إذا عرف السبب..! ::

الكاتب: مانيفال أحمد
نشرت على الموقع بتاريخ: 30/07/2005

• المكان: ميدان التحرير

• الساعة: 3.30 عصرا

• أنا: خارجة من المترو ع الميدان

• الموقف: الميدان.. فاااااااااااااااااااضي؟!؟!

ببص حوالي.. مفيش حد، ولا حاجة، إلا شوية عربيات شرطة وأمن

• الفكرة: افففففففففففف.. مظاهرة

• الفعل: مشيت في نص الشارع بسعادة واستغراب.. 3.30 عصرا.. ومفيش ولا عربية.. ولا شخص؟؟

• السؤال: في وقت الذروة.. فين الناس؟؟؟

• رد الفعل: صوت عال حاد منفعل يقطع حبل أفكاري: ياست... أنت يا آنسة.. يا مدام..

وبعصبية: حد يشدها.. امشي على الرصيف.. ادخلي جوه..

• أنا تاني: طبعا الكلام مش لي.. ومن يجرؤ أصلا.. وبهدوء نظرت خلفي بفضول لأعرف لمن الكلام و.. هاهاها.. دا لي أنا!!

لكني ما سكتش.. "كشرت للضابط طبعا" وبهدوء أيضا دخلت جوه.. وما أن وصلت للرصيف... خرجت مني ضحكة..

• السبب: الحكاية مش حكاية مظاهرة,, دا موكب سيارات طائرة تقل "شخص مهم"..

وإذا عرف السبب.. بطل العجب..

• أخيرا: أكملت طريقي مبتسمة، و.. أخيرا ظهر الناس وعادت الحياة للشارع..


إقراء أيضا:
احذر.. الهواء فيه سم قاتل..!!