الزوجه الخائنة
السلام عليكم، متزوج من 12 سنة زوجتي خريجة معهد آداب آثار وأقارب من بعيد نلتقي في الجد الخامس وكان بيننا زيارات عائلية وهي من اعترفت لي أولا بحبها لم أكن في البداية أبادلها نفس الشعور ولكن رأيتها مناسبة لي وأن حبها لي سيغير من طريقة تفكيرها ومن عدم التزامها الديني
في البداية هي مريضة سكر من قبل الزواج ووزنها كان 117 كجم وقررت أقف جنبها لأن مفيش حد بيختار يجيله مرض وأنا كمان معرض يجيلي سكر لأن أهلي كلهم عندهم سكر
مشكلات أول الزواج
الطامه الكبرى أن عضلات المهبل عندها كانت تعاني من ارتخاء رهيب وكنت لا أصل إلى القذف إلا بعد وقت طويل وكنت أعتقد أن هذه مشكلة عندي وبعد فحص وكشف وبعض الأطباء يقولون مستحيل بنت تكون كده والبعض بالكشف يقول نعم هناك ضعف في العضلات وحملت بعد أول 3 شهور .
المهم تغلبنا على هذه المشكلة أننا عملت عملية لشد عضلات الحوض الأولى منجحتش قوي بس حسنت الموضوع بفضل الله وده كان في 2 سنة جواز وعملت عملية تانية في 5 سنة جواز وده ضبطت الدنيا قوي وبقت حياتنا الجنسية ممتازة
مشكلة السكر مع الوزن لأن بعد الزواج بقى الوزن بيزيد لدرجة بتتعبها وهي نايمة من شخير وقلق السكر لا يستقر علوا وهبوطا وكان التراكمي بيوصل 12 إلى 14 وهي غير ملتزمة بالعلاج بل اكتشفت أنها كانت بتبيع الأدوية لا أعلم احتياجا للمال ولا علشان مقولش إنت ليه مش بتاخدي الدواء وكثيرا اتخانقنا بسبب عدم الالتزام سواء في الصلاة أو في مواعيد النوم أو في الدواء
المشاكل الفكرية : هي حد فاضي قوي حاولت كتير أخليها تقرأ فشلت طيب سوشيال ونت بقت تتابع حاجات فاضية وهندي وتركي حتى حاجات تربية الأطفال أو وصفات الجمال والعناية بالمرأة كنت أنا اللي بدور عليها وهي ولا الهواء
عدى 5 سنين ومشاكلنا بتكتر اقترحت عليها أن أتجوز حد يشيل عنها شوية طلباتي اللي هي مش قادرة عليها وافقت ثم رفضت قولت لها طيب أنا عاوز منك حاجات معينة وكانت عبارة عن التزام ديني وسلوكي ليس إلا محطتش فيها نزول وزن ولا أي شيء قاسي عليها وكتبت الحاجات دي واتفقنا على 6 شهور الورقة ضاعت ولم ينفذ أي طلب من طلباتي
عرضت عليها أتجوز وإنى بحبها وعاوز أكمل معها بس يمكن أنا اللي طلباتي أوفر وإنت كويسة وزي الفل
المهم اتجوزت إنسانة كويسة جدا ولكن حصلت مشاكل كتير اتجوزنا 4 سنين ونص وفي الآخر قررت أنها مش هينفع تكمل معايا وزوجتي الأولى معايا
في هذه الأثناء اكتشفت أن زوجتي الأول أم بناتي بتكلم سواق على التليفون منذ سنتين ونصف وبتقول هو اللي بدأ معاها لما عرف إن جوزها متجوز عليها يعلم الله أني ماقصرتش معاها حتى بعد زواجي عليها باعترافها وإني كنت أكتر حد بيهتم بصحتها وأن أي فلوس كانت بتعوزها لأهلها لضيق حالتهم كنت بعطيها وعملت عملية تحويل مسار وعملية شد عضلات الحوض وخلفنا بنتنا الثانية وأنا متزوج عليها
سامحتها على القصة ومحدش عرف غير أبوها أنا أصريت إنها تتصل بيه وتقوله قعدنا في مشاكل كتير منذ 2016 ليس لها أسباب وحسيت بواحدة بتتلكك علشان تطلق ومش فارق معاها عيال تسيبهم لأتفه الأسباب وتغضب اكتشفت بعد كده أنها على علاقة على الفيس والتليفون بواحد من بلدهم وكان بيزور أبوها كتير وللأسف للمرة الثانية سامحت بس المرة دي للأسف كنت سمعت مكالمات التليفون وكان صعب علي جدا وطلبت منها إنها تحاول ترجع الثقة بينا وإن مفيش نت تاني ولا موبايل بعد كده رجعت الموبايل علشان مدارس البنات وعلشان لما تخرج
المهم لكثرت إهمالها ونفورها وإنها لا تتابع حتى البنات علشان لو لا قيتها مركزة مع الموبايل ومهملة معانا أخدت منها الموبايل غضبت شهر ونص ومرجعتش غير بوعد إن الموبايل لا كنت خايف أراقبها تاني أتوجع أكتر ودورت على زوجة تكون شرط أساسي تقبل بتربية الأبناء إذا ماتت أمهم أو طلقت
وفي هذه الأثناء اتلككت على مشكلة هبلة إني لاقيتها بتشتم علي مع أمها طيب ليه أنا مقصرتش معاكي أصرت على الطلاق وقالت لي إنت قولت لو مش قادرة تعيشي اطلبي الطلاق أحسن ما تعملي حاجة غلط وعيالك عندك وأنا هبقى آجي أزورهم
فعلا اطلقنا وأنا اتجوزت وحاولت أرجعها علشان الدنيا تستقر وأبقى خلصت كل اللي علي لم ترفض ولم تقبل وقعدت تسوف وحاولت إن علاقتنا تستمر حتى بعد انقضاء العدة وكلمات حب ولما تيجي لا مانع من مداعبات بل طلبت مني أن أجامعها ولكني بحمد الله مسكت نفسي
حاولت أضع حد للعلاقة يا إما نرجع يا إما خلاص أركز في دنيتي لاقيت تسويف وإن ممكن أرجع بس مش دلوقت حسيت ساعتها إن فيه حد تاني وإنها مستنية لحد ما تشوف الموضوع هيمشي ولا لا أغدقت عليها بالمال والهدايا في الفترة دي وكانت بتطلب زيادة بحجة إن مامتها محتاجة أشعة وتحاليل بطريقة لما عرفت أنها مش على علاقة مع واحد لا 10 رجال ما بين حب عذري وما بين رجال للمارسة الجنسية على الهاتف وما بين مشاريع زواج لا تخلو من إرسال صور بقمصان النوم
أنا حتى الآن لم أفضحها ولن أفضحها مش علشانها علشان ربنا خالتها بس هي اللي عرفت نسيت أن أذكر أن بعد الخيانة الثانية روحنا لطبيبة نفسية وقالت لي أن هذا قلة تربية وقلة دين وعرفت فيما بعد أن كل المال كان لها وليس لأهلها وكانت تسرقني من بداية زواجنا رغم أني عامل لها مصروف شخصي طوال الفتره الماضيه حتى بعد طلاقنا قلت لها عدة مرات خلي بالك إوعي تعملي حاجة تهز سمعة أبوكي أو بناتك يتعايروا بيها.
قلت لها لو لسه عندك الإحساس بتاع زمان ممكن أوديكي لدكتور نفساني قالت لا أنا كويسة ومش محتاجة أنا حتى مش بفكر في الجنس رغم أني لقيت أنها حتى في رمضان اللي فات بتدخل تشوف أفلام جنسية وقصص عن السادية وسحاق
هل اللي هي فيه ده مرض نفسي
ولا سوء تربية وقلة دين
29/8/2019
رد المستشار
شكراً على مراسلتك الموقع.
سؤالك هو: هل هذا مرض نفسي أم قلة تربية ودين؟
لا يستطيع أحد إصدار الحكم عليها بل ولا يحق للموقع إبداء الرأي الأخلاقي على السيدة الفاضلة. الأهم من ذلك كله هي الآن طليقتك وعلاقتك معها فقط تتعلق برعاية الأطفال. إذا كانت لديك شكوك بأن سلوكها يؤثر سلبياً على الأطفال فعليك التوجه إلى القضاء لحسم أمر رعاية الأطفال.
دون ذلك عليك أن تتوقف عن مراقبتها فهي ليست زوجتك الآن. لا أظن بأن هناك حاجة لمراجعة طبيب نفساني بسبب سلوكيات معينة.
ربما هناك مشاكل نفسية تؤثر على أدائها السلوكي بسبب السمنة المفرطة أو توقف التنفس النومي والسكري، ولكن علاج هذه الحالات لا يمر على طريق الطب النفسي.
ربما هناك من يقول بأن مراقبتك لها تجاوزت حد المعقول والمقبول.
نصيحة الموقع
طلقتها وانتهى الأمر.
عليك فقط الحرص على تربية الأطفال وعلاقتها معهم واستعن بالقانون بدلا من الطب النفسي لحسم أمر رعاية الأطفال.
وفقك الله.
واقرأ أيضا:
أشك في زوجتي : لا تتجسس بل اقترب وتلمس
للحديث بقية
ثورة الشك : زوجتي والرقم المجهول