الحائرة للأبد..!؟
السلام عليكم؛ أنا أرسلت رسالتي قبل كده بعنوان(رودينا وأحمد ونزار مين يكسب) أنا مازلت في مشكلة وحائرة جدا وأرجو أني أصل إلى حل لأني فعلا مبقتش عارفة أفكر نهائي.
آسفة جدا أني هطول عليكم بجد بس أرجو المساعدة في البداية أنا حكايتي كبيرة جدا بس هحاول على قد ما أقدر أنى أقول المشكلة بتاعتى أنا كنت مخطوبة لشخص يحبني جد وأحبه جدا بس قبل ما يحبني كان بيعرف بنات كتير جدا بس لما اتخطبنا الحمد لله لما يعرف أحد وبعدين أنا مكنتش مرتاحة معاه في حاجات وقولت هحاول أنى هغيرها معه بس بالتفاهم.
مثلا تفكيره غير تفكيري بيحب اللي في دماغه بس هو اللي يمشي ولو قلت له مثلا غير أي حاجه مثلا مكنش بيهتم بمظهره معايا بس الأول أيام البنات كان بيهتم بالمظهر جدا ولما سألته قال عشان أنا كنت بهتم بالمظهر عشان البنات أما دلوقتى أنا لقيت البنت دى وزعل جد وقال لي أنت بتهتمى بالمظاهر قولته أنا لو مش عايزك كويس مكنتش قولت لك أهتم بنفسك عادى أنا كان ممكن أنا بس أهتم بنفسي ومالكش أي حاجة المهم مقدرتش أستحمل وكلمته كتير جدا وهو هو مش همه واخد قرار بعد عذاب أني أسيبه وفكرت كثير جدا بعد مدة في ألم وعذاب وأخذت القرار فعلا وقولته ولما عرف قال لي أنت كده بتدمريني المهم سبنا بعض فعلا وكان ينظر لي نظرات أنا مش فهماها المشكلة الأساسية أنه جانبي ودايما بشوفه أمامي.
المهم فضلت على كده حوالي 3 شهور وبعد كده كانت في واحدة معايا في الموضوع بتاعي أنا وهو وعارفه كل حاجه وكان بيتصل بها يقول لها أنا مش عارف أعيش أزاى من غيرها حاولي تكلميها ونرجع لبعض وفعلا كلمتني بس قبل ما تكلمني أنا لاحظت عليه أنه بيكلم بنات تانى ورجع للموضوع دا وعمل علاقة مع بنت بس بالنظرات المهم لما عرفت قلت لها هو دا اللي عايز يرجع وهيموت عشاني فقالت أيوة هو عايز يكلمك، ووافقت أنه يكلمني وواجهته بالموقف وقال لي هي اللى بتبص مش أنا وهو طبعا كان بينظر لها وقال لي خلاص أنا مش هعمل كده بس نرجع لبعض وفكرت فعلا في الموضوع بس كان في مشكله أنه بارضه متغيرش.
وحولت قولته أعمل خطوة تغيير عشان نرجع لبعض تانى وقال لي لما نرجع لبعض هتغير وعرفت في الأيام دى كلام عنه أنه سلوكه مبقاش حلو يعنى مشى في سكة مش حلوة وواجهته بالموضوع وقال لي كل دا كذب مع أن أقرب ناس لي قالوا لي هذا الكلام المهم أخذت كمان 2شهر وإحنا بنكلم بعض تانى وبعد كده قولت له أتغير حاول قالى لما نرجع قولت لا صممت وقفلت معه على أساس أنه هيكلمنى تانى ويقول أنى أتغيرت، لكن لا أمل المهم أنا طول الفترة دى تقدم لي كثير وأنا كنت برفض لأني بحبه.
وبعد كام شهر سمعت أنه هيخطب وانهارت جدا وعرفت أنه بتاع كلام جدا ومصدقتش غير لما عرفت من صاحبتي فعلا وكانت في حاجات عنده مثلا صورتي ولما كنت عايزها قال لا المهم قبل الخطوبة بأيام قابل صحبتنا وقال لها أنا عايز أكلم ضروري وكلمها وقالت له مبروك على الخطوبة المهم قال لها هي اللي عملت في كده أنا معرفش أنا عملت كده ازاي أنا لسه بحبها وصعب أنساها ونفسي أرجع لها أنا الثانية عارفة أني بحبها لسة ومش هنساها.
المهم كلمتني وقالت لي هو عايز يكلمك ودي أخر فرصة ليكو أنتو الاثنين ووفقت فعلا وكلمني وقال لي أنا مش هقدر أستحمل أكتر من كده قولت له أنت خلاص روحت اتقدمت وهتخطب قال لي أنا مش عارف عملت كده أزاى ومش عارف أعمل أية وكان اللى هيخطبها أنا عارفها وعارفة عني كل حاجة تقريبا عنه كمان وحكى لها كل حاجة وعارفة أننا بنحب بعض أزاى بس كمان هي كانت لسه خارجه من تجربة ومعرفش هي وافقت أزاي وعارفه أننا كان ممكن نرجع لبعض تانى المهم قال لي أنت ممكن تكلميها وتقولي لها أنها تسبنى ونرجع لبعض تانى أنا وأنت رفضت طبعا عشان مش ينفع المفروض وهو اللي يكلمها وفضلنا نتكلم كل يوم لحد ما جاء يوم وقال لي أنا فتحتها في الموضوع ولما عرفت أغموا عليها وأنا مش عارف أعمل أية أنا مش بحب أظلم حد معايا وهو مش بيحبها أو هيحاول يحبها.
وفتح أهله تانى في الموضوع وقالوا له أنت كده حرام عليك أنت كده هتظلمها هي عملت معاك أية المهم طبعا منفعش أننا نرجع لبعض تانى وقال لي مش هينفع وخالنا أصدقاء وبس والله أنا بحبك جداااااااااااااا، ومش هقدر أنساك وقلت له خلا ص كده الموضوع انتهى بجد وخلاص كده وعرفت بعدها أنه خطب وعمل خطوبه وعادى جدا وققرات بعدها أنى أنساه وبحاول والأصعب أنى جانبي ودايما بينظر لي أنا بجد مش عارفه أعمل أية يا ريت حد يساعدني ها أنا كده غلطانة.
أنا قولت خلاص كده الموضوع انتهى بس مش عارفه في إيه؟؟؟
وبعد كدة حصل الموضوع دا بعد خطوبته بشهرين بس كان دايما بينظر لي وكان ممكن نتصادف كتير جدا لأنه طبعا قريبي وساكن جانبي في نفس الوقت. قال لي أنه فعلا عايز يسبها ويرجع لي مع أن الإنسانة كانت عارفنى ولحد دلوقتى هي خايفة يسبها ونرجع لبعض كانت متأكدة أن دا هيحصل وهى لو متأكدة أنها بتعمل حاجه صح مكنتش خافت من شيء.
أنا دلوقت في مشكلة موضوعي لسه لم ينتهي دلوقت طبعا بعد ما خطيبي أو حبيبي خطب واحدة أخرى كلمني تانى وقال لي والله أنا فعلا عايزة أسيبها لأني عرفت حاجات كتير وأنا كنت غلطان جداااااا وتسرعت بس أنا سمعت كلام جرح كرامتي ومشاعري المشكلة دلوقت أنه فعلا بيقول أنى بحبك أنت والله أنت لسة زى مانتى ومش بفكر في حد غيرك بس كل اللى خايف منه أنى أظلم الإنسانة الأخرى وهيبقى في مشكلة ثانية مع الأهل بجد أنا مش عارفه أعمل أيةةةةةةةةةةةة ونفسي والله أوصل لحل بجد أنا تعبت جدااااا
بجد يا جماعة نفسي حد يساعدني هل أستمر معه ونرجع لبعض ولا نسمع لكلام أحد أم ماذا أفعل مع العلم أن ممكن يكون في مشكلة بين الأهل بس الله وأعلم ممكن تتصلح أرجو الرد؟؟؟
بس فعلا في حاجات حصلت كتير جدااا وناس كثير أقوى وقعوا ما بيننا وقدروا أنهم يفرقونا عن بعض ماذا أفعل مع العلم أنه قريبي ودائما بشوفه ومع العلم برضه أن الإنسانة اللى خطبها دى عارفة كل حاجة وعارفة أد أية أحنا بنحب بعض وكان ما بيننا موضوع رجوع بس هي تدخلت في وقت جرح وقدرت أنها تسيطر ليه لحد ما خطبها والله وأعلم وهو قال لي أنا مش حاسس بناحيتها بأي حاجة وهسبها بس أنا خايف أظلمها بس اللي متأكد منه أني مش عارف عملت كده ازاي ورحت خطبتها بس أنا سمع كلام وضايقني ومكانتش عارف أفكر.
ماذا أفعل أنا بالله عليك أتمنى الرد في أسرع وقت مع العلم أنه هو اللى كلمني مش أنا.
الحائرة ومازلت حائرة؟؟؟؟
10/11/2006
رد المستشار
رسالتك أحبطتني وجعلتني أكرر أسئلة تقفز في ذهني مرات ومرات "لمن نتحدث"؟ وماذا يفعل من نحدثهم بما ننصحهم به"؟ ..... فأشعر أحيانا أننا نتحدث لكائنات ليست من عالمنا تسمع بأعينها وتفكر من وراء أذنها!! ونحن نطلق في الفضاء الإلكتروني أسهما تحمل نصائح حقا "غالية" ولكن يبدو أن هناك مالطة جديدة وقف مستشارونا يؤذنون بها.
ولكن كالعادة سأعود إليك وأقول... نحن نظلم الحب عندما نلصقه بأفعال المحبين فنلعنه مرة ونخافه مرة ونكذب به مرات والحب مما صنع المحبون برااااااء....... فلا المحبون محبون ولا نعلم عن الحب إلا قليلا... تتحدثين عن خوفه من ظلم خطيبته... فأين ظلمه لنفسه وظلمه لك طوال الفترة الماضية؟
تتحدثين عن تغييره... فأين هذا التغيير؟ عندما عرف أخريات وخطب إحداهن وأنت معه في فكره وقلبه دون أن تتغير مشاعره تجاهك طوال فترات عبثه؟
وهل تغيير الرجل مقرون بارتباطه وهل تغيير المرأة مقرون بارتباطها فالتغيير احتياج داخلي ينبع من النفس عندما يشعر الإنسان أنه لابد أن يتغير فلا ينتظر صاعقة من السماء أو امرأة يتغير من أجلها!!... فأنت تكررين خطأك للمرة الثالثة وللأسف مع نفس الشخص.
أعلم أنك تحملين له مشاعر ولكنها في غير موضعها فأنت تحبين شخصا آخر في خيالك وحين تتعاملين معه في الواقع تجدينه عابثا.. مهملا.. غادرا.. تائها.."ملخبط" فتنكرين ما يهديك إليه عقلك انتظارا لمكالمة منه يقول لك فيها لقد تغيرت!!!!
فالحب مشاعر جميلة رائعة تحلق بنا حتى نكاد نلمس بها السماء ولكنها مشاعر مسئولة لابد أن يترتب عليها "فعل مسئول" لأن بعده حياة...
وحبيبك لا يستطيع أن يقرر ماذا سيأكل!! فلتذهب الوعود الخادعة والقصة المؤلمة للجحيم
وانهضي ولا يأخذك "حنين خائب" وذكريات مشوهة إلى طريق مالطة الجديدة، ولا تضحكي على نفسك بكيف تفعل خطيبته هذا وهي تعلم بحبكما أو أولاد "ال....." الذين أوقعوا بينكما، فالشمس واضحة في السماء يراها كل البشر إلا من يرتدون نظارة كتب عليها "اغدر بنفسك"!