assalm alikom, ana al2wal kont 3aiza ashkorkm 3la elmawk3 elgameel dah w 3la elmaghod elgabbar elmabzol feeh, ana 3aiza a7ky moshklty bsor3a 3shan matolish 3likom ana fi bdait mada5lt elgam3a kont mashia w 7ata 2lby 3la idia lli 3aiz kont fe montaha el3`ba2 w elta5lof lama kont bafkr keda aw 7ata lama kont mo2mna b7aga esmha 7ob aslan w 7abit wa7d wtab3an kant kesa fahla gedan lesw2 el5tiar kan far2 elmostawa elegtma3i bina kbeer gedan (ana kont a3la menoh bmra7l) 3la elr3`m en mastwah elmadi kwis zaina keda ya3ni bylbs nafs elmarkat w biakl fi nafs elmata3am, elmohm iamha 7slt mashakel kteer ma3a elbnt elli kant wa2taha sa7bti gedan w b3dna 3an ba3d w 5ant thekty fiha lama a5tart enha t7b nafs elsha5s, w7akt lih mo3zam asrary b3dt 3nohm homa elatnin w karrt men wa2tha eny a7ot 3la 2lby she3ar (my heart is locked l7een ish3ar a5r) w ma7oeltsh at3rf 3la ay (male) ayan kan, kerhthom kolhom ama as7aby elbanat sa7bt shella ma2drtsh astmr m3ahom kteer m3 eny a3rfhom men ayam e3dady (kano men nafs taba2ty elegtma3ia w elthakafia w elmadia bas kano kolhom ma3`rorin gedan) ana 7alian sa7bt shella gdida tmaman wallahy nas kwiseen gedan w taibeen gedan gedan bas kol elnas by2olly ih ennas elbi2a dol?? wba7s f 3ionhm (shellty el2adima) nazrt shamata la2ny sebtohom w sa7bt ennas elbi2a dol(men wegeht nazarhom) moshklty dlwa2ty eny mesh 2adra ansagm m3a 7ad abdan ba3d makan lia as7ab kteer fo2 elwasf ledargt enmhom kanw masminy (world wide) men kotr as7aby ma3dsh lia nefs aklm 7ad la wlad wla banat wa5dt mawkf 3dwani men kol elwlad elli feldonia ba2it 7asa eny wa7ida bas elli masbrny en 3lakty m3a ahly el7amdollah koisa gedan ana mesh 3arfa a3ml ih ana 7asa bfra3` 3atfy kbeer gedan basod ay 7ad yt2rbly (men elgens ala5rr) b3`ba2 wb3tbr ay 7ad menhom klamoh kedb f kedb, 5aifa enoh ytkrr nafs elsinario tany, 2olt fatra w hat3dy bas ma3dtsh ana keda b2aly sanateen as7aby ma3dtsh bathk fihom neha2y 5aifa la y5ono thekty fihom zay sa7bty el2walania ba2a elenternet howa sadiky alwa7id ANA BGAD MESH 2ADRA ANSAGM M3A 7AD afidony afadkom allah wasfa gfdan law sad3tokom
21/09/2007 السلام عليكم، أنا الأول كنت عايزة أشكركم على الموقع الجميل ده وعلى المجهود الجبار المبذول فيه، أنا عايزة أحكي مشكلتي بسرعة عشان متقلش عليكم.أنا في بداية مادخلت الجامعة كنت ماشية وحاطة قلبي على إيديا للي عايز، كنت في منتهى الغباء والتخلف لما كنت بفكر كدة، وحتى لما كنت مؤمنة بحاجة اسمها حب أصلا وحبيت واحد وطبعا كانت قصة فاشلة جدا لسوء الاختيار كان فرق المستوى الاجتماعي بينا كبير جدا (أنا كنت أعلى منه بمراحل) على الرغم إن مستواه المادي كويس زينا كدة يعني بيلبس نفس الماركات وبياكل في نفس المطاعم، المهم أيامها حصلت مشاكل كتير مع البنت الي كانت وقتها صحبتي جدا وبعدنا عن بعض وخانت ثقتي فيها لما اختارت أنها تحب نفس الشخص، وحكت ليه معظم أسراري؛بعدت عنهم هم الاتنين وقررت من وقتها إني أحط على قلبي شعار (my heart is locked قلبي مقفول لحين إشعار آخر) ومحاولتش أتعرف على أي (male ذكر) أيًا كان، كرهتهم كلهم، أما أصحابي البنات صاحبت شلة مقدرتش أستمر معاهم كتير مع إني أعرفهم من أيام إعدادي (كانوا من نفس طبقتي الاجتماعية والثقافية والمادية بس كانوا كلهم مغرورين جدا) أنا حاليا صاحبت شلة جديدة تماما والله ناس كويسين جدا وطيبين جدا جدا بس كل الناس بيقولولي إيه الناس البيئة دول؟؟ وبحس في عيونهم (شلتي القديمة) نظرة شماتة لأني سبتهم وصاحبت الناس البيئة دول (من وجهة نظرهم).مشكلتي دلوقتي إني مش قادرة أنسجم مع حد أبدًا بعد ما كان ليا أصحاب كتير فوق الوصف لدرجة إنهم كانوا مسميني (world wide) من كتر أصحابي، معدش ليا نفس أكلم حد لا ولاد ولا بنات وخدت موقف عدواني من كل الولاد الي في الدنيا، بقيت حاسة إني وحيدة بس الي مصبرني إن علاقتي مع أهلي الحمد لله كويسة جدا.أنا مش عارفة أعمل إيه أنا حاسة بفراغ عاطفي كبير جدا بصد أي حد يتقربلي (من الجنس الآخر) بغباء وبعتبر أي حد منهم كلامه كدب في كدب، خايفة إنه يتكرر نفس السيناريو تاني، قلت فترة وهتعدي بس معدتش أنا كدة بقالي سنتين أصحابي معدتش بثق فيهم نهائي خايفة لايخونوا ثقتي فيهم زي صحبتي الأولانية، بئى الإنترنت هو صديقي الوحيد (((أنا بجد مش قادرة أنسجم مع حد))) أفيدوني أفادكم الله وآسفة جدا لو صدعتكم.21/09/2007
