هل صديقتي شاذة؟؟ ماذا أفعل؟

الاسم:	حور الجنة
السن:	20-25
الجنس:	C?E?
الديانة:	مسلمة
البلد:	مصر
عنوان المشكلة:	هل صديقتي شاذة؟؟ ماذا أفعل؟
تصنيف المشكلة:	نفسجنسي: قلق مثلي Homosexual Anxiety
تاريخ النشر:	25/10/2007

تفاصيل المشكلة
أنا كنت مترددة كتير قبل ما أكتب مشكلتي لأنها في رأي الكتير ممكن تكون حاجة عادية ومتقلقش.. بس أنا حكون بجد شاكرة اهتمامكم بمشكلتي.. أولا هي مرتبطة بصديقتي... تصرفاتها معايا محسساني إنها شاذة.. بدأت أخاف قوي منها وأنا خايفة أكون بظلمها لمجرد تصرفات هي بتعملها.. هي بنت متدينة وأشهد لها بالالتزام أكتر مني كمان لكني عارفة إن الشذوذ مرض مش بإيد حد.. إحنا أصحاب من خمس سنين.. هحكيلكم تصرفاتها وأرجوكم عاوزه أعرف هل هي مريضة ولا مجرد حب صديقة لصديقتها. بتغير علي من أي حاجة.. وغيرة صعبة مش عادية على العلم إن غيرتها من صحابنا البنات.. أنا وهي ملناش أصحاب أولاد في الجامعة.. بس هي مش بتكلم أولاد عشان مش بتحبهم أصلا. حصلت بينا مشكلة فظيعة وبعدت عنها بسببها أربع شهور وكانت بسبب غيرتها بردو..أما واحدة من صحابي قعدت معايا في الجامعة لوحدنا لقيتها زعلت قوي وكانت خلاص حتعيط.. مش عاوزاني أكلم حد خالص حتى البنات صحابي ولو كلمتهم تكون معايا.. وأما زعلت منها من غيرتها دي وتحكمها ده "كتبت لي جواب غرامي" والله بقيت أقرأه وحاسة إن ولد كتبه لي, الخوف دخل قلبي زيادة وقررت إني فعلا مكلمهاش تاني.. لكن محاولتها عشان تصالحني موقفتش ومع ضغط أصحابي وبكائها ليا عشان مزعلش منها مقدرتش ما أكلمهاش. موقف كمان كنا مرة سواء ومعانا صديقة تالتة يومها عارفوا مني إني بحب واحد قريبي وهو كمان بيحبني لقيتها انهارت وقعدت تعيط وبعدين سابتنا ومشت وتعبت فيها حوالي أسبوع قاعدة في البيت. وحصل كتير إنها تتكلم معايا عن أخويا إنهم يتجوزوا يعني مع إنها ما تعرفوش ولا هو كمان.. قلت في نفسي كويس أهي كده على الأقل بتفكر في الولاد.. لقيتها بتقولي إنها لو اتجوزت أخويا هي كده هتكون معايا علطول وفي بيت واحد.. ولما لقيتها كده وبتغير علي قوي كده كلمتها وقلتلها إن تصرفاتها كده متنفعش لأني ما بحبش التحكم من صحابي.. لقيتها بتقولي أنا من صغري كده.. طلع إنها قبل ما تكون صحبتي كان ليها واحدة جارتها وكانوا أصحاب قوي.. كانت بتتصرف معاها كده بردو وما بتحبش إنها تتكلم مع بنات ولا ولاد غير ها.. وبتقولي أما صحبتها دي اتخطبت هي انهارت وتعبت فيها فترة طويلة وكان الموضوع وصل إنها فكرت تفرق بينهم باي طريقة عشان بتغير على صحبتها من خطيبها.. لكن ربنا هداها ومعملتش حاجة وقالت لي رضيت بالأمر الواقع "هما خلاص لبعض هزعل ليه بقى".. موقف حصلها وهي في الثانوي.. كان في بنت معاها في الفصل لكن مش صحبتها ولا حتى زميلتها.. مجرد بنت معاها في الفصل.. صحبتي قالت لي إنها اتعلقت بيها قوي مع إنهم مكنوش بيكلموا بعض.. البنت دي حولت من المدرسة لمدرسة تانيه.. صحبتي قالت لي أما حصل كده جالها اكتئاب وانهارت وأخذت حوالي سنة لحد ما عرفت تتأقلم على إن البنت دي خلاص مش معاها في فصل واحد.. كمان طلبت مني مرة أبات معاها في بيتهم لأن كان عندنا تاني يوم سفر وكان نفسها إني أبات معاها.. أنا رفضت لأني ما ينفعش أبات عند أي حد من صحابي أي كانت الظروف.. تكرر طلبها ده مرة تانية لما أخويا كان مسافر كانت عاوزه هي تيجي وتبات معايا.. أنا هربت من الموضوع عشان ما تجيش تبات معايا. أخويا الكبير قالي إنها كده شاذة.. وخايف علي قوي منها وقلقي أنا كمان زاد لأني مش عارفة أبعد عنها عشان أكيد حيجرالها حاجة وأنا مش عاوزه أكون السبب في تعبها. أرجوكم تردوا علي بسرعة لأن أنا علطول بشوفها وقلقي تعبني ومش مخليني أنام وبدأ معايا بحالة اكتئاب بقالي فترة.. معلش أزعجتكم بكلامي الكتير... 07/10/2007

التعليق على المشكلة
حضرة الأخت الكريمة حور الجنة حفظك الله؛ السلام عليكم ورحمة الله وبركاته هكذا هي الحياة، بستان مليء بالأزهار، والأزهار من كل الأنواع والألوان والروائح. فمنها جميل المنظر وتنقصه الرائحة، ومنها المليئة بالأشواك، أو ما يترك أثراً على اليدين والملابس... هكذا هي صديقتك!.. وردة من تلك الورود التي لا تستطيعين أن تمسيها لتشمي أريجها إلا وتترك على يديكِ وملابسكِ من ألوانها المزعجة التي تتطلّب الكثير من العناء للتخلص منها. أما بالنسبة للزهرة؛ فهي عند الاستفادة منها، تتفانى وتذبل، وقد تموت. هذا هو الجواب الأدبي، إذا ما أجابكِ الشاعر مني. أما الطبيب فيقول لكِ: إن صديقتك قد لا تكون مِثلية الميول، ولكنها بالطبع تحتوي على ضعف في الشخصية، وهي بحاجة للتملّك، لأن جعبتها العاطفية فارغة. فهي تتعلق بكل ما ينتمي لها من ثوب أو لعبة أو عطر أو... أو صديقة. فهي عاطفية أكثر من اللزوم، كالأم العاطفية جداً، ومن شدة حبها للأولاد قد تخنقهم. كما أننا قد نجد بعض الأمهات اللواتي لا يقبلن بتزويج أولادهن من شدة التعلق بهم وقوة حبهم في قلبها. المهم: هذه الفتاة يجب أن تذهب إلى الطبيب النفساني كي يعمل لها جلسات تحليل نفسي ومعالجات نفسية كي تتخلص من عقدها الغير طبيعية تلك. أما أنتِ: بالتأكيد قد تثقل صداقتها كاهلك في بعض الأحيان. وإذا كانت مريضة نفسياً أو ضعيفة؛ فلا يجب التخلي عنها لأن ذلك أريح لأعصابنا. وإذا كنا بحاجة إليها، نستفيد منها ونستغلّ عطاءها اللامحدود. إذاً، ماذا يجب عمله؟ هو أن نتباحث معها عن المشكلة ونجعلها تعترف أن ما بها هو حالة مَرَضِيَّة غير عادية يجب معالجتها. وأن نقترح عليها زيارة طبيب نفسي أخصائي لمعالجتها كي تصير أفضل وأحسن صديقة، ولكن بدون الآفات المزعجة والتي تبعد عنها كل صديق ممكن. إذا لم تنجح محاولتك، عندها يعود القرار لكِ، بانتقاء صديقة أخرى، أو محاولة إصلاحها بنفسك. والسلام عليكم ورحمة الله وبركاته. * ويضيف الدكتور وائل أبو هندي الابنة العزيزة أهلا وسهلا بك على مجانين وشكرا على ثقتك، ليس لدي ما أضيف بعد ما تفضل به مجيبك الدكتور قاسم، فقط أصحح لك ما ورد في كلماتك من أن شذوذ صديقتك إذا كانت شاذة هو أمرٌ ليس بيديها فهذا غير صحيح لا علميا ولا اجتماعيا، وأعطيك بعض الروابط من على مجانين فاقرئي: حبي لصديقتي....أين يأخذني؟متابعة صداقة البنات!؟ الحب بين بنتين: حب مش طبيعي متابعة2 الحدود الطبيعية للحب المثلى متابعة التفكير وأدوات الجزم والنفي هجرتني حبيبتي: فلا أنام وأهلا وسهلا بك دائما فتابعينا.

المستشار:	د.قاسم كسروان