من شهر 7 جاءت لي فكرة أن أقتل أخويا بالسكينة وأن حد بيحرضني على كده، لقيت نفسي برتعش وضربات قلبي زادت ومش عارفة ليه كنت حاسة أني هقتل أهلي بجد فضلت ليل نهار نايمة ومش عاوزة أقوم وأمي تقول فين بنتي بنتي مكنتش بتنام كل ده إنت مش "دنيا" كنت بكتم نفسي بمخدة وكنت هموت بس أبويا دخل عليّ الأوضة وشلتها
مريت بالأفكار دي من يوم 24/5 لحد دلوقتي والأفكار بتتطور لأفكار ثانية ومحرجة زي إني أقول حاجات غصبا عني أو أسيب الدرس وأمشي أو أرمي نفسي من الشباك أو أقتل أمي وأبويا وأخويا وأروح المطبخ وأمسك سكينة مش عارفة أسيطر على أفكاري ومش هقول اللي كان بيحصل لي بالتفصيل لأن دي حاجة مختصرة مش هكتب كل ده
المهم كان يوم الأستاذ بيسألنا في البرهان الهندسة المهم كل واحدة لازم تسمع فجأة حسيت نفسي خايفة كل ما يقرب دوري وضربات قلبي فجأة زادت حسيت بحاجة بتنفض في قلبي وكأن عليّ جن بيتحرك جوايا لقيت وشي بيتهز أول ما جه دوري جيت أجاوب صوتي ارتعش وانقطع مع أني عارفة الإجابة ولقيت وشي بيتهز ميلت رأسي على إيدي عشان ميشفونيش وكل صحابي جروا عليّ وهما مقتنعين إنها أنيميا
والموضوع تكرر ثاني يوم في درس العلوم والدروس بقت فوبيا بالنسبة لي مع العلم أنا شاطرة وعارفة الإجابة بس ده اللي حصل لي
وبفكر بالانتحار وخايفة يجيء ميعاد الدرس وقاعدة بحسب في الساعة
وعندي درس يوم الأحد الساعة ١ وهنتحر قبل ما أروح
03/07/2022
رد المستشار
الابنة الفاضلة "دنيا" أهلا وسهلا بك على مجانين وشكرا على ثقتك، واستعمالك خدمة الاستشارات بالموقع.
عنونت إفادتك بـ"هل هذا مرض؟" ... طيب أنا راضي ذمتك ماذا يمكن أن يكون إذن؟ أن يشعر الإنسان بأن أفكارا مرفوضة ومشاعر مؤلمة ومخيفة تسيطر عليه وتؤلمه بهذا الشكل؟ وتربكه بين أصحابه وفي حلقة الدرس؟ وتجعله يتحاشى أهله ... ويكتئب ويفكر في الانتحار؟ لا أظن مجالا في حدود العقل يسمح بمثل هذا السؤال.
الأعراض الموصوفة تشير إلى اضطراب نفساني حقيقي وأنت في سن حرجة بالنسبة لأعراض القلق والهلع والدفعات الوسواسية والاكتئاب (أقول حاجات غصبا عني أو أسيب الدرس وأمشي أو أرمي نفسي من الشباك أو أقتل أمي وأبويا وأخويا وأروح المطبخ وأمسك سكينة مش عارفة تسيطر على أفكاري ومش هقول اللي كان بيحصل لي بالتفصيل) للأسف التفصيل هنا كان مهما من الناحية التشخيصية وعليك التفصيل مع معالجك ثم معنا في المتابعة إن أردت لكن من فضلك لا يصح أن تطيلي الانتظار والتساؤل عليك بسرعة التواصل مع طبيب نفساني.
ومرة أخرى أهلا وسهلا بك دائما على موقع مجانين فتابعينا بالتطورات.