|
| 
|
فاشل أم حائر أم مكتئب؟ توقف عن الطب أولا ! م3
فاشل وعاجز
أنا صاحب مشكلات الشخصية التجنبية والخروج للحياة ومشكلة الملل والحيرة: تساؤلات تترى! ومشكلة فاشل أم حائر أم مكتئب اترك الطب أولا، وأرجو أنا يرد علي مستشار من مصر.
لو تركت الطب ماذا أعمل أنا شايف إن مفيش شغلانة أنفع فيها بجانب الطب، أنا حاسس إني محتاج أخش مستشفى نفسية لأضبط عاداتي وأتدرب على أشياء يومية، أنا مش قادر أذاكر حاجة ثانية ولا قادر أعمل أي شيء، أنا بروح لأكثر من دكتور نفساني منهم اللي شخصني بـ "factitious disorder" وبيقول لي مالكش علاج واللي شخصني باكتئاب بس ماشي على "سبرام" وحقن "كولبكسول" طويلة المفعول
مش عارف أنا حاسس إني معنديش حاجة كل اللي عندي مش قادر أشتغل ومش قادر أذاكر ثانية ومش قادر أعمل أي حاجة أنا عايز أموت حاسس إني ماليش لازمة ولا أساوي شيء ومش قادر أذاكر ولا أحفظ أي شيء، لا أعرف كيف أتكلم كويس وكيف أعبر عن الذي في داخلي. أنا حاولت أنتحر أو أخش في غيبوبة بابتلاع كمية كبيرة من أقراص "كويتابكس".
أنا انتهيت خلاص مش قادر أعمل حاجة كل حاجة ثقيلة، أقترح عليكم أخش مستشفى نفسية أقعد فيها بقية عمري أنا مش قادر أبقى منتج لأي حاجة أنا ضعت خلاص أنا بنام كثير كل الوقت فرجة على التلفزيون مش عارف أهتم بأي حاجة مش قادر أواكب الدنيا من حولي أنا مش عارف أنا عندي إيه زي ما قلت قبل كده دكاترة شخصوني بـ factitious disorder وقالوا لي مالكش علاج عندنا،
أنا ضايع أنا مش قادر أعمل حاجة خالص أنا فاشل ومش قادر أعمل لأهلي حاجة
مجرد عبء عليهم وهما زي ما بيقولوا لي كبروا وما عادوا يستحملوني.
30/05/2015
رد المستشار
عزيزي الطبيب الحائر منذ سنوات، أهلا ومرحبا بك على الموقع وشفاك الله وعافاك.
لقد راجعت استشاراتك السابقة وفحصت ردود مستشارينا الأفاضل وحجم الجهد الذي بذلوه لمساعدتك، كما لاحظت أنك لا تشير إلى ما فعلته من نصائحهم ونتيجة هذا، وأرى أنك ركزت كثيرا على الشكاوى دون أن تركز على ما فعلته للتخلص من تلك الشكاوى.
قد أختلف مع زملائي الأفاضل في تشخيص حالتك فأرى أعراضا ذهانية غير منتظمة، كما أرى أنها لم تؤخذ بعين الاعتبار من أطبائك المعالجين فلم أرى سوى (كيوتابين 50، كلوبكسول طويل المفعول) فأولهما جرعته غير كافية وثانيهما غير مناسب لحالتك تماما. كما أرى وجود اضطراب في الشخصية خليط بين شبه الفصامي والحدي.
لذا أرى:
أولا: أن تقوم بعمل قياسات نفسية لتحديد خلل الشخصية بدقة وكذلك عمل الصفحة النفسية الخاصة بك من خلال فحص كامل الأبعاد للنفسية.
ثانيا: أخذ جرعات علاجية مناسبة لحالتك ولمدد كافية.
ثالثا: جلسات منتظمة للعلاج النفسي بشقيه المعرفي والتحليلي التبصيري
وعليك أن تعلم وعلى معالجك أيضا أن يفهم أننا نتحدث عن سنوات من الجهد والصبر، ويمكنك اللجوء إلى أحد مستشارو الموقع حسب الأقرب لمحل سكنك وأعتقد أنهم قادرين على مساعدتك بشرط أن لا تتأخر وأن تأخذ الأمر بجدية، فالوضع خطير ويتطور من سيء إلى أسوأ.
وفقك الله وننتظر متابعتك القادمة
ويتبع>>>>>>: الشخصية التجنبية فاشل أم حائر أم مكتئب ؟ م5
تعليقات الأعضاء
11/06/2015 00:18:16
التعليق: أولا أنا فعلا بدعيلك من قلبي إن ربنا يشيل عنك وعني وعن جميع المسلمين
على فكرة أنا حاسس بيك لأن أنا بمر بنفس ما تمر به تقريبا وعاوز أنصحك وأنصح نفسي كمان أنك متستسلمش لما أنت فيه وعاوزك تقتنع أن أنت مش أتعس إنسان في الدنيا فيه اللي أتعس منك عشان أنت ملفتش الدنيا دي كلها ((ومفيش حد سعيد 100% في الدنيا أصلا))
ولازم تقتنع مفيش حد بياخد غير اللي ربنا قاسمه له وما أنت فيه ده ابتلاء فمطلوب منك أنك تصبر وتحتسب ده عند ربنا
ولازم تقتنع إن ربنا هيجازيك خير إن شاء الله إذا مكانش في الدنيا هيبقى في ((((الآخرة)))) حط في دماغك أن فيه آخرة يعني حياة ((أبدية)) خلود بلا موت يعني يا إما جنة ونعيم (((دااااااااااااائم))) بلا حزن ولا مرض ولا شقاء ولا كل اللي أنت فيه ده يا إما النار والعياذ بالله
فموضوع الانتحار ده تشيله من دماغك خااااااااااالص إنت كده كده هتموت لما ييجي أجلك فمفيش حاجة تستاهل أنك تنتحر عشانها وتقابل ربنا وهو ساخط عليك وتعيش حياة(((أبدية))) والعياذ بالله ((ربنا يعافيك ويعافينا جميعا)) في النار أنت مطلوب منك أنك تصبر وفي نفس الوقت تحاول تصلح من نفسك عشان