن ببعدها عني هو اللي خلاني عملت حاجة زي كده
علاقاتي بأمي متوترة جدا وبكره بابا لأن مع أي مشكلة بيسب الدين ويقول ألفاظ كتير وبيدعي علي على طول
تأخر جواز أخواتي فعلا تعبلي نفسيتي جدا وأرهقني وأنا بشوفهم كل يوم بيعيطوا
أنا خايفة طول الوقت ومش حاسة بالأمان
بقيت بتكلم مع اللي حواليا بس الحاجز بتاعي هو هو، لو حد قابلني صدفة وقطع قعدتي لوحدي ببأه كارهة جدا ومش طايقة وجوده وممكن وهو بيكلمني أكلم نفسي وأرد عليها وأسيبه يهزي مع نفسه، أنا تعبانة ومش عارفة أقوم المرادي خالص :(
12/2/2016
رد المستشار
أيتها السائلة الكريمة نشكر لك ثقتك في الموقع.
أنصحك بأن تكفي عن لوم أختك على مشاكلك وتحملي المسؤولية عن تصرفاتك.
حاولي أن تتجاذبي أطراف الحديث بهدوء فيما يخص موضوع الحجاب.
ما زلت أرى أنك بحاجة لمساعدة من متخصص وجها لوجه كما أخبرتك من قبل. كما أن جلسات العلاج النفسي ستكون مفيدة للغاية في مثل حالتك وذلك لاستهداف الخلل في علاقاتك الشخصية داخل الأسرة وخارجها ومن أجل مزيد من الدعم.
أتمنى لك التوفيق وتابعيني بأخبارك إن شاء الله.
ويتبع>>>>>: اضطراب شخصية واكتئاب م1