الصف العادي م
إنت يا أميرة بدران ردك قاسي وفلسفي
17/1/2008
رد المستشار
بيقولك واحد مش مهم؛ بيشتغل شغلانه مش مهمة؛ من بلد مش مهمة؛ اتكلم في موضوع مش مهم، وقال من غير تكلفة أو أدب إنت يا أميرة بدران ردك قال إيه قاسي وفلسفي وكان قدامه ثلاث اختيارات:
الأول: أنه ابن يومين بس في الموقع وقرأ له إجابتين ثلاثة وطلع بكده؛ مع أن الناس اللي بتفهم عارفة أنو كانت بيتقال عليها أنها عاطفية وتطبطب وبتقول اللي مفروض يتعمل بأشيك طريقة ممكنة
الثاني: أنه قاعد فاضي تحت التكييف وحاطط رجل على رجل لا عارف المستشار يعني إيه دمه يتحرق وقلبه يوجعه ودوره ناحية المجتمع يبقي فرض عليه رغم أن عنده ثلاثمائة ألف حاجة ثانية مايقدرش واحد عنده 25 سنة يتحمل رُبعها أو يضحي بوقت وجهد وأعصاب علشان بس يقعد يثبت بديهيات.
الثالث: أنه نصّب نفسه حاكما يحكم (على أي أساس مش عارفين) وبدل ما يفيدنا بمشاركته الحنونة الودودة وحلوله العملية المعملية بعت يقول قاسي وفلسفي.
عموماً الرد عليه كمان "مش مهم" ولو حتى بعت لنا ثاني بأي صيغة بأي إيميل بأي بتنجان اللي زيه نقول له الكلام مرة واحدة بس (يقدر يضيف متغطرسة لو حب) أو يختار الاختيار الرابع اللي اتكسفت اكتبه لأنه قاسي وفلسفي.
ويتبع >>>>>: الصف العادي : م مستشار